WAHYU 22:14 - Alkitab Singog In Mongondow Masa In Tanaa

¹⁴ Mosanangdon totok in intau inta nomatá kon jubahnea kinodarit totok. Mosia in motaau mokaan kon bungai in pangkoi in kayu kobiagan bo tumuot kon bonu in kotá mongin ngaranea.

WAHYU 22:14 ပူးပေါင်းရင်းမြစ်များ

KINOBAḺIAN 2:9

Ki Tuhan Allah in nopobiag in bayongan pangkoi in kayu inta mongogaga, inta mopomungai doman in ayop inta mopia. Kon yua-yuak in taman tatua nobiag domandon in kayu inta mobogoi in kobiagan bo pangkoi in kayu inta mobogoi in pongotahuan kon soaḷ inta mopia bo inta moraat.

KINOBAḺIAN 3:22

Ki Tuhan Allah in noguman, “Tanaa intau aindon nobaḻí ná Kita bo oyúondon in pongotahuan soaḷ inta mopia bo inta moraat. Dá musti in sia popoyayú sinbá diá bui in sia mogamá bo mokaan bui kon bungai inta mobogoi in kobiagan, sinbá diá in sia mobiag mononoi.”

MAZMUR 112:1

Dayowdon in ki Tuhan! Pia in kamang in intau inta motoguondok, inta moibog in parenta mita i Tuhan.

MAZMUR 118:20

Naa in ḷoḻingkop in ngara i Tuhan, tongábí intau motuḻid in motaau mongintua.

IḶUAIAN 19:10

Naa in bayádon pokipodungkuḷai in intau mita tatua, bo potabádon in mosia singgai naa bo ikoḷom mosadia sin moibada. Mosia in musti momatá kon pakeang monia.

DANIEL 12:12

Kosanangdon in mosia inta umuran mosatia modapot in singgai in toribu bo toḷu nogatut bo toḷu nopuḷú bo ḻima.

YOHANES 10:7

Tuamai ki Yesus in noguman bui “Poguman-Kudon kon i monimu, Akuoibí in ḷoḻingkop mayá kon domba mita tatua.

YOHANES 10:9

Akuoibí naa in ḷoḻingkop. Ki ine in tumuot mongin i-Nakó mosaḷamat in sia, sia in tuot ḷuaibí bo mokouḻí kon kaanon.

YOHANES 14:15

“Aka moiko in motabi kon i-Nakó, yo moiko in dumuduibí kon parenta-Ku mita.

YOHANES 14:6

Ki Yesus in notubag, “Akuoibí naa in daḷan kon monotaau kon i Allah bo mokouḻí kon kobiagan. Diábí in tobatúmai intau in mokoyaput kon i Amá, aka diá mongin i-Nakó.

YOHANES 4:12

Ki Yakub mogoguyang nami, ain nobogoi in parigí tanaa kon inami. Bo sia tontaní ain nogamá kon tubig inumonnea nongkon naa; ná doman tua in ki adínea mita bo bobiagonnea mita. Degá ki Tuang in moḷobe-ḷoben nongkon i Yakub?”

KORINTUS 1 7:19

Sin sinunat andeka diá, diábí moponting intua. Dumuduibí kon atorang mita i Allah in moponting.

KORINTUS 1 8:9

Tongá musti mokopopia! Sinbá diá mokopopisí kon intau mita inta diápa noguyang in pirisaya monia in baradosaan, sin popisí in moiko nobebasdon in mogaid kon onukadon.

KORINTUS 1 9:5

Eta degá diá motaau in akuoi in modia kon i buḷoiku inta mopirisaya kon i Kristus saḷaku takinku kon baya-bayáan mako, ná inta inaidan i utat mita i Tuhan Yesus bo in rasul mita ibanea ná tai Petrus?

GALATIA 5:6

Sin aka kita bo ain notobatú takin i Kristus Yesus, yo soaḷ sunaton ande diá sunaton, diábí mobaḻí soaḷ kon i naton. Sin totok moponting in pirisayabí kon i Kristus bo tua in moniata kon tabi naton kon tumpaḷa intau.

YOHANES 1 3:3

Komintan intau inta oyúon in harapan nanaa kon i Kristus, musti totuu mokopodarit kon kobobiag, modarit nongkon dosa mita naonda bo ki Kristus nodarit doman.

YOHANES 1 5:3

Sin aka motabi kon i Allah yo mustibí motoindudui kon parenta-Nea mita. Bo parenta-Nea mita in diábí mobogat kon i naton,

WAHYU 2:7

Ki ine in mokodongog, yo tarukiradon onu in pinoguman in Roho i Allah kon jamaat mita! Mosia inta mountung, ogoi-Ku mokaan kon bungai inta nongkon pangkoi in kobiagan inta nobiag kon taman i Allah.”

WAHYU 21:12

Dindingnea in moḷoben bo moḷantud, ngaranea in mopuḷú bodoyowá, bo iḷukadan in malaekat mopuḷú doman bodoyowá. Kon ngara mita tatua pinaisan in tangoi mita in mopuḷú bodoyowá suku in Israel.

WAHYU 21:27

Táe intau mita inta nogaid kon soaḷ mita inta mokorongó, ande intau mita inta mongouboḷ, yo singogon mako mopoḷok, mosia inta nogaid kon mokotor, diábí moituot kon tua. Inta motaau tumuot in tongábí intau inta tangoinea in pinais kon bonu in Buk Intau Nobiag, buk i Adí in Domba tatua.

WAHYU 22:2

inta kon yua-yuak in kotá tatua. Kon bingkí posiḷosi in ongkag tatua oyúon in pangkoi mita in kobiagan inta nomungai kopuḷú bodoyowá in totaong, tobuḷan komintan. Daunnea pinaké nongundam kon bangusa mita.

WAHYU 22:7

“Tarukiradon in naa!” Guman i Yesus, “Akuoi in ḷagi bidon mamangoi. Koḷungangadon totok in intau inta umuran dinumudui kon singog mita inta pinotaau kon bonu in buk tanaa!”

WAHYU 7:14

Dá tubagku kon inia: “Diábí kinotaauanku, ki Tuangbí in nonotaau kon tua.” Dá sia in noguman bui kon inakó: “Mosia naa in intau mita inta nosaḷamatdon nongkon roriga inta moḷoben, bo ain binatáan monia kinobudó in jubah monia kon bonu in dugú i Adí in Domba tatua.