WAHYU 22:8 - Alkitab Singog In Mongondow Masa In Tanaa

⁸ Bo akuoi, ki Yohanes, ain nokodongog bo nokoontong kon bayongan in tanaa. Naonda in akuoi nokodongog bo nokoontong kon tua, akuoi in sinumungkud kon tayowon malaekat inta ain nopoontong in bayongan tua kon inakó, makusudku in mosumba kon inia,

WAHYU 22:8 ပူးပေါင်းရင်းမြစ်များ

DANIEL 2:46

Bo dinumokódon in ki Datu Nebukadnezar kon tayowon i Daniel bo nobogoi in parenta sinbá ki Daniel in horomaton bo sia in ogoian in kuruban payongon takin sosumba mita ibanea.

OUMAN IN RASUL MITA 10:26

Táe sinuḷungan i Petrus binuat pinoki sindogan poḷat noguman, “Sindogdon! Sin akuoi naa in intaubí doman biasa.”

WAHYU 1:1

Buk tanaa in nongonguman kon onu inta pinoontong i Yesus Kristus soaḷ mita inta mobaḻí. Pinotaau i Allah kon i Kristus, sinbá potaau i Kristus kon intau mita inta nogaid kon oaidan i Allah in onu inta diádon moonggot bo mobaḻí. Ki Kristus nopotabádon in malaekat-Nea namangoi kon i Yohanes, intau inta mogogaid kon oaidan-Nea, sin mopotaau kon inia in bayongan soaḷ inta mobaḻí tua.

WAHYU 1:4

Utat mita inta kon pitu nojamaat kon daerah in Asia! Akuoi, ki Yohanes, mopoigum mako sinbá moiko in ogoian i Allah in barakat bo kobiagan motompia--tuata in ki Inta oyúon, bo inta koyongandon oyúon, bo inta umuran oyúon, bo nongkon roho pitu inta kon tayowonmai in tampat pomomarentaan i Allah,

WAHYU 19:10

Dá sinumungkud in akuoi kon tayowonnea sin mosumba kon inia, táe sia in noguman kon inakó, “Donaai! Donaai mosumba kon inakó, sumbadon in ki Allah! Sin akuoi naa in tongábí doman bobantung ná iko nion bo notongkai doman i utatmu mita inta umuran kinumadai norigon kon onu inta pinoguman i Yesus!” Sin onu inta pinoguman i Yesus, tuatabí inta nopogonú kon gina in intau mita inta nopotaau in koyow i Allah.

WAHYU 19:19

Noiduduimai kon tua akuoi in nokoontong kon mahaḷuk tatua, bo datu mita kon dunia naa takin tontara mita monia, noyosipun sin moparang kon i-Nia inta sinumakoi kon kabaḷo nobudó bo tontaranea mita.