WAHYU 21:27 - Alkitab Singog In Mongondow Masa In Tanaa

²⁷ Táe intau mita inta nogaid kon soaḷ mita inta mokorongó, ande intau mita inta mongouboḷ, yo singogon mako mopoḷok, mosia inta nogaid kon mokotor, diábí moituot kon tua. Inta motaau tumuot in tongábí intau inta tangoinea in pinais kon bonu in Buk Intau Nobiag, buk i Adí in Domba tatua.

WAHYU 21:27 ပူးပေါင်းရင်းမြစ်များ

MAZMUR 101:8

Pomuḷoi in singgai yopúonku in intau mita moraat kon butá tanaa. Komintan intau inta mogaid kon moraat in inggamáankubí kon kotá i Tuhan.

IḶUAIAN 32:32

Akuoi mopoigum totok sinbá ki Tuhan moibogpa mongampung kon dosa monia; aka diá dá popataidon in tangoiku kon bonu in buk intau mita nobiag.”

YESAYA 35:8

Kon tua in oyúondon in daḷan moḷoben, “Daḷan mokosaḷamat” in tangoinea. Intau binaradosa in diábí moitaḻib kon tua, Intau bodok in diábí mopoḷaḻe kon intau inta tumaḻib kon tua.

YESAYA 52:1

Pobangondon, ei Yerusalem, pobangondon! Korigon in ginamu! Paké in ḷambung kahoromatanmu! Ei Yerusalem, kotá inta motusi, intau nonajis in diá bidon tumuot mongin bonawangmu.

YESAYA 60:21

Intau mita inta nogutun kon butámu in mogaidbí kon onu inta totuu, mosia in mobaḻíbí kitogi in butá tatua modapot in mononoi. Mosia in naonda bo pinomuḷa inta cinangkok inta pinomuḷa-Ku tontaní, sin moponiata kon kamuliaan-Ku.

YEHEZKIEL 44:9

Akuoi, ki Tuhan Inta Totok in moḷantud, mopotaau kon intau mita ango-angoi inta diá sinoit bo intau mita inta diá motoḷutui kon i-Nakó, diábí ogoi in tumuot kon Baḷoi-Ku. Tua in popoaid doman kon intau ango-angoi inta nogutun notantú kon yua-yuak in bangusa Israel.”

YOËL 3:17

“Ei Israel, tanaa in kotaauandon monimu, kon Akuoibí in ki Tuhan Allahmu. Akuoi in nogutun kon Sion, buḷud-Ku inta motusi, Dá Yerusalem in mobaḻí doman kotá inta motusi, intau ango-angoi in diá bidon mokopotuot bui.

IMAMAT 13:46

Kon bonu in sia monahang mako kon roriga popisí in panyaki tatua sia in nonajispabí bo musti mogutun kon ḷuai in ḷoḷaigan, moyayú nongkon intau mita ibanea.

ZAKHARIA 14:21

Bayongan in pansi kon Yerusalem bo kon bayongan in Yohuda in tondíondon mobaḻí kapunyaan i Tuhan Inta Totok in mokawasa. Intau mita inta moposumba in kuruban in momakébí intua porubusan kon ponoyá inta posumba. Aka wakutu tatua moiangoi, yo diá bidon in mopopotaḷui kon Baḷoi i Tuhan Inta Totok in mokawasa.

PINOGIAPAN 12:15

Bo ki Miryam pinoḷuaidon kon pinononḷoḷaigan pitu nosinggai in koonggotnea, bo bangusa tatua diápabí nomamping nodapot in ki Miryam inogoidon sinumuot bui kon pinononḷoḷaigan.

PINOGIAPAN 5:3

Mosia tua in musti pokiḷuaian, sinbá diá mokonajis kon ḷoḷaigan, tampat inta pinogutunan-Ku takin umat-Ku.”

MATIUS 13:41

Adí Intau nopotabá kon malaekat-Nea mita mosipun kon bayongan inta mokopoḷaḻe, bo komintan intau inta nogaid kon moraat kon bonu in Dodatuan-Nea.

MARKUS 7:2

Mosia in nokoontong kon tongonumai in murí i Yesus in nongaan táe diá muna nonomok, ná inta kon atorang in agama.

LUKAS 10:20

Tongá umpakabí natua, yo dikabí mopia-pia in gina monimu sin moondok in dimukud moraat kon i monimu. Naabí in patus mokopia kon gina monimu, tangoimu aindon pinais kon soroga.”

EPESUS 5:5

Torop in singogku tanaa: intau inta mokotor in oaidnea, andeka inta mogaid kon inta diá patus aidan, andeka ibog inta moiḻiu (aid natua notongkaibí in aid mosumba kon berhala ibanea), dá intau mita natua in diábí baḻíon umat inta pinarentaan i Kristus bo i Allah.

PILIPI 4:3

Bo poigumonku kon i monimu Sunsugos, yobayatku inta totok in mosatia, tuḷungai in mosia, sin mosia noramujidon totok in nogaid takinku nopotaau in Habar Mopia inta nongkon i Allah; mosia tua naonda bo tai Klemen bo bayongan in intau inta nogaid noyotakinku. Tangoi monia tua in pinaisdon kon bonu in Buk Intau Nobiag.

TIMOTIUS 1 1:10

pinopomakusud doman kon i monia inta mokotor in oaid, kon i monia inta mongibog kon tumpaḷa ḷoḷaki, kon i monia inta banselang, kon i monia inta mongouboḷ bo kon i monia inta umuran mongonguman kon diá totuu, bo oaid mita inta diá kinoibog in totundú inta mobanar.

IBRANI 12:14

Poramuji umuran mobiag motompia takin bayongan intau. Poramuji doman mobiag mokudus takin i Tuhan. Sin diábí in tobatúmai intau mokoontong kon i Tuhan aka diá mobiag natua.

PETRUS 2 3:13

Táe kita in umuranbí mogoḷat mako kon dandi i Allah. Dandi i Allah tua in soaḷbí ḷangit bo butá inta mobagu inta motompia bo moadil.

WAHYU 13:8

Mahaḷuk tatua sumbáanbí in bayongan intau inta nobiag kon dunia naa. Intau mita inta diápa kinopaisan in tangoi monia kon bonu in buk kobiagan inta kapunyaan i Adí in Domba inta ain iratá, pinangkoipamai kon dunia naa diápa pinomia.

WAHYU 20:12

Bo akuoi in nokoontong kon intau mita minatoi, guyanga-mongoadí sinimindog kon tayowon tampat pomomarentaan tatua. Bo tobatú buk ibanea in binukádon, tuata in Buk Intau Nobiag. Onda intua hukuman pinoḷabúdon kon intau mita minatoi, podudui in oaid monia podudui kon inta ain pinais kon bonu in buk mita tatua.

WAHYU 20:15

Intau mita inta tangoi monia diá pinais kon bonu in Buk Intau Nobiag, pogambat kon bonu in dagat tuḷu.

WAHYU 21:8

Táe intau mita inta ondokon, mosia inta diá mosatia, intau moromú, moḷoḻimod, intau mokotor, intau mongonggaing, mososumba kon berhala bo komintan intau mouboḷ, toko pogambat kon bonu in dagat tuḷú bo balerang inta kodoko-dokot, tuata in popatoi inta induanea.”

WAHYU 3:5

Mosia inta mountung ḷambungan in ḷambung mobudó natua. Tangoi monia in diábí popaton nongkon Buk Intau Nobiag. Bo akúon-Kubí in mosia kon tayowon i Amá-Ku bo malaekat-Nea mita kon Akuoibí in kitogi kon i monia tua.