WAHYU 3:19 - Alkitab Singog In Mongondow Masa In Tanaa

¹⁹ Intau mita inta kotabi-Ku, mosia tuata in toboḷowon-Ku bo sambokon-Ku. Manangka intua koropotdon in gina monimu bo pogogaidon in mogaid kon dosa mita.

WAHYU 3:19 ပူးပေါင်းရင်းမြစ်များ

SAMUEL 2 7:14

Akuoi in mobaḻí ki Amánea, bo sia in mobaḻí ki adí-Ku ḷoḷaki. Aka mogaid in sia kon inta moitaḷá, yo hukumon-Ku in sia ná guyanga ḷoḷaki mohukum kon i adínea.

AYUB 5:17

Nomujurdon totok in iko aka ki Allah nonoboḷow kon inimu! Dika moyaat in gina aka torúan-Nea in iko.

MAZMUR 39:11

Gamádon bui in hukuman-Mu nongkon inakó, sin akuoi in gogiódon matoi in kinotugatan in sambok-Mu.

MAZMUR 6:1

Kon i itoi in mododondong. Takin ito-itog kecapi. Podudui kon dondong in waḷunea. Mazmur i Daud.

MAZMUR 69:9

Akuoi in nádon onda bo intau ango-angoi kon sigad in ginaḷumku, naonda bo intau ibanea kon i guya-guyang bo kon i ai-aiku.

MAZMUR 94:10

Sia in notundú kon bangusa mita, yo umpaka yo diá in Sia mohukum? Sia in nobaḻí guru kon bayongan in intau, yo umpaka yo diá in Sia kototaau?

AMSAL 15:10

Intau inta mogaid kon inta moraat in rorigaanbí; intau inta doí toboḷowon in matoi.

AMSAL 15:32

Intau inta doí tongginaan, diábí mohoromat kon awaknea tontaní; intau inta moibog toboḷowon, mobaḻí mopia.

AMSAL 22:15

Nongkon dungkuḷpabímai mongoadí mita in mogaid kon inta mobodok, táe uwoi in motaaubí pomout sinbá mobaḷui in dodia monia.

YESAYA 26:16

Iko ain nohukum kon i nami; kon bonu in roriga kami in nobui mangoi kon ini-Mu, bo nosambayang kon ini-Mu, Tuhan.

YEREMIA 10:24

Sambokdon in kami o Tuhan, táe dikabí sambokon moiḻiu in konakitnea. Dika doman mohukum kon inami aka Iko koyogot in tumorú, sin notantú bidon kon moyopú in kami komintan.

YEREMIA 2:30

Diábí in mangaḻenea in pohukuman-Ku kon i monimu sin moiko in doíbí motarima kon toboḷow. Ná singa inta koyogot in tumorú, natuata in moiko moḻimod kon nabimu mita.

YEREMIA 30:11

Akuoi in mamangoibí bo moiko in posaḷamaton-Kubí. Bangusa mita, inta pinoporaritan-Ku kon i monimu komintanbí yopúon-Ku, táe moiko in diábí pomiaan-Ku natua. Memang moiko in diábí moiḷagui kon hukuman táe hukuman-Ku kon i monimu in moadilbí podudui in inta ain sinantú. Akuoi, ki Tuhan ain nosingog.”

YEREMIA 31:18

Dinongog-Ku umat in Israel noguman takin robonoḷ in gina, ‘O Tuhan, kami naa in naonda bo biag inta diápa iyonok táe sinundú-Mu in kami sinbá motoindudui, bo tanaa kami in nosadiadon mobui mangoi kon ini-Mu. Dá, diádon in kami mobui, o Tuhan, Allah nami.

YEREMIA 7:28

Dá, pogumandon kon i monia kon mosia in bangusa tobatú inta doí motoindudui kon i-Nakó, Tuhan, Allah monia. Mosia in doí mobalajar nongkon hukuman inta ain kinorasaannea. Kotoindudui kon i-Nakó in noinggamádon, nodapot in diá bidon inouman bui.”

ZEPANYA 3:2

Moboditodon in kotá inta doí motarima kon tompoingat i Tuhan, bo doí doman mopandungmai kon toboḷow-Nea mita, bo inta diá moposarakan in ukurnea kon i Tuhan, bo dia mokituḷung kon i-Nia!

MATIUS 25:7

Dá mongodeaga mita tatua norobangon bo noponugung in ḷana kon togá monia.

YOHANES 2:17

Dá kinotoropandon in murí-Nea mita kon oyúon in pinais kon bonu in Buk Motusi nanaa: “Tabi-Ku kon Baḷoi-Mu, o Allah, tumaga-tagab in kon gina-Ku.”

SURAT I PAULUS KON JAMAAT RUM 12:11

Tantú mokoporajing in mogaid, donaai mokopomaḷat. Pogaid kon oaidan i Tuhan takin ibog moḷoben inta nongkon Roho i Allah.

KORINTUS 1 11:32

Táe aka hukumon i Allah, yo tua in didikan-Neabí kon i naton, sinbá diá hukumon in kita moyotakin in dunia naa.

KORINTUS 2 6:9

Kai monia in noyakag intau in nokotaau kon i nami, táe komintan intau in nonotaaubí kon inami. Sinangka monia kami in minatoi bidon, táe noniata kon kami in nobiagpabí. Umpakabí kami in pinogutú táe kami in diábí minatoi.

KORINTUS 2 7:11

Tungkuḷaika tarukira monimu onu in bungai in ajar in gina inta pinodudui kon ibog i Allah kon i monimu! Naa in bungainea; moiko in totu-totuubí moramuji moginsilang kon onu inta diápa notarang! Bo moyaatbí in gina monimu kon onu inta diá mopia, oyúon in porasaan moondok, mokotanobbí, tantú moropot in gina, bo oyúon in ibog mohukum kon inta kotaḷá! Kon bayongan soaḷ mita tanaa in moponiata bidon kon moiko in diá bidon kotaḷá.

GALATIA 4:18

Memang mopiabí aka intau morajing mogaid kon inta mopia, asaḷ bo umuran natua bo donaai tongá aka akuoi in kon yua-yuak monimu.

ULANGAN 8:5

Toropdon kon ki Tuhan Allahmu motundú kon i monimu naonda bo ki amá motundú kon i adínea mita.

TITUS 2:14

Sia tuata inta ain noposarakan in awak-Nea sin mopoḷuat kon i naton nongkon bayongan inta moraat, bo kita in baḻíon-Nea tobatú umat inta noiḷuatdon nongkon kawasa in dosa bo tongádon mobaḻí umat-Nea inta morajing mogaid kon inta mopia.

YAKOBUS 1:12

Kosanangdon in intau inta motaba wakutu in kinoantugan in sobaan. Sin aka sia bo mokotahangdon kon sobaan tatua, yo tarimaanneabí in bungainea. Bungainea tua in kobiagan inta ain pinodandi i Allah kon intau inta motabi kon i-Nia.

WAHYU 2:5

Tuamai, torop kon totuudon moyayú in kinoḷabúan monimu! Dá pogogaidon in mogaid kon dosa mita bo aidaidon in onu inta inaidan monimu muna. Aka diá, yo angoion-Kudon rabuton sioḷ in togámu tua nongkon tampatnea.