WAHYU 22:11 - Alkitab Singog In Mongondow Masa In Tanaa

¹¹ Intau inta moraat, pomayádon mako in umuran mogaid kon moraat; intau inta monajis, pomayádon mako in mokoponajis kon awaknea tontaní; intau inta dinumudui kon ibog i Allah, bo intau inta kobiagannea in tongádon mogaid kon kopontingan i Allah, yo pomayádon mako in sia tongá mogaid kon natua kon i Allah.”

WAHYU 22:11 ပူးပေါင်းရင်းမြစ်များ

AYUB 17:9

Intau inta mopia bo inta diá kotaḷá, moyakindon totok kon kobobiagnea mokosanang kon i Allah.

MAZMUR 81:12

Táe umat-Ku in doí mokidongog kon i-Nakó, Israel in doí motoindudui kon i-Nakó.

AMSAL 14:32

Intau moraat moyopú popisí in aidnea moraat, intau mopia ḷukadan in aidnea inta motuḻid.

AMSAL 4:18

Daḷan in intau moraat in mosindip ná kon sindip in doḷom. Mosia in moipintud bo moḷabú diá butungonmai monia. Noyotoḻikud kon tua in daḷan inta bayáan in intau mopia in naonda bo kinobukaan in mata in singgai; koonggot-koonggot kobayag-kobayag, modapot in imbuitnea mobayagdon totok.

MOHOHUTUBA 11:3

Moumpagkabí naonda in pangkoi in kayu tatua, yo umuranbí doman moobat kon tampat koumpagannea. Aka goḷom mopuḻingdon in tubig, yo uyan in morogotbí doman totok in moḷabú kon butá.

YEHEZKIEL 3:27

Bain, aka Akuoi mosingog bui kon inimu bo mopobui in ropotmu mosingog bui, yo iko in mustibí mopotaau kon onu inta poguman-Ku, Tuhan Inta Totok in moḷantud kon i monia. Tongosilai kon i monia in mokodongogbí, táe tongosilai doman in diábí mokidongog, sin mosia in totuubí kon bangusa momomarontak.”

DANIEL 12:10

Mobayong in intau in tungkuḷan bo pomurnion. Mosia inta moraat in diábí momangaḻe bo tantúbí mogaid kon inta moraat; tongábí mosia inta mobijaksana in momangaḻe.

MATIUS 15:14

Pomayádon mako intau mita natua. Sin mosia tua in intau bilog inta motundú kon daḷan kon intau doman bilog. Sin aka intau bilog bo mokapit kon intau doman bilog, yo tumpaḷabí in taya dua moḷabú kon bubú.”

MATIUS 21:19

Kon diugmai in daḷan oyúon pangkoi in ara inontong-Nea, dá Sia minayá notayak kon bungainea, táe diá nokouḻí kon tobatúmai koḻikudbí in daunnea mita kon tua. Dá siningog-Nea in pangkoi ara tatua, “Iko in diá bidon mopomunga-mungai!” Bo kon dodaipa doman tatua, pangkoi in ara tatua noingkag.

MATIUS 25:10

Táe wakutu in mosia minayá notaḷui kon ḷana. Noiangoidon in nonikaan tatua, bo mosia inta ain nobasadia in sinumuot noyotakinnea kon ruangan ponikaan tatua, bo iḻingkopandon in ḷoḻingkop!

MATIUS 5:45

aka moiko mogaid kon natua yo moiko in mobaḻí ki adí mita i Amámu inta kon soroga. Sin ki Allah in mobogoi mata in singgai-Nea kon intau moraat bo kon intau mopia bo Sia doman inta mobogoi in uyan kon intau inta mobanar bo kon intau inta mouboḷ.

MATIUS 5:6

Pia in kamang in intau inta moibog totok mogaid kon inta mobanar; sin bayongan tua in ogoibí i Allah.

YOHANES 8:21

Ki Yesus in bui noguman kon i monia, “Akuoi in mayá, bo moiko i motayakbí kon i-Nakó, táe moiko in matoibí kon bonu in dosamu. ‘Tampat inta bayáan-Ku, diábí kodapotan monimu.’ ”

EPESUS 5:27

Mangaḻenea kon tua, ki Kristus in noposadia in jamaat kinotompia kon tayowon i Allah, takin diá in gaatnea andeka inta motaau hojatan in intau ibanea.

KOLOSE 1:22

Táe tanaa, pinodoyon kon kinopatoian i Adí-Nea, sinompiadon bui i Allah in hubungan monimu takin-Nea. Natua in pinogogaid-Nea sinbá moiko in motaau diaan tumayow kon i Allah takin kaadaan mokudus, modarit bo diá in aid moraat.

TIMOTIUS 2 3:13

Intau mita moraat bo mongouboḷ in kodugang-kodugangdon in koromú monia. Mosia in umuran monguboḷ kon intau ibanea, táe diábí kinotaauan monia kon mosia tua in kino akaḷanbí doman in intau ibanea.

YUDAS 1:24

Ki Allah, inta mokosanggup moḷukad sinbá moiko diá moḷabú, bo inta mokosanggup modia kon i monimu mayá in tampat pomomarentaannea inta momulia takin gina mosanang bo modarit.

WAHYU 16:21

Uyan eis moḷoben, inta toḷoḻima nokilo in kosibuḷnea, noḷabú nongkon ḷangit bo noidantug kon intau mita. Dá mosia in nohojat kon i Allah popisí bodito uyan eis inta totok in motoyang tua.

WAHYU 22:3

Kon bonu in kotá tatua diá bidon in kotugatan kutuk i Allah. Tampat pomomarentaan i Allah bo i Adí in Domba tatua in kon bonudon in kotá tatua. Bobantung-Nea mita moibada kon i-Nia.