WAHYU 9:14 - Alkitab Singog In Mongondow Masa In Tanaa

¹⁴ Singog tatua in noguman kon malaekat inggonomnea tua, kain singog tatua: “Buḻiaidon in malaekat taya opat inta noitogot kon diug in Ongkag Eprata tatua!”

WAHYU 9:14 ပူးပေါင်းရင်းမြစ်များ

KINOBAḺIAN 15:18

Kon dodai doman tuata ki Tuhan nogaid kon dodandian takin i Abram. Guman i Tuhan, “Akuoi in modandi kon ogoi-Ku kon buímu in bayongan butá tanaa, pinangkoi kon sigad in butá in Mesir modapot kon Ongkag in Eprat,

KINOBAḺIAN 2:14

Tubig nogintoḷu tangoinea in Tigris; tubig tanaa in moiḻig kon ḻimako in timur Asyur. Tubig noginggopat tangoinea in Eprat.

SAMUEL 2 8:3

Noiduduimai kon tua nonaḷow in ki Daud kon i Datu Hadadezer adí i Rehob inta nomarenta kon Zoba, dodatuan tobatú inta kon diug in Damsyik. Kon tungkuḷ intua ki Hadadezer kon bonu in binayáan sin mopoguḻit bui in kawasa nea kon butá inta kon diug in uḷuan in Ongkag in Eprat.

YEREMIA 51:63

Yo, naonda in mopaḷut mako bacaan in tombonu in buk tanaa kon intau mita tatua, popotogot in batu kon buk tanaa, bodongka pogambat kon yua-yuak in Ongkag in Eprat,

ULANGAN 1:7

Tanaa kokaidon in ḷoḷaiganmu bo bayádon kon buḷud in intau Amori bo kon bayongan in butá inta kon diugneamai, tuata in Ḷopá in Yordan, butá inta notombuḷud bo inta nooyuk, butá inta kon dotá in toḷatan bo pintad in Dagat Toyuak. Bayádon ḻitúai in butá in Kanaan bo Buḷud in Libanon modapot kon ongkag moḷoben in Eprat.

YOSUA 1:4

Butámu in mobanat nongkon padang gurun kon toḷatan modapot kon Buḷud in Libanon kon utuan bo nongkon Ongkag in Eprat inta moḷoben kon pomukaan noitakin in butá in bangusa in Het nodapot kon Dagat Toyuak kon toyopan.

WAHYU 16:12

Onda intua malaekat inggonomnea in nopobutak doman bonu in palonea kon Ongkag Eprat inta moḷoben tatua. Dá ongkag tatua in noingkagdon sahingga datu mita nongkon timur mayádon mongintua.

WAHYU 7:1

Nopaḷut mako kon tua, akuoi in nokoontong kon malaekat opat inta sinimindog kon siku in dunia opat. Mosia in nomompon kon tompot inta nongkon siku opat in dunia naa sinbá diádon in tompot mogirup kon toba, kon dagat bo kon kayu mita.

WAHYU 7:2

Bo akuoi in nokoontong kon tobatú malaekat ibanea inta noitukat nongkon dotá in pomukaan singgai. Sia in nodia kon meterai nongkon i Allah inta nobiag. Noropot in pinogogoinínea kon malaekat opat inta ain nokouḻí kon kawasa nongkon i Allah sin pomoguyaat kon butá bo dagat.

WAHYU 8:2

Bo akuoi in nokoontong kon pitu in malaekat inta sinimindog kon tayowon i Allah bo inogoian doman in torompet pitu in mosia.

WAHYU 8:6

Nopaḷut mako kon tua, malaekat taya pitu inta notukid in torompet nobasadiadon nogirup.

WAHYU 9:15

Dá binuḻiandon in malaekat opat tatua. Mosia tua in sinila-silaiandon in tugas, oyúon kon jam, kon singgai, kon buḷan bo kon taong sin moḻimod kon sepertiga nongkon bayongan in intau inta kon dunia naa.