WAHYU 9:5 - Alkitab Singog In Mongondow Masa In Tanaa

⁵ Táe diábí inogoi in mosia moḻimod kon intau mita tatua, tongábí mopororiga kon i monia kon bonu in ḻima nobuḷan. Roriga inta nouḻí monia nongkon pangkoḷá mita tatua in naonda doman bo roriga bangiton in bambau.

WAHYU 9:5 ပူးပေါင်းရင်းမြစ်များ

TAWARIKH 2 10:11

Ki amáku nobogoi in oaidan inta mobogat kon inimu, táe akuoi in modugangbí kon kobogatnea kon tua. Sia in moposambok kon i monimu in sambok, táe akuoi in moposambokbí kon i monimu in sambok inta dodugian uatoi!’ ”

TAWARIKH 2 10:14

Pinodudui ná tonggina in intau mita inta nongobagupa, noguman in sia, “Ki amáku in nobogoi in oaidan mobogat kon inimu, táe dugangankupabi kobogaton in oaidan monimu tua. Sia in noposambok kon i monimu in sambok, táe sambokonkubí in moiko in sambok inta sinondugian in uatoi!”

AYUB 2:6

Dá ki Tuhan in noguman kon Ibilis, “Mopia, aidaidon kon inia onu in koibogmu, asaḷ dika ḻimodonmu in sia.”

YEHEZKIEL 2:6

Táe iko, ei intau inta ilo-ilow, dikabí moondok kon momomarontak mita tatua, andeka kon onukadon in singogon monia. Mosia in monayowbí bo moningkuḻe kon inimu, modapot in iko in naonda bo nobiag kon yua-yuak in bambau. Umpaka natua, yo dikabí moondok.

DANIEL 7:6

Naonda in sinaridikumangoi, noitukat domandon in mahaḷuk ibanea. Batangannea in naonda bo macan tutul, táe kon ḻikudnea oyúon in koḻikip in ḷagapan bo uḷunea in opat. Koontongan mokobangkaḷ in sia.

YOHANES 19:11

Ki Yesus in notubag, “Aka ki Allah diá mobogoi in kawasa tatua kon inimu, yo beresibí diá in kawasamu kon i-Nakó. Tuamai intaubí inta noposarakan kon i-Nakó kon inimu in moḷobe-ḷoben in dosanea nongkon inimu.”

WAHYU 11:7

Naonda in mosia mopaḷutdon mopotaau in habar monia, dá mahaḷuk inta iḷumuai nongkon irang in popatoi moḷawang kon i monia, poḷat monaḷow bodongka moḻimod kon i monia.

WAHYU 13:5

Mahaḷuk tatua inogoianbí in kasampatan ḷumoḷatú in mosingog bo moningkuḻe kon i Allah. Sia inogoianbí doman in kasampatan momarenta kon bonu in opat nopuḷú bodoyowá nobuḷan koonggotnea.

WAHYU 13:7

Sia inogoianpa doman in wakutu moḷawang kon umat i Allah takin monaḷow kon i monia. Bo inogoian doman in kasampatan mongawasa kon bayongan suku, umat, bahasa bo bangusa.

WAHYU 9:10

Mosia oiputan bo totogodan naonda bo bambau. Kon iput monia tua in kawasa inta mopororiga kon intau kon bonu in ḻima nobuḷan.

WAHYU 9:3

Bo nongkon poyok tatua iḷumuaidon in pangkoḷá mita bo namangoi in butá. Pangkoḷá mita tatua inogoian in kawasa inta ná inta inogoi kon bambau.