WAHYU 9:17 - Alkitab Singog In Mongondow Masa In Tanaa

¹⁷ Bo inontongku doman kon bonu in oontongon tatua in kabaḷo mita takin intau mita inta sinumakoi. Intau mita inta sinumakoi kon kabaḷo tatua in nogiḷambung in ḷambung uatoi inta ná kopura in tuḷu in batangannea, nobidu ná batu nilam bo nodarag ná balerang. Uḷu in kabaḷo mita tatua in naonda bo uḷu in singa, bo nongkon bibignea ḷumuai in tuḷu, poyok bo balerang.

WAHYU 9:17 ပူးပေါင်းရင်းမြစ်များ

KINOBAḺIAN 19:24

Indoianmai daḻídon in ki Tuhan nopoonag in uyan balerang inta kodoko-dokot. Tua mita in noḷabú kon Sodom bo Gomora.

TAWARIKH 1 12:8

Kon tungkuḷ in ki Daud kon tampat poḷoḷukadan inta kon padang gurun, nobayong in pojuang inta ponango-nangoian bo inta kopongalaman nongkon suku in Gad namangoi dinumugang kon inia. Mosia tua in pojuang mita inta mongopandoi mopomaké in kaḻeaw bo pandong; mosia tua in koontongan mongobarani komintan naonda bo singa bo ḷoḷampang monia in mokaḻet naonda bo rusa.

MAZMUR 11:6

Intau moraat ihukum-Nea in bodito, takin tuḷú, balerang bo tompot inta mokopokak.

YESAYA 30:33

Nongkon koḻipodpabímai ain sinadia in tampat potubáan kon i datu in Asyur. Tampat tatua modaḷom bo mooḷad, binonuan in kayu pondungú inta noyoguntuḷdon. Ki Tuhan in mopoyongkitdon intua pongin mopoirup in poginaan-Nea ná ongkag in balerang.

YEHEZKIEL 33:22

Kon dodai in doḷom kon tungkuḷ in sia namangoi, kawasa i Tuhan namangoidon kon inakó. Dá kon dodai in intau tatua namangoi kon inakó, nokosingogdon in akuoi diádon nobobó.

DANIEL 8:2

Kon bonu in oontongon tatua inontongku in awakku in kon propinsi Elam, kon Susan, ibukotá in Persia. Akuoi in sinimindog mako kon diug in Ongkag in Ulai,

DANIEL 9:21

Koyogot in akuoi nosambayang, ki Gabriel inta ain inontongku inta kon ontongonku inta muna, iḷumayug mangoi kon inakó. Tungkuḷ intua wakutudon in intau moposumba in kuruban muḷoi in ḷoḷabungnea.

WAHYU 11:5

Aka oyúon in intau monungkuḷ mogaid kon inta diá mopia kon i monia, dá ḷumuaidon in tuḷu nongkon bibig monia bo tua in momokak kon saturu mita tatua. Dá natua in daḷan kopopatoi in intau mita inta mogaid kon inta diá mopia kon i monia.

WAHYU 14:10

yo intau tatua monginum kon anggur i Allah, tuata in torú-Nea inta ain inaḻin-Nea kon bonu in tampat-Nea, bo diábí ginaatan topiḻikpamai! Intau mita tatua in toko sikisaan kon bonu in tuḷu bo balerang kon tayowon in malaekat mita motusi bo kon tayowon Adí in Domba tatua.

WAHYU 19:20

Mahaḷuk tatua in kinodomokan takin intau mita inta morongaku nabi táe deemanbí totuu nabi inta ain norogaid kon soaḷ mita inta mokoherang kon tayowon mahaḷuk tatua. (Takin aid mita monia inta mokoherang tatua, mosia nonguboḷ kon i monia inta ain notarima kon tanda in mahaḷuk tatua bo inta ain nosumba kon patongnea.) Bo mahaḷuk tatua takin intau mita inta deeman totuu nabi tumpaḷa pinogambat kon bonu in tuḷu moḷoben inta kodoko-dokot takin balerang.

WAHYU 20:10

Onda intua Ibilis inta nonguboḷ kon i monia tua, pinogambat kon yua-yuak in tuḷu bo balerang. Tua in tampat pinoḷumbúan kon mahaḷuk bo intau mita inta deeman totuu nabi, bo roriga monia tua in diábí mogoga-gogai doḷom bo singgai.

WAHYU 21:20

Iḻimanea nongkon batu baiduri sepah, inggonomnea in nongkon batu delima, impitunea in nongkon batu ratna cempaka, iwaḷunea nongkon batu pirus, insiownea nongkon batu topas, impuḷúnea nongkon batu krisopras, impuḷú bomitánea in nongkon batu lazuardi, bo impuḷú bodoyowánea in nongkon batu kecubung.

WAHYU 21:8

Táe intau mita inta ondokon, mosia inta diá mosatia, intau moromú, moḷoḻimod, intau mokotor, intau mongonggaing, mososumba kon berhala bo komintan intau mouboḷ, toko pogambat kon bonu in dagat tuḷú bo balerang inta kodoko-dokot, tuata in popatoi inta induanea.”

WAHYU 9:18

Sepertiga intau kon dunia naa kinoḻimodan in roriga toḷu inta noiantug tatua. Toḷu in roriga tua in; tuḷu, poyok, bo balerang inta iḷumuai kon bibig in kabaḷo mita tatua.

WAHYU 9:9

Dodob monia inoḻingoian in naonda bo ḷambung uatoi. Singog in koḻikip monia in naonda bo singog in kereta mita inta inugut in kabaḷo mayá moparang.