WAHYU 22:10 - Alkitab Singog In Mongondow Masa In Tanaa

¹⁰ Bo malaekat tatua in noguman bui kon inakó, “Dika mobuni kon tosingogon mita inta kon bonu in buk tanaa, sin diádon moonggot kobaḻían intua komintan.

WAHYU 22:10 ပူးပေါင်းရင်းမြစ်များ

YESAYA 13:6

Pogamuidon, sin singgai i Tuhan in nodiugdon, tuata in singgai koyopúan inta pinoangoi i Tuhan Inta Totok in mokawasa.

YESAYA 8:16

Moiko, murí-ku mita musti motagú bo moḷukad kon koyow mita inta inogoi i Allah kon inakó.

YEHEZKIEL 12:23

Yo, potaaudon kon i monia kon Akuoi, ki Tuhan Inta Totok in moḷantud, in motubag nanaa: Peribahasa tatua in popatan-Ku, dá diádon singogon bui kon Israel. Mobaḻí toḻiunea in pogumandon kon i monia kon wakutunea in noidapotdon, bo bayongan in inta pinoguman in mobaḻídon.

DANIEL 12:4

Bo guman in malaekat tatua bui kon inakó, “Daniel, taḷobaidon in buk tatua in tanaa, bo kompitaidon in meterai sinbá umuran moitaḷob mako modapot kon singgai tumi. Mobayong in intau in monungkuḷ monaridi kon onu inta koyogot mobaḻí. Táe diábí in mangaḻe in inta iḷongasi monia.”

DANIEL 12:9

Sia in notubag, “Bayádon in tanaa mako, Daniel, sin tosingogon mita tanaa in mustibí bunion bo diá motaau poguman modapot kon singgai tumi.

DANIEL 8:26

Oontongon soaḷ kuruban muḷoi in ḷoḷabungnea bo muḷoi in doḷo-doḷom inta ain ininsilangan kon inimu tatua, in totu-totuubí kon mobaḻí. Táe tua komintan in mobaḻíbí kon singgai moiduduimai inta moonggotpa; dá dikadon oumanon kon i ineka.”

MATIUS 10:27

Onu inta pinoguman-Ku kon i monimu kon dodai in doḷom musti buion monimu poguman dodai in singgai mobayagdon, bo onu inta pinogombong kon bongoḷanmu, yo popotaaudon kon bayongan in intau!

SURAT I PAULUS KON JAMAAT RUM 13:11

Koḻikud intua komintan, kinotaauan monimu kon masai in naa wakutudon monimu mobangon nongkon pinosiugan. Sin wakutu poposaḷamatan kon i naton kodiug-kodiugdon totok nongkon wakutu in kita bagupa nopirisaya.

SURAT I PAULUS KON JAMAAT RUM 13:12

Doḷom diádon moonggot; topípa mobayagdon. Dá koḻigai mogogaidon in kita in mogaid kon inta diá mopia, bo momakédon in sonjata inta mobayag.

TESALONIKA 2 2:3

Naondakadon in habar dinongog monimu, yo donaaibí baḷú kopongaruan monia in moiko, sin tongábí uboḷ i monia inta moibog mopongaru kon intau ibanea. Sinbá kotaauandon monimu, kon wakutu in diápa moiangoi in singgai tatua, munapabí nanaa in mobaḻí: Mobayong in intau mobaḷui in pirisaya bo monaḷámai kon i Kristus; bo intau moraat inta ain sinantú tumuot kon naraka in mamangoidon mopoontong in oaid monia.

PETRUS 1 4:7

Kopaḷutan in yagi-yagi motoyongdon. Tuamai ḷukadaidon kopira in awak monimu bo umuran mokopoonow kon raian sinbá moiko in motaau mosambayang.

WAHYU 1:11

Singog tatua in noguman, “Paisdon onu inontongmu, bo atodon in buk tatua kon pitu nojamaat: Jamaat mita kon Epesus, kon Smirna, kon Pergamus, kon Tiatira, kon Sardis, kon Piladelpia bo kon Laodikia.”

WAHYU 1:3

Totokdon mosanang in intau inta mobaca bo inta mokidongog kon habar inta pinotaau i Allah muna bo inta ain pinais kon bonu in buk tanaa bo mosatia kon onu inta pinais kon bonunea. Sin diádon moonggot bo tua komintan in mobaḻí.

WAHYU 10:4

Naonda in diádon singog in gotup pitu tatua, moibog in akuoi momais kon tua, táe kinodongoganku in singog nongkon soroga in noguman, “Bunidon onu in pinoguman in gotup pitu tatua, donaaidon paison intua!”

WAHYU 22:16

“Akuoi, ki Yesus, ain nopotabá mangoi in malaekat-Ku kon i monimu, sinbá sia mopotaau in soaḷ mita inta pakéon kon kopontingan in jamaat mita. Akuoi naa in buí i Daud; Akuoibí naa in tundi dotá in pomukaan inta motarang totok tua.”

WAHYU 22:18

Kon i monia inta nokodongog kon onu inta pinoguman kon bonu in buk tanaa, akuoi, ki Yohanes, mobogoi in tompoingat tanaa; aka intau modugang kon tosingogon inta pinotaau tanaa, dá dugangan doman i Allah in roriga mita kon inia ná inta ain pinais kon bonu in buk tanaa.

WAHYU 22:20

Sia inta nopoyaput in koyow mita tanaa in noguman, “Totuu, Akuoi in ḷagi bidon mamangoi!” Amin! Angoidon oo Tuhan Yesus!

WAHYU 22:7

“Tarukiradon in naa!” Guman i Yesus, “Akuoi in ḷagi bidon mamangoi. Koḷungangadon totok in intau inta umuran dinumudui kon singog mita inta pinotaau kon bonu in buk tanaa!”

WAHYU 22:9

táe sia in noguman kon inakó “Donaai momia naníon, táe sumbadon in ki Allah! Sin akuoi naa in atabí doman naonda bo iko, bo ná doman tai utatmu mita inta nabi bo bayongan intau inta dinumudui kon koyow mita inta kon bonu in buk tanaa!”

WAHYU 5:1

Noiduduimai kon tua akuoi in nokoontong kon ḻitodan buk kon ḻima koḷanan i Intau inta iḻimitú kon tampat pomomarentaan tatua. Buk tatua nopuḻing in pais kon posi-ḷosi bo kinompitan in meterai pitu.