YAKOBUS 2:21 - Alkitab Singog In Mongondow Masa In Tanaa

²¹ Indoiaika in ki Abraham mogoguyang naton. Sia in sinarima nopia i Allah popisíbí in oaidnea, wakutu in sia noposumba kon i adínea ki Ishak. Pinosumbanea kon i Allah kon tudu in mezbah.

YAKOBUS 2:21 ပူးပေါင်းရင်းမြစ်များ

MAZMUR 143:2

Akuoi naa in mogogundoi-Mu, dikabí monisig kon inakó, sin diábí in intau in diá kotaḷá in kon tayowon-Mu.

YESAYA 51:2

Toropdon in mogoguyangmu ki Abraham bo ki Sara inta nopononggadí kon i monimu; kon tungkuḷ in Akuoi nogoiní kon i Abraham, Sia in diá kogadí; bo binarakatan-Ku in sia bo inogoian-Ku in buí inta mobayong.

MATIUS 12:37

Sin singogmubí tua in monantú mongo iko kotaḷá andeka diá, bo iko in hukumon podudui in singogmu tontaní.”

MATIUS 3:9

Bo naaipa muna morai kon moiko in mosaḷamatbí sin moiko in moguman kon bonu in gina kon ki Abraham in ki amá nami, pogumankudon kon i monimu, kon batu mita tanaa in motaaubí aidan i Allah ki buí mita i Abraham.

LUKAS 1:73

Sin tuata in ibot-Nea kon i Abraham ki amá naton, Sia in nodandi kon moposaḷamat kon i naton nongkon saturu naton, sinbá kita in diá koaputan in ondok in mogundoi kon i-Nia.

LUKAS 16:24

Dá intau nooyúon tatua in nomaḷú, ‘Amá Abraham! Kotabipa in akuoi naa. Tuḷungaipa potabá in ki Lazarus mopoḷodok in tononuyúnea kon tubig bo mamangoi momuntad kon diláku. Akuoi in totok in mororiga kon bonu in tuḷu tanaa!’

LUKAS 16:30

Táe intau nooyúon tatua in noguman, ‘Diápabí tugat intua, Amá Abraham. Táe aka oyúon in intau minatoi in mobiag bui bo mamangoi kon i monia, yo mogogai bidon in mosia in mogaid kon dosa mita monia.’

YOHANES 8:39

Mosia in notubag, “Ki amá nami in ki Abraham.” “Aka moiko bo totu-totuu ki adí i Abraham,” guman i Yesus, “pastibí kon aidanbí monimu in onu inta inaidan i Abraham.

YOHANES 8:53

Aka ki Abraham tontaní ain minatoi, bo nabi mita komintandon minatoi, Iko nion ki ine? Umpaka Iko in mokawa-kawasa nongkon i amá nami ki Abraham!”

OUMAN IN RASUL MITA 7:2

Dá ki Stepanus in nosingog, “Guyanga mita bo utat! Indongogaipa in singogku naa: Wakutu in mogoguyang naton ki Abraham diápa nomamping kon Haran, wakutu intua sia in nogutunpa kon Mesopotamia, bo ki Allah inta totok in moḷantud in namangoi kon inia

SURAT I PAULUS KON JAMAAT RUM 3:20

Sin diábí in tobatúmai in motaau mopopiaan i Allah sin popisí in mosia ain nogaid kon soaḷ mita inta kon bonu in hukum agama Yahudi. Táe hukum tatua in tongábí moponiata kon intau tua in binaradosabí komintan.

SURAT I PAULUS KON JAMAAT RUM 4:1

Aka natua, onu in motaau singogon soaḷ ki Abraham, mogoguyang naton tatua? Naonda in pongalamannea?

SURAT I PAULUS KON JAMAAT RUM 4:12

Ki Abraham in guyangabí doman in intau mita inta ain sinunat. Sia in nobaḻí guyanga monia, deemanbí tongá popisí in mosia ain sinunat, táe popisíbí in mosia nopirisayadon kon i Allah bo nobiagdon naonda bo ki Abraham wakutu in diápa sinunat.

SURAT I PAULUS KON JAMAAT RUM 4:16

Dandi i Allah tatua in pinodoyonbí kon pirisaya in intau tatua kon i Allah. Tua in nobaḻí tobatú jaminan kon bayongan buí i Abraham, kon dandi tatua in inogoi kon i monia saḷaku tobatú oogoi inta pinonotabi i Allah, deemanbí tongá kon i monia inta motoindudui kon hukum in agama Yahudi, táe kon i moniabí doman inta mopirisaya kon i Allah. Ná ki Abraham inta totok in mopirisaya kon i-Nia. Ki Abraham tua in ki amábí naton komintan inta mopirisaya.

IBRANI 11:17

Popisí doman in mopirisaya, dá ki Abraham nobaranibí in noposumba kon i Ishak saḷaku kuruban kon i Allah wakutu in inuji i Allah in sia. Ki Abrahambí tua in pinobogoian i Allah kon dandi-Nea, táe norelabí in sia in noposarakan kon i adínea inta tongá totobatú tua.

YAKOBUS 2:18

Degá oyúon intau in moguman, “Oyúon intau in umandoḷ kon pirisayanea bo oyúon doman in umandoḷ kon oaidnea.” Dá akuoi in moguman, “Poontongka kon inakó in pirisaya takin diá in oaid bo poontongku kon inimu in oaidku saḷaku bungai kon akuoi in mopirisaya.”

YAKOBUS 2:24

Nosilangdon tanaa, kon intau tarimaan mopia i Allah lantaran onu inta inaidan in intau tatua, bo deemanbí tongá popísí in pirisayanea tatua.

YOSUA 24:3

Bo Akuoi nogoiní kon i Abraham, mogoguyangmu tua, nongkon butá kon ḷoḷan in Ongkag in Eprat tatua, bo nopotabá kon inia noḻibu kon butá in Kanaan. Akuoi in nobogoi kon inia in buí mobayong. Dungkuḷ totok ki Ishak in inogoi-Ku kon inia,