YAKOBUS 1:24 - Alkitab Singog In Mongondow Masa In Tanaa

²⁴ Naonda iḻiḻíannea mako kinopira, minayá in sia dá baḷúneadon kinoḻiongan in batangannea tatua.

YAKOBUS 1:24 ပူးပေါင်းရင်းမြစ်များ

MATIUS 8:27

Mosia in nongoherang bo noguman, “Ki inebí degá in Sia naa, sin tompot bo danow in dumuduibí kon tosingogon-Nea!”

LUKAS 1:66

Bo komintan intau inta nokodongog kon ouman tatua noḻibo-ḻibóan kon bonu in gina, “Mobaḻí onu degá in adí tatua in kon singgai moiduduimai?” Sin sia kokapi-kapit i Tuhan.

LUKAS 7:39

Naonda in inontong intau in Parisi inta nogoiní kon i Yesus nongaan, sia in nosingog kon bonu in ginanea, “Aka Sia naa bo totu-totuu nabi, yo tantú kotaauan-Neabí doman kon bobay tatua intaubí inta totok in binaradosa!”

TESALONIKA 1 1:5

Sin kami in nopoyaput in Habar Mopia kon i monimu deemanbí pinodoyon kon pandoi nami, táe pinodoyonbí kon kawasa in Roho i Allah inta umuran kotaki-takin nami. Bo totokbí iyakin nami kon totuubí in Habar Mopia tatua. Kinotaauan bidon monimu in kobobiag nami wakutu in kotaki-takinpa monimu. Kami in umuran noramuji in nogaid sin kopontingan monimu.

YAKOBUS 1:23

Intau inta nokidongog kon pirman i Allah táe diá dinumudui kon onu inta pinoguman i Allah tua, yo sia tua in notongkaibí in intau inta noḻiḻímai kon pogotnea kon tayowon in posilag.

YAKOBUS 1:25

Hukum i Allah tua in nosompurna bo moḷoben in kawasa-Nea moposaḷamat kon intau. Táe intau inta momirikisa bo monarukira kinopira poḷat nopoaid doman, deeman tongá inindongogan mako bo ḻiongon, yo intau natua in barakatanbí i Allah in bayongan oaidannea.

PETRUS 2 3:11

Lantaran bayongan intua bo daiton rimumudon takin cara natua, dá moiko in musti mobiag mokopotoḷutui? Bo tongá doman mobantung kon i Allah,

HAKIM MITA 8:18

Nopaḷut mako kon tua ki Gideon noḻibó kon i Zebah bo kon i Salmuna, “Naonda in batangan in intau mita inta iḻimod monimu kon Tabor tua?” Ki Zebah bo ki Salmuna notubag, “Mosia tua in komintanbí notombatanganmu, naonda bo buí in intau mita moḷoben.”