YAKOBUS 2:11 - Alkitab Singog In Mongondow Masa In Tanaa

¹¹ Sin ki inta noguman, “Dika monuaḻing,” siadon doman tua inta noguman “Dika moḻimod.” Dá aka moiko diá nonuaḻing, táe noḻimod, dá moiko in moḷoḷawangbí doman kon hukum.

YAKOBUS 2:11 ပူးပေါင်းရင်းမြစ်များ

IMAMAT 4:13

Aka inta dinosa tua bo bayongan umat in Israel, tongá diábí sinumuod noḷawang kon tobatú nongkon parenta i Tuhan,

IMAMAT 4:2

mopotaau kon bangusa Israel kon ki inekabí inta diá sinumuod nogaid kon dosa takin noiḷaut noiḻimpatdon kon tobatú nongkon parenta mita i Tuhan, yo musti dumudui kon atorang tanaa.

IMAMAT 4:22

Aka inta dinosa tua in bobato tobatú táe diábí sinumuod noḷawang kon parenta i Tuhan tobatú,

MATIUS 19:18

Intau tatua in noḻibó bui kon i-Nia, “Parenta inta táonda?” Dá kai Yesus, “Donaai moḻimod, donaai monuaḻing, donaai monakow, donaai mongonguman kon uboḷ,

MARKUS 10:19

Tantú kinotaauanmu bidon in parenta i Allah tanaa, ‘Dika moḻimod, dika monuaḻing ande mokituaḻing, dika monakow, dika moposakusi in inta diá totuu bo dika monguboḷ, horomatbí in ki amá bo ki inámu.’ ”

LUKAS 18:20

Ain bidon kinotaauanmu in parenta mita i Allah: ‘Dika monuaḻing, dika moḻimod, dika monakow, dika moguman kon inta diá totuu bo horomatbí in ki amá bo ki inámu.’ ”

SURAT I PAULUS KON JAMAAT RUM 13:9

Sin hukum agama in Yahudi in noguman nanaa: Dika monuaḻing, dika moḻimod, dika monakow, dika moibog in kapunyaan intau ibanea, bo bayongan parenta ibanea ain notangkup kon hukum tobatú tanaa, “Kotabibí in tumpaḷa intau, naonda bo kototabimu kon awakmu tontaní.”