WAHYU 6:4 - Alkitab Singog In Mongondow Masa In Tanaa

⁴ Bo namangoidon in tobatú kabaḷo ibanea, nopura in batangannea naonda bo dokot in tuḷu. Ki Inta sinumakoi kon kabaḷo tatua inogoian in kawasa monginggamá kon dodamean kon dunia naa, sinbá intau mita in mosiḻimodandon. Dá sia inogoian in tobatú pitow moḷoben.

WAHYU 6:4 ပူးပေါင်းရင်းမြစ်များ

MAZMUR 17:13

Sindogdon kaasí o Tuhan, tayowaidon in musungku bo upetdon in mosia. Posaḷamatdon in akuoi in kedang-Mu nongkon ponubuan in intau moraat.

DANIEL 5:19

Totuu moḷoben in sia, nodapot in intau mita nongkon bayongan in bangusa, inanakan, bahasa, mourot bo moondok kon inia. Aka moibog in sia moḻimod kon intau, ḻimodonneabí doman mako in intau tatua. Aka moibog in sia moposaḷamat kon intau, dá posaḷamatonneabí doman in intau tatua. Sia in mopoḷantud andeka mopoompá kon i ineka podudui in ibognea.

ZAKHARIA 1:8

akuoi in nokoontong kon malaekat i Tuhan in sinumakoi kon kabaḷo nopura tobatú. Sia in sinumogon kon ḷopá tobatú kon sigad in pangkoi mita in murad. Kon tumineamai sinimindog doman in tongonumai in kabaḷo ibanea, oyúon in nopura, inta nokasumba, bo inta nobudó.

ZAKHARIA 6:2

Kereta mita tatua in inugut in kabaḷo tododoyowa, kereta inta dungkuḷ in kabaḷo nopura, kereta nogindua in kabaḷo norondí,

MATIUS 10:34

“Dikabí kon raionmai monimu Akuoi naa in mamangoi modia kon dodamean kon dunia naa. Akuoi in namangoi deemanbí modia kon dodamean, táe modiabí kon ropatoi.

MATIUS 24:6

Kondongogan monimu in tombá poparangan andeka habar mita moparang, táe dika moondok. Sin tua komintan in mobaḻíbí tongá deemanpabí singgainea.

YOHANES 19:11

Ki Yesus in notubag, “Aka ki Allah diá mobogoi in kawasa tatua kon inimu, yo beresibí diá in kawasamu kon i-Nakó. Tuamai intaubí inta noposarakan kon i-Nakó kon inimu in moḷobe-ḷoben in dosanea nongkon inimu.”

WAHYU 12:3

Bo inontong domandon in tanda mokoherang ibanea kon ḷangit. Oyúon tobatú naga nopura inta totok moḷoben, pitu in uḷunea bo mopuḷú in tungoinea. Pomuḷoi in uḷu pinakéan in mahkota.

WAHYU 13:10

“Intau inta sinantúdon domokon, mustibí in sia domokon. Bo intau inta ain sinantú matoi sibaton, yo pasti matoibí doman sibaton. Manangka intua umat i Allah musti monahang bo mosatia.”

WAHYU 17:3

Bo akuoi in kinawasaan in Roho i Allah bo dinia in malaekat tatua kon padang gurun. Kon tua akuoi in nokoontong kon tobatú bobay inta iḻimitú kon tudu in tobatú mahaḷuk inta nopars in batangannea. Mahaḷuk tatua nopuḻing in pais inta pohojat kon i Allah. Pitu in uḷu in mahaḷuk tatua bo mopuḷú in tungoinea.

WAHYU 17:6

Bo inontongku in bobay tatua noḷoḷangu in dugú in umat mita i Allah bo dugú in intau mita inta nobaḻí sakusi mita i Yesus. Naonda inontongku in bobay mita tatua, noherangdon totok in akuoi.