WAHYU 9:21 - Alkitab Singog In Mongondow Masa In Tanaa

²¹ Mosia in diápa doman mogogai in moḻimod, monggaing, mogaid kon inta diá patus aidan bo monakow.

WAHYU 9:21 ပူးပေါင်းရင်းမြစ်များ

YESAYA 47:12

Tantúdon aidai in sinotaaumu bo sihirmu, inta mokororiga kon inimu nongkon mongoadíanpamai. Dika-dika tua in baraguna kon inimu, mopogogondok kon musungmu mita.

YESAYA 47:9

Táe tongábí tokokiap monag, tongo singgai, doyowa tua in mobaḻí moyododai. Umpaka iko mopomaké in sihir bo sinotaau, yo ki buḷoimu bo ki adímu in gamáanbí doman.

YESAYA 57:3

Táe moiko inanakan mogogaid kon dosa, angoidon sin adilon! Moiko in diábí noiḻiu kon mososihir, intau inta moibog monuaḻing bo mopopotaḷui in awak!

DANIEL 11:33

Intau mita inta mobijaksana inta nobaḻí itoi in rayat in mopomangaḻebí kon mobayong in intau. Táe diá moonggot kon tua, tongonumai in kon sigad monia tua in koḻimodan popisí in parang andeka popisí in tuḷú, bo tongonumai doman in intau in pogagowan bo dakopon.

MALEAKHI 3:5

Guman i Tuhan Inta Totok in mokawasa, “Akuoi in mamangoibí kon inimu sin mohakim. Akuoi in ḷagidon mobaḻí sakusi kon mososihir mita, kon intau mita inta mototuaḻingan, inta noguman kon uboḷ, inta notombogá kon dodai in nobogoi in gaji kon intau inta sinondanan, inta nondorot kon intau boba-bobay, uno-unon, bo intau ango-angoi, bo kon intau mita inta diá mohoromat kon i-Nakó.”

MATIUS 15:19

Sin nongkon bonu in gina momuká in bayongan raian inta moraat, poḷoḻimod, pononuaḻing, pogogaid kon inta moromú pononakow, ibot inta diá totuu bo rebeg.

KORINTUS 2 12:21

Moḻia-ḻiaw doman in ginaku sin dikabo naonda in akuoi mamangoi bui, popoompáan i Allah in akuoi kon tayowon monimu, bo mongombaḷ in akuoi sin nobayongdon in kon sigad monimu in nogaid kon dosa wakutu intua bo diápa doman nobaḷui, bo tantúpa doman nogaid kon oaid mita inta moraat totok bo inta diá patus aidan i intau inta mopirisaya.

GALATIA 5:20

Mosia in moibog mosumba kon ilah mita ibanea, mongonggaing, moibog mosisaturuan, moibog moropatoi, mointoi kon intau ibanea, ḷagi tumorú, bo tongá morai kon kopontingan tontaní, momoguyaat kon jamaat; bo moibog mopoyoposi kon inta,

WAHYU 13:13

Mahaḷuk inta induanea tatua in nogaid kon tanda inta totok in mokoherang kon intau. Kon tayowon in bayongan intau binaḻínea in tuḷu noḷabú nongkon ḷangit.

WAHYU 13:15

Mahaḷuk tatua inogoian doman in kawasa mobogoi in nyawa kon patong tatua, sahingga in motaaudon mosingog in patong tatua bo moḻimod kon bayongan in intau inta doí mosumba kon inia.

WAHYU 13:7

Sia inogoianpa doman in wakutu moḷawang kon umat i Allah takin monaḷow kon i monia. Bo inogoian doman in kasampatan mongawasa kon bayongan suku, umat, bahasa bo bangusa.

WAHYU 14:8

Malaekat induanea in dinumudui kon malaekat inta muna bo sindaḷan mopobaḷú, “Ain noḷabú! Kotá in Babel inta moḷoben tatua ain noḷabú! Sia inta ain nopoḷoḷangu kon bayongan in bangusa takin tubig in anggur – tuata in anggur nongkon ibognea inta mokotor!”

WAHYU 16:6

Sin mosia ain nopobutak in dugú in umat mita i Allah bo dugú in nabi mita; tanaa mako pinoinum-Mu domandon in mosia in dugú, patusbí tarimaan monia intua!”

WAHYU 17:2

Datu mita kon dunia naa ain nogaid kon inta mokotor takinnea, bo bayongan in intau kon dunia naa ain noḷoḷangu sin nonginum kon anggur inta ain kinotorannea.”

WAHYU 17:4

Bobay tatua nogi ḷambung in ḷambung nopars bo nopura noguyang, bo iḷambáan in buḷawan mita, permata bo mutiara. Sia in kokada-kadai in tobatú palo buḷawan inta nopuḻing in soaḷ mita inta moraat bo mokotor, bungai mita in aid monia inta mongokotor.

WAHYU 17:5

Kon pogotnea in pinaisan in tangoi inta mangaḻenea “noibuni”. Tangoi tatua in “Babel inta moḷoben ki iná in bayongan bobay inta sundaḷ bo intau mita moromú kon dunia.”

WAHYU 18:3

Sin bayongan in bangusa ain nonginum kon anggur ibognea inta mokotor. Datu mita kon dunia naa ain nogaid kon kotor takinnea, bo intau mita inta modagangmai kon dunia naa nooyúondon in ibognea inta diádon kotahangan tua.”

WAHYU 19:2

Sin pohohakim-Nea in moadil bo mobijaksana! Sia ain nopoḷabú in hukuman kon sundaḷ moḷoben, inta nomoguyaat kon dunia naa takin aidnea inta mokotor. Ki Allah ain nohukum kon sundaḷ tatua, sin sia in noḻimod kon intau mita inta nogaid kon oaidan i Allah.”

WAHYU 21:8

Táe intau mita inta ondokon, mosia inta diá mosatia, intau moromú, moḷoḻimod, intau mokotor, intau mongonggaing, mososumba kon berhala bo komintan intau mouboḷ, toko pogambat kon bonu in dagat tuḷú bo balerang inta kodoko-dokot, tuata in popatoi inta induanea.”

WAHYU 22:15

Táe intau mita inta nogaid kon soaḷ mita inta moromú, inta moibog monggaing, bo intau mita inta mogaid kon soaḷ mita inta mokotor, inta moḻimod, mosumba kon berhala, bo intau mita inta mouboḷ, pinomayá tosingogon ande oaid, komintan intau natua, kon ḷuai in kotá in tampatnea.

WAHYU 9:20

Táe intau mita ki agatnea inta diá minatoi in roriga tatua in doípabí doman in mogogai mogaid kon inta diá nopia inta biasamai aidan monia. Mosia in umuran mosumba kon dimukud mita moraat bo berhala mita inta pinomia nongkon buḷawan, saḷaka, tambaga, batu bo kayu inta diá mokoontong, diá mokodongog bo diá doman mokobayá.