WAHYU 22:20 - Alkitab Singog In Mongondow Masa In Tanaa

²⁰ Sia inta nopoyaput in koyow mita tanaa in noguman, “Totuu, Akuoi in ḷagi bidon mamangoi!” Amin! Angoidon oo Tuhan Yesus!

WAHYU 22:20 ပူးပေါင်းရင်းမြစ်များ

DONDONG MOḶANTUD 8:14

Batoḷ in dodobku, angoidon naonda bo kijang, naonda bo ki adí in rusa kon buḷud in Beter.

YESAYA 25:9

Kon dodai intua intau in mogumanbí, “Totuubí, Siabí in ki Allah naton; Siabí inta inoḷat mako naton, sinbá kita in posaḷamaton. Totuu, naabí in ki Tuhan; Siabí inta inoḷat mako naton. Tanaaya kita in morogiow mopia in gina, sin Sia in noposaḷamatdon kon inaton.”

YOHANES 21:25

Nobayongpabí in soaḷ mita ibanea inta inaidan i Yesus, táe aka daiton paison intua, yo rasaanku dunia naa in diábí tugatan potagúan kon onu in paison tatua.

KORINTUS 1 16:22

Intau inta diá motabi kon i Tuhan, pomayádon mako baḷáan! Maranatha – Tuhan nami, angoidon!

TIMOTIUS 2 4:8

Bo tanaa mako in pinopooḷatdon mako kon inakó in saḷaku intau inta nountung. Kon singgai ponantúan ki Tuhan, hakim inta moadil totok tua in moposarakan in tombuinag tatua kon inakó. Deemanbí doman tongá akuoi in motarima kon tombuinag natua, táe bayonganbí doman intau inta umuran mogoḷat mako kon koangoian bui i Tuhan.

IBRANI 10:37

Sin kon Buk Motusi ain pinais nanaa: “Nodiugdon totok in wakutunea, dá Sia inta sinango-tangoi moiangoi tua, in ḷagidon moiangoi; Diá bidon baḷu-baḷuian-Nea in wakutu koangoian-Nea.

IBRANI 9:28

Natua doman in ki Kristus, tongábí komintan pinosumba saḷaku kuruban pinotobut kon dosa in intau mobayong. Sia in mamangoipabí bui, táe deeman bidon mamangoi mogimpaḷut kon persoalan dosa, táe dongka bidon moposaḷamat kon intau mita inta mogoḷat mako kon koangoian-Nea bui.

WAHYU 1:18

Akuoi naa in Sia inta nobiag tua! Akuoi ain minatoi, táe indoiaika, Akuoi in nobiagbí bo diá bidon mato-matoi. Popatoi bo dunia in intau minatoi kon bonu bidon in kawasa-Ku.

WAHYU 1:2

Dá ki Yohanes nopotaau doman in bayongan inta ain inontongnea tatua; bo naadon in pinogumannea in soaḷ koyow nongkon i Allah, bo inta inirigonan i Kristus Yesus pinongin kosakusiannea.

WAHYU 2:16

Sin tuamai, pogogaidon in mogaid kon dosa mita monimu! Aka diá, yo ḷagidon in Akuoi mamangoi kon i monimu bo duduran-Ku in pitow inta kon bibig-Ku in intau mita tatua.

WAHYU 22:10

Bo malaekat tatua in noguman bui kon inakó, “Dika mobuni kon tosingogon mita inta kon bonu in buk tanaa, sin diádon moonggot kobaḻían intua komintan.

WAHYU 22:12

“Tarukira in naa!” guman i Yesus, “Diádon moonggot bo Akuoi in mamangoi modia kon boḻi in pinogaidan in intau podudui kon onu inta ain inaidannea.

WAHYU 22:18

Kon i monia inta nokodongog kon onu inta pinoguman kon bonu in buk tanaa, akuoi, ki Yohanes, mobogoi in tompoingat tanaa; aka intau modugang kon tosingogon inta pinotaau tanaa, dá dugangan doman i Allah in roriga mita kon inia ná inta ain pinais kon bonu in buk tanaa.

WAHYU 22:7

“Tarukiradon in naa!” Guman i Yesus, “Akuoi in ḷagi bidon mamangoi. Koḷungangadon totok in intau inta umuran dinumudui kon singog mita inta pinotaau kon bonu in buk tanaa!”