YAKOBUS 1:26 - Alkitab Singog In Mongondow Masa In Tanaa

²⁶ Aka oyúon in tobatú intau inta monganggap kon sia tua in motoḷutui in mopobayá kon parenta in agama, táe sia in diá mokotahang in diá mosingog kon intau, dá nonguboḷdon in sia kon inia tontaní; bo diádon mangaḻe in ibadanea tatua.

YAKOBUS 1:26 ပူးပေါင်းရင်းမြစ်များ

AYUB 15:13

Iko in sinumorú kon i Allah bo nomayow kon i-Nia.

AYUB 30:11

Popisí in binaḻí i Allah in akuoi moyangkó diá kodaya, mosia in mopoaid kon inakó in yaat in gina monia.

MAZMUR 141:3

O Tuhan, ḷukadaipa in bibigku bo taridiaidon in bibigku.

MAZMUR 32:9

Dika naonda bo kabaḷo inta diá in raian, inta musti diaan in sabarak bo tontogot sinbá dumudui.”

MAZMUR 34:13

Moibog degá in moiko moumur in kobiagan bo motarima kon inta mopia?

AMSAL 10:19

Mobarong in singog, mokodugang doman kon dosa; intau inta mokoḷukad kon dilánea in mobijaksana.

AMSAL 10:31

Intau motuḻid in gina mopoyaput in tosingogon inta mobijaksana; intau moraat in pinomponan in bibignea.

AMSAL 14:12

Oyúon in daḷan inta koontongan in motuḻid, táe imbuitnea daḷan tatua in modiabí kon popatoi.

AMSAL 15:2

Tosingogon in intau mobijak mokopomia kon gina moangá kon sinotaau; tosingogon in intau bodok tongábí moguman kon kobobodok.

AMSAL 16:10

Datu in motarima kon kawasa nongkon i Allah, dá, diábí in sia kotaḷá in monantú kon ibognea.

AMSAL 16:25

Oyúon in daḷan koontongan in motuḻid, táe imbuitnea daḷan tatua modia mayá in popatoi.

AMSAL 19:1

Maníka bo intau bogá inta motuḻid in kobobiagnea, dika in intau bodok inta moibog monguboḷ.

AMSAL 21:26

Kinoouput in singgai sia in tongábí morai kon onu inta kinoibognea. Táe, intau inta motuḻid in kobobiagnea motaaubí mobogoi in mobarong.

YESAYA 1:13

Diábí in baragunanea in podiaan kon sosumbamu tatua. Doíbí in Akuoi kon bónea. Morongó in Akuoi bo diádon mokotahang in mokoontong kon i monimu monanob kon Buḷan Mobagu, singgai mita in Sabat bo singgai mita moḷoben takin poyoyodungkuḷan in agama. Bayongan tua in ain sinamakan monimu in dosamu mita bo nobaḻídon dodiaan kon i-Nakó; moḷopídon in Akuoi in mobaba kon tua.

YESAYA 44:20

Aid natua in notongkaibí in nokaan kon ḷobud. Intau tatua in pinoḷaḻe in raiannea inta bodok, nodapot in sia in diádon kinotuḷungan bui. Sia in diábí mokopongaku kon patong inta kinadaiannea tatua in tongábí pongakaḷ.

MALEAKHI 3:14

Moiko in noguman, ‘Diábí in mangaḻenea in mogundoi kon i Allah. Onubí in baragunanea in mopobayá in oaidan naton kon i Tuhan Inta Totok in mokawasa, andeka mopoontong kon i-Nia kon kita in nomanasaḷdon kon aid naton inta noitaḷá?

MATIUS 15:9

Diábí in mangaḻenea posumbaan monia kon i-Nakó, sin onu in sinundú monia tua atorangbí in intau.’ ”

MARKUS 7:7

Diá in mangaḻe in posumbaan monia kon i-Nakó, aka atorang intau yo tundúon monia naonda bo atorang-Ku intua!’

LUKAS 8:18

Manangka intua yo tarukiraai kopira onu inta ain dinongog monimu. Sin aka ki ine in oyúondon, yo kon inia tua in dugangan doman bui; táe ki ine in diápa, yo onu in oyúonpa kon inia gamáan domandon nongkon inia.”

KORINTUS 1 15:15

Bo aka natua, yo mangaḻenea kon tua in uboḷbí inta ain pinoguman nami kon i monimu soaḷ ki Allah, sin Siabí in kai nami in nomiag kon i Kristus, bokaka Sia in diábí nomiag bui kon i Kristus.

KORINTUS 1 15:2

Aka moiko bo tantú kumadai kon onu inta ain pinotaauku kon i monimu, yo Habar Mopia tatua in mokosaḷamatbí kon i monimu; koḻikudbí aka moiko mopirisaya táe diá momangaḻe kon onu inta pinirisaya monimu tua.

KORINTUS 1 3:18

Donaai tobatúmai in monguboḷ kon awaknea tontaní. Aka oyúon in kon sigad monimu in monganggap mobijaksana in sia podudui in raian intau, yo intau tatua in mustibí tumekeng bodok, sinbá totu-totuu mobaḻí mobijaksana in sia.

GALATIA 2:6

Bo soaḷ mosia inta inanggap in intau mita mongoponting – tua in diábí mobaḻí soaḷ kon inakó, sin aka kon inakó yo diábí in yoposi intau, intau moḷoben ande intau moyangkó, sin ki Allah in diábí momiḻí kon intau.

GALATIA 2:9

Bo naonda in nokoontong kon totabi inta inogoi i Allah kon i nakó, dá ki Yakobus, ki Petrus, bo ki Yohanes inta nobaḻídon itoi kon jamaat, nopirisayadon kon ki Allahbí in nobogoi oaidan tanaa kon inakó. Sahingga in nodati in mosia kon i naminda i Barnabas saḷaku tanda yoyobayatan. Bo nosatuju bidon in kami kon kami in mayá mopohabar in Habar Mopia kon yua-yuak in intau mita inta deeman Yahudi, bo mosia in mayá kon sigad in intau mita in Yahudi.

GALATIA 3:4

Degá iraimai monimu yo diábí in mangaḻe in bayongan inta ain kinorasaan monimu tua? Diábí kumaan kon akaḷ aka diá in baragunanea!

GALATIA 6:3

Aka tobatú intau bo nosangka kon sia tua intau moponting, bokaka diábí, yo sia in nonguboḷdon kon inia tontaní.

EPESUS 4:29

Aka mosingog in moiko yo dika mosingog kon inta moraat, singogdon in onu inta mokobaraguna moginropot kon pirisaya bo singog mita tonggina inta motaau potuḷung kon intau ibanea. Sin singog mita inta baraguna in mokopoangoi kon kopiaan kon i monia inta mokodongog.

EPESUS 5:4

Ná doman tua, dika mosingog kon inta moromú, inta mokotor bo inta diá in baragunanea. Táe moiko in mustidon mopoyaput in sukur kon i Allah.

ULANGAN 11:16

Dika in moiko moibog poyayúon nongkon i Tuhan sin mosumba bo mogundoi kon ilah mita ibanea.

KOLOSE 4:6

Ramujidon sinbá onu in singogonmu tantú mokosanang bo koibog in intau. Bo musti kotaauan monimu naonda in pototubag kon onu in ḻibo-ḻibóon mita in intau.

YAKOBUS 1:19

Utat mita inta kinotabiku, tarukira kopira in naa! Pomuḷoi in intau musti ḻimikat in mokidongog, tongá mokopoḷaḷoi in mosingog bo donaai doman baḷú tumorú.

YAKOBUS 1:22

Musti aidan monimu in onu inta pinoki aid i Allah, deemanbí tongá indongogan mako bo diá aidan, sin aka diá aidan yo tua in mangaḻenea moiko in nonguboḷdon kon i monimu tontaní.

YAKOBUS 2:20

Mobodok totok in moiko! Degá paraḷupa poontong kon i monimu kon diábí in mangaḻenea aka pirisaya diá poyotakinon in oaid?

PETRUS 1 3:10

Kon bonu in Buk Motusi ain pinais nanaa, “Intau inta moibog moumur in kobiagan bo moibog doman mokorasa kon kobiagan mopia, yo mustibí ḷukadannea in bibig sinbá diá mongonguman kon inta mongoraat bo diá doman mongonguman kon inta diá totuu.