WAHYU 9:15 - Alkitab Singog In Mongondow Masa In Tanaa

¹⁵ Dá binuḻiandon in malaekat opat tatua. Mosia tua in sinila-silaiandon in tugas, oyúon kon jam, kon singgai, kon buḷan bo kon taong sin moḻimod kon sepertiga nongkon bayongan in intau inta kon dunia naa.

WAHYU 9:15 ပူးပေါင်းရင်းမြစ်များ

WAHYU 20:7

Naonda in toribu notaong tatua mopaḷutdon, Ibilis in buḻiandon bui nongkon tampat pinohukuman kon inia,

WAHYU 8:10

Noiduduimai kon tua malaekat intoḷunea nogirup kon torompetnea, dá tundi tobatú inta moḷoben, inta koyongki-yongkit naonda bo poḷombow noḷabú nongkon ḷangit, bo noiḷabú kon sepertiga in ongkag mita bo bokaká.

WAHYU 8:7

Malaekat muna in nogirup kon torompetnea, dá uyan in eis bo tuḷu noyobauk in dugú norogot totok noḷabú monag kon butá. Bo sepertiga in dunia naa nodait nopokak, ná doman tua, sepertiga doman in kayu bo bonok in noḷaḷow.

WAHYU 8:8

Bo malaekat induanea in nogirup kon torompetnea, dá oyúon tobatú barang inta moḷoben naonda bo buḷud inta kodoko-dokot pinogarab kon bonu in dagat, dá sepertiga in dagat tatua nobaḷui nobaḻí dugú.

WAHYU 8:9

Bo minatoi domandon in sepertiga in mahaḷuk mita inta kon dagat; bo sepertiga doman in kapaḷ mita noyoyang.

WAHYU 9:10

Mosia oiputan bo totogodan naonda bo bambau. Kon iput monia tua in kawasa inta mopororiga kon intau kon bonu in ḻima nobuḷan.

WAHYU 9:18

Sepertiga intau kon dunia naa kinoḻimodan in roriga toḷu inta noiantug tatua. Toḷu in roriga tua in; tuḷu, poyok, bo balerang inta iḷumuai kon bibig in kabaḷo mita tatua.

WAHYU 9:5

Táe diábí inogoi in mosia moḻimod kon intau mita tatua, tongábí mopororiga kon i monia kon bonu in ḻima nobuḷan. Roriga inta nouḻí monia nongkon pangkoḷá mita tatua in naonda doman bo roriga bangiton in bambau.