YAKOBUS 1:25 - Alkitab Singog In Mongondow Masa In Tanaa

²⁵ Hukum i Allah tua in nosompurna bo moḷoben in kawasa-Nea moposaḷamat kon intau. Táe intau inta momirikisa bo monarukira kinopira poḷat nopoaid doman, deeman tongá inindongogan mako bo ḻiongon, yo intau natua in barakatanbí i Allah in bayongan oaidannea.

YAKOBUS 1:25 ပူးပေါင်းရင်းမြစ်များ

MAZMUR 106:3

Pia in kamang in intau inta dinumudui kon parenta-Nea mita, bo umuran mobanar in aidannea.

MAZMUR 119:32

Takin pia in gina dumudui in akuoi kon parenta-Mu, sin binaḻí-Mu in akuoi totok in momangaḻe.

MAZMUR 119:45

Dá mobiagdon in akuoi takin diá in ḷamboinea, sin moḷongasi dumudui kon totundú-Mu.

AMSAL 14:15

Intau bodok in mopirisayabí kon bayongan in tosingogon, intau mobijaksana in umuranbí mokopoingat.

YESAYA 8:20

Tubagai nanaa, “Indongogai in totundú in Tuhan! Intau inta diá nosingog podudui in totundú tatua, diábí in kamang.”

LUKAS 11:28

Táe ki Yesus noguman nanaa, “Intau inta mosanang totok in mosiabí inta moibog mokidongog kon Pirman i Allah, bo moibog mogaid kon onu inta pinoguman-Nea!”

YOHANES 13:17

Aka kinotaauandon monimu komintan in naa, yo mosanang bidon in moiko aka pomiaanmu.

YOHANES 8:36

Manangka intua, aka Adí mopoḷuatdon kon i monimu, yo moiko in totu-totuudon moiḷuat.

OUMAN IN RASUL MITA 13:43

Naonda in iḷumuaidon in bayongan intau nongkon baḷoi pososambayangan tatua, ki Paulus bo ki Barnabas in dinuduian in moantó intau Yahudi bo intau doman mita ibanea inta sinumuotdon kon agama Yahudi. Dá umuran sinongginaan in rasul mita tatua in mosia sinbá umuran mobiag kon bonu in totabi Allah.

OUMAN IN RASUL MITA 2:42

Mosia morajing totok in mokidongog kon onu in sinundú in rasul mita tatua bo umuran moyosipun moyotakin mongaan bo mosambayang.

OUMAN IN RASUL MITA 26:22

Táe tantúpabí sinotabi i Allah in akuoi dá notaaupabí sinimindog kon naa in tanaa mako bo mongonguman kon bayongan inta ain kinorasaanku kon bayongan intau – moḷoben andeka mointok. Onu in inoumanku naa in diábí noyoposi in onu inta ain muna pinoguman in nabi mita bo i Musa;

SURAT I PAULUS KON JAMAAT RUM 11:22

Dá kon naa in kinoontongandon naton in koḷoḷoben in tabi i Allah bo kototogat doman in gina-Nea. Diábí irekeng-Neamai mopoḷabú in hukuman kon i monia inta binaradosa, táe Sia in totok doman mopia kon i utat, asaḷ bo ki utat in umuran mobiag nongkon kopopia-Nea. Aka diá yo iko in ḷumbúon-Neabí doman.

SURAT I PAULUS KON JAMAAT RUM 2:13

Sin hubungan in intau takin i Allah in moyoguḻit bui, deemanbí popisí in intau tatua nonotaaudon kon hukum agama in Yahudi, táe popisíbí in sia nogaidon kon onu inta pinais kon bonu in hukum tatua.

SURAT I PAULUS KON JAMAAT RUM 7:12

Hukum agama tua in nongkon i Allahbí, bo pomuḷoi in parenta kon bonu in hukum tatua namangoibí nongkon i Allah, manangka intua moadilbí bo mopia.

SURAT I PAULUS KON JAMAAT RUM 8:15

Sin Roho, inta inogoi i Allah kon i monimu, diábí mopobaḻí kon i monimu ata, sahingga moiko in mobiagdon kon bonu in porasaan moondok. Táe Roho i Allah in mopobaḻíbí kon i monimu ki adí mita i Allah. Bo takin kawasa in Roho tatua kita komintan in monangoi kon i Allah, “Amá, o Amáku!”

SURAT I PAULUS KON JAMAAT RUM 8:2

Sin Roho inta nobogoi in kobiagan ain nopoḷuat kon inakó inta ain notobatú i Kristus nongkon hukum in dosa bo hukum in popatoi.

KORINTUS 1 15:58

Tuamai uḻe utatku mita inta kinotabiku, mokoporopot bo kotorindog. Umuran totu-totuu pogundoi kon i Tuhan, sin kinotaauanbí monimu kon bayongan inta inaidan monimu kon i Tuhan, komintanbí baraguna.

KORINTUS 2 13:5

Tungkuḷaika uji in pirisaya monimu mongo totu-totuudon noidoyon kon pirisaya kon i Kristus! Taridiai kopia! Degá moiko in diápabí mopirisaya totok kon ki Kristus Yesus in oyúondon kon bonu in gina monimu! – sin aka diá natua yo moiko in diápabí monahang kon totungkuḷ.

GALATIA 2:4

umpakabí oyúon intau in totok momakisa kon inia. Mosia tua in intau mita inta umuran kumapog kon i naton bo mongaku kon mosia in ki utat naton. Mosia tua in umuni-uni mako monarukira kon onukabí in aidan naton saḷaku intau inta ain notobatú takin i Kristus Yesus. Ibogon monia in kita mobui kon kaadaan naton koḻipod saḷaku ki ata monia,

GALATIA 5:1

Tanaa kita totu-totuudon nobebas, sin ki Kristus tontaní in nopobebas kon i naton! Tuamai tantúdon ḷukadai in kabebasanmu, bo donaai in moibog bui tonggataan.

GALATIA 6:2

Mosituḷungan aka mokoontong kon roriga ande oaidan in intau ibanea, sin aka tua in aidan monimu yo dinumuduidon kon parenta i Kristus in moiko.

KOLOSE 1:23

Manangka intua, moiko in musti umuran mosatia in mopirisaya bo umuran doman kumadai mokoporopot kon onu inta ain pinirisaya monimu. Dika modapot in ukatan monimu harapan inta ain inogoi kon i monimu wakutu in moiko notarimadon kon Habar Mopia nongkon i Allah. Habar Mopia tatua ain pinotaau kon bayongan intau kon dunia naa. Bo popisíbí in tuata, akuoi ki Paulus in nobaḻí mogogaid kon oaidan i Allah.

TIMOTIUS 1 2:15

Táe umpaka natua, bobay in posaḷamatonbí doman, sin mosia in mobogoi in buí. Asaḷ sia mokopoompá kon dodia bo mokopotantú doman kon pirisaya kon i Kristus bo umuran kototabian kon tumpaḷa intau, bo moposarakan doman in kobiagannea kon i Allah.

TIMOTIUS 1 4:16

Ḷukadai in awakmu bo ḷukadai doman in onu inta ain sinundúmu. Musti in iko mokopotoindudui kon tua komintan, sin aka tantúmu aidan intua komintan, yo mangaḻenea kon tua iko in moposaḷamat bidon in awakmu bo moposaḷamat doman kon intau mita inta moibog mokidongog kon inimu.

IBRANI 12:15

Ḷukadaibí sinbá diá tobatúmai in intau ḷumuai nongkon kobiagan inta pinodoyon kon totabi i Allah, sinbá diá in mobaḻí rasum inta mokopomuká kon ropatoi bo inta mokogoguyaat kon kobiagan intau mobayong.

YAKOBUS 2:12

Posingog bo pogaid saḷaku intau inta bain adilon podudui kon hukum i Allah inta nopobebas kon intau.

PETRUS 1 2:16

Bo kobiagdon in moiko saḷaku intau inta mobebas, táe donaai pakéon in kabebasan tatua sin momompon kon aid mita monimu inta moraat, táe kobiagbí saḷaku intau mita inta nogaid kon oaidan i Allah.

YOHANES 1 2:24

Sin tuamai, habar inta ain dinongog monimu, wakutu in moiko bagupa nopirisaya, mustibí tagúon monimu kon bonu in gina. Sin aka habar inta ain dinongog monimu tua umuran kon gina-gina mako monimu, yo moiko in umuranbí mobiag motobatú takin i Adí bo i Amá.

WAHYU 14:13

Bo akuoi in bui nokodongog kon singog nongkon soroga noguman, “Paisdon in naa: Mulaidon tanaa mako, koḷungangadon in intau mita minatoi inta minatoi kon dodai in yogotpa nogaid kon oaidan i Tuhan!” “Totuu intua!” tubag in Roho i Allah. “Mosia in mogogai bidon mogaid kon oaidan monia, lantaran boḻi in pinogaidan monia umuran kotaki-takin monia.”

WAHYU 22:14

Mosanangdon totok in intau inta nomatá kon jubahnea kinodarit totok. Mosia in motaau mokaan kon bungai in pangkoi in kayu kobiagan bo tumuot kon bonu in kotá mongin ngaranea.

SAMUEL 1 12:14

Mosanangdon totok in moiko aka mohoromat kon i Tuhan, bo mogundoi kon i-Nia, bo mokidongog poḷat dumudui kon parenta-Nea, apa doman aka moiko bo datumu tua in umuran mosatia kon i Tuhan Allahmu.