WAHYU 6:13 - Alkitab Singog In Mongondow Masa In Tanaa

¹³ Tundi mita kon ḷangit nongoḷabú kon butá naonda bo bungai in ara inta diápa noguyang táe noḷabú sin inirup in tompot inta moropot.

WAHYU 6:13 ပူးပေါင်းရင်းမြစ်များ

AYUB 15:33

Sia naonda bo pangkoi in anggur inta noḷabú in bungainea, naonda bo pangkoi in zaitun inta nototak in toburnea.

YESAYA 13:10

Batúan in tundi bo pinosipunan in tundi mogogai in monindar; mata in singgai in simindip kon dodai in sia momuká, bo buḷan in diá bidon monindar bui.

YESAYA 33:9

Ḻipú sinaḷáan nobaḻídon noingongow. Kayuon mita in Libanon kinoantugan in takit, bo Ḷopá in Saron inta moḷumbá mobaḻí naonda bo padang gurun. Kon Basan bo kon Buḷud in Karmel daun mita mongototak.

YESAYA 34:4

Mata in singgai, buḷan bo tundi mita in morimumudbí. Ḷangit in ḻitodon naonda bo karatas. Tundi mita in moḷabúbí naonda bo daun mita inta mototak nongkon pangkoinea.

YESAYA 7:2

Kon dodai in ki datu in Yohuda nokodongog kon tontara in Siria in sinumuotdon kon butá in Israel bo nobaḻídon totakin, sia takin bangusanea totokdon in noondok, nodapot in gugurdon mako in mosia naonda bo pangkoi in kayu inta dinandú in tompot.

YEHEZKIEL 32:7

Kon dodai in yompaton-Ku in iko, koḷoban-Ku in ḷangit bo tundi mita in pokudowon-Ku. Mata in singgai in popoadop-Kudon kon goḷom bo buḷan in diádon monindar.

DANIEL 4:14

Noropot in singognea in noguman, ‘Pupuḷdon in pangkoi in kayu tatua bo pongkódon in tanganea mita, tontakdon in daunnea mita bo poraritdon in bungainea mita. Untundon in mahaḷuk mita inta nosiug mako kon siungonnea bo ḷagapan mita inta nonompugad kon tanganea mita.

DANIEL 8:10

Tungoi tatua in kodugang-kodugang in koḷobennea nodapot in tugatdon ponayow kon tontara in soroga tuata in tundi mita, nodapotbí in tongonumai in kon sigadnea pinogambatnea kon butá bo totok in iruntainea.

YOËL 2:31

Mata in singgai in simindipdon bo buḷan in mobaḻídon mopura naonda bo dugú. Tua komintan in mobaḻí kon dodai in diápa moiangoi in Singgai i Tuhan, singgai inta motoyang bo mokokoningkim!

NAHUM 3:12

Bayongan in bentengmu in nádon onda bo pangkoi in ara inta nongoḷutúdon mita in bungainea. Aka pangkoinea tatua bo guguron, yo bungainea mita in moḷabúbí kon bonu in bibig in intau mita inta moibog mokaan kon bungainea.

MATIUS 24:29

“Naonda in mopaḷutdon roriga wakutu intua, yo mata in singgai mosindip, bo buḷan diádon monindar. Bo tundi mita in mongoḷabú nongkon ḷangit, bo kawasa mita kon baḷangon moirangkap.

MARKUS 13:25

Tundi mita moḷabú nongkon ḷangit, bo bayongan in mongongawasa kon baḷangon motombauk.

LUKAS 21:25

“Bo tandanea in koontonganbí kon mata in singgai, kon buḷan bo kon tundi. Kon dunia naa, bayongan in intau mongoondok bo mongotoboḻingo in mokoontong bo mokodongog kon singog in bokoḷ.

WAHYU 9:1

Bo malaekat iḻimanea in nogirup kon torompetnea, bo akuoi in nokoontong kon tobatú tundi noḷabú nongkon ḷangit. Tundi tatua inogoian kokunsi in irang popatoi.