YAKOBUS 1:17 - Alkitab Singog In Mongondow Masa In Tanaa

¹⁷ Pomuḷoi in oogoi inta mopia bo tombuinag inta mosompurna, namangoibí intua nongkon soroga, pinopoponag i Allah inta nomia kon bayongan inta nobayag kon ḷangit. Sia tua in ki Allah inta diá kon dodai in onda mobaḷui bo diábí doman mokopopisí in mogaid kon inta mosindip.

YAKOBUS 1:17 ပူးပေါင်းရင်းမြစ်များ

KINOBAḺIAN 41:16

Ki Yusup in notubag, “Deemanbí akuoi bobantung tanaa, Tuangku, táe ki Allahbí in moginsilang kon mangaḻe in togoindop i Tuang.”

TAWARIKH 1 22:12

Bo igumon mako ki Tuhan Allahmu in mobogoi kon inimu in kabijaksanaan bo pandoi sin momarenta kon Israel podudui in hukum-Nea mita.

TAWARIKH 1 29:19

Ogoiaidon in ki Salomo, ki adíku ḷoḷaki in ibog inta totu-totuu dumudui kon bayongan in parenta-Mu bo moposindog in baḷoi pooibadaan tatua inta ain pinosadiaku.”

MAZMUR 102:27

Tua komintan in moinggamábí, táe Iko in umuranbí oyúon; tua mita in mokoyonganbí naonda bo pakeang. Ḷumbúon-Mu intua naonda bo ḷambung nokoyongan, bo komintandon moputú.

MAZMUR 122:6

Posambayangdon kon kotompiaan in Yerusalem: “Igumon mako bayongan in intau inta moibog kon inimu in motompia.

MAZMUR 136:7

Sia in nomia kon pakakat mita ponimbayag kon ḷangit; tabi-Nea in umuran mononoi;

MAZMUR 84:11

Mopia-piabí kon tosinggai in kon Baḷoi-Mu dika in toribu nosinggai kon tampat ibanea. Piniḻíku in mobaḻí moḷoḷukad kon ngara in Baḷoi i Allahku dika in mogutun kon baḷoi in intau moraat.

MAZMUR 85:12

Kososatia in intau in mobiagbí nongkon butá, bo kooadil i Tuhan in moḷongowbí monag nongkon ḷangit.

AMSAL 2:6

Ki Tuhanbí in mobogoi in hikmat; nongkon i-Niabí intau mokouḻí kon pongotahuan bo komomangaḻe.

YESAYA 28:26

Kinotaauannea naonda in pogogaid kon tua, sin ain sinundú i Allahnea.

YESAYA 45:7

Akuoibí in nomia kon bayag bo sindip, Akuoi in mopoangoi in barakat bo bodito. Akuoi in ki Tuhan inta nogaid kon tua mita.

YESAYA 46:10

Nongkon pinomangkoianmai pinotaau-Kudon in onu inta mobaḻí kon singgai moiduduimai, nongkon dungkuḷpabímai ain sinoḻindap-Ku onu in mobaḻí. Guman-Ku: Onu inta ain sinantú-Ku in mobaḻíbí, onu in koibog-Ku in notantúbí kon aidan-Ku!

YESAYA 60:19

Iko in diábí paraḷu sindaran mata in singgai kon dodai in singgai, bo diábí paraḷu simbayagan in buḷan kon dodai in doḷom. Sin Akuoi ki Tuhan in nobaḻí mononimbayag mononoi kon inimu, Akuoi in monindar kon inimu pongin kamuliaan-Ku.

MALEAKHI 3:6

“Akuoibí in ki Tuhan, bo Akuoi in diábí mobaḷui. Tuamai in moiko buí i Yakub, diá iyopú.

PINOGIAPAN 11:17

Moponag in Akuoi bo moyosingogmu kon tampat tatua, bo tosilai nongkon kawasa inta ain inogoi-Ku kon inimu, ogoi-Kudon kon i monia. Dá motaaudon in mosia motuḷung kon inimu mobaba kon onu inta pinoki totaau kon bangusa tanaa, bo dikadon tongá iko tontaní in mobaba kon tua.

PINOGIAPAN 11:25

Bo ki Tuhan namangoi kon bonu in goḷom bo noguman kon i Musa. Ki Tuhan nogamá kon kawasa ibanea inta inogoi-Neadon kon i Musa bo inogoi-Nea kon itoi pitu nopuḷú tatua. Naonda in Roho i Tuhan tatua mamangoi kon i monia, nomangkoidon in mosia nosingog naonda bo nabi, táe diá noonggot.

PINOGIAPAN 23:19

Ki Allah deemanbí ná intau inta moḷongkang angoian in momanasaḷ bo moibog monguboḷ. Aka ki Allah in modandi, yo notantúbí kon aidan-Nea! Aka Sia in mosingog, yo totuubí kon mobaḻí!

MATIUS 7:11

Dá aka moiko inta moraat bo motaau mobogoi, kon inta mopia kon i adímu mita. Yo bambíkabí ki Amámu kon soroga! Sia in moiḻiubí kon tua, ogoian-Neabí inta mopia totok in ki ine inta moigum kon i-Nia.”

LUKAS 11:13

Dá aka moiko inta moraat bo motaau mobogoi kon inta mopia kon i adímu mita, yo bambíkabí ki Amámu inta kon soroga! Sia in mobogoibí in Roho-Nea kon i monia inta umuran moigum kon i-Nia!”

YOHANES 1:9

Bayag totokanea inta monimbayag kon bayongan in intau, mamangoi in dunia.

YOHANES 3:27

Ki Yohanes in notubag, “Diábí in tobatúmai intau in mokouḻí kon onu bo onu sin pakéonnea tontaní, aka deeman ki Allah in nobogoi kon inia.

YOHANES 3:3

Tubag i Yesus, “Totuu, kon diábí in tobatúmai in intau motaau in mobaḻí umat i Allah, aka sia in diá polahiron bui.”

YOHANES 8:12

Ki Yesus in buipa doman noguman kon i monia, “Akuoi naa in bayag in dunia. Intau inta dumudui kon i-Nakó in diá bidon sia mayá kon bonu in sindip, táe oyúondon in bayag kon kobiagannea.”

OUMAN IN RASUL MITA 11:18

Naonda in dinongog monia intua, nopiadon in gina monia komintan poḷat nodayow kon i Allah. Kai monia, “Aka natua, dá intau mita inta deeman Yahudi inogoianbí doman i Allah in kasampatan mogogai in mogaid kon dosa mita bo mokouḻí kon kobiagan mononoi!”

OUMAN IN RASUL MITA 5:31

Ki Yesusbí tua inta ain inogoian ḷoḻitúan bo kawasa moḷantud saḷaku Itoi bo Mopoposaḷamat, sinbá intau in Israel ogoian in wakutu mogogai in mogaid kon dosa, bá ampungan in mosia.

SURAT I PAULUS KON JAMAAT RUM 6:23

Sin aka bungai in dosa tua in popatoibí, táe kobiagan mopia bo mononoi in moyotakin i Kristus Yesus, Tuhan naton, tua in inogoibí i Allah pinomorosen.

KORINTUS 1 4:7

Diábí in inanggap totok moponting kon sigad monimu? Sin onu in kon i monimu, komintanbí nongkon i Allah? Manangka intua diábí motaau in dumodia, sin tua mita in diábí nouḻímu tontaní?

KORINTUS 2 4:6

Sin ki Allah in nogumandon nanaa, “Nongkon sindip momukádon in bayag.” Bo ki Allah doman tatua inta nopomuká in bayag-Nea kon bonu in gina naton, sinbá mobayag domandon in raian naton bo monotaau kon kototarang in bayag i Allah inta nonindar kon pogot i Kristus.

EPESUS 1:18

Poigumonku doman kon i Allah, sinbá bukáan-Nea in raian monimu sahingga in mobayagdon bo komangaḻeandon monimu in onu inta motaau harapon monimu nongkon i Allah inta nogoiní kon i monimu. Bo bá kotaauandon doman monimu kon mobayongbí totok in barakat mopia inta sinadia i Allah kon umat-Nea;

EPESUS 2:8

Ki Allah in motabi kon i monimu, tuamai in pinosaḷamat-Nea in moiko sin nopirisayadon kon i Kristus in moiko. Moiko in nosaḷamat deemanbí lantaran ḷopí monimu tontaní. Tua in totabibí i Allah. Manangka intua diábí motaau in tobatúmai intau dumodia kon soaḷ tatua.

ULANGAN 4:19

Dikadon baradosaan popisí in mosumba bo mogundoi kon onu inta inontong monimu kon ḷangit: mata in singgai, buḷan bo tundi mita. Pinomayá mako i Tuhan Allahmu in bangusa mita ibanea nosumba kon tua mita.

PILIPI 1:29

Sin moiko inogoian bidon i Allah in totabi inta deemanbí tongá mopirisaya kon i Kristus, táe poḷatbí doman motanggung kon roriga-Nea.

TIMOTIUS 1 6:16

Tongábí Sia in diá kokawasaan in popatoi bo inta nobiag kon sindar inta diá motaau diugan i inekabí. Diábí in tobatúmai intau mokoontong kon i-Nia, bo totuubí kon diábí ontongon intau in Sia. Tongábí Sia in patus horomaton sin kawasa-Nea in noiḻiu kon bayongan kawasa kon dunia naa modapot in kopaḷutan dunia naa! Amin.

IBRANI 13:8

Ki Yesus Kristus in diábí mobaḷu-baḷui, koḻipod, masai naa bo modapotkabí in kopaḷutannea.

YAKOBUS 1:5

Aka oyúon in kon sigad monimu in diápa totok mobijaksana; yo musti mopoigum kon i Allah, dá ogoianbí i Allah in kabijaksanaan in sia. Sin takinbí pia in gina bo tabi in ki Allah in mobogoi kon batúan in intau.

YAKOBUS 3:15

Kabijaksanaan natua in deemanbí nongkon soroga. Tua in nongkon duniabí, nongkon ibog in intau, bo nongkon dimbuḷó!

YAKOBUS 3:17

Táe intau inta nokouḻí kon kabijaksanaan nongkon i Allah, yo sia in muna-munamai totok modarit, onda intua moibog in sia kon dodamean, mobahasa mako, bo motoindudui. Moḷoben in tabinea bo oaidnea mongopia. Diábí in sia momiḻí kon intau bo diábí tongá ki ubo-uboḷmai mopia.

YOHANES 1 1:5

Naadon in habar inta ain dinongog nami nongkon i Adí-Nea bo inta poyaput nami kon i monimu: Ki Allah tua in bayagbí, bo kon i-Nia diábí in sindip topiḻikpamai.

YOHANES 1 4:10

Naabí in tabi tua: Deemanbí kita in notabi kon i Allah, táe ki Allahbí in notabi kon i naton bo nopotabá kon i Adí-Nea sin motobut kon bayongan in dosa naton.

WAHYU 21:23

Kotá tatua diá bidon paraḷu simbayagan mata in singgai ande buḷan, sin kamuliaan i Allah aindon nokosimbayag kon tua, bo ki Adí in Domba in nobaḻí togánea.

WAHYU 22:5

Mosia in diá bidon moparaḷu kon togá andeka bayag mata in singgai, sin diá bidon modoḷo-doḷom in kon tua, bo ki Tuhan Allahbí tontaní in monimbayag kon i monia. Bo mosia in momarentabí saḷaku datu modapot in kopaḷutannea.

SAMUEL 1 15:29

Inta Momulia ki Allah in Israel in diábí monguboḷ bo diábí doman momanasaḷ, sin Sia in deemanbí intau.”