WAHYU 21:15 - Alkitab Singog In Mongondow Masa In Tanaa

¹⁵ Kon Malaekat inta noyosingogku tatua oyúon in tungkud pogogukur inta pinomia nongkon buḷawan sin pogogukur kon kotá, kon ngaranea mita bo kon dindingnea.

WAHYU 21:15 ပူးပေါင်းရင်းမြစ်များ

YEHEZKIEL 40:3

Akuoi in dinia-Nea kon tua bo inontongku in ḷoḷaki tobatú inta mopouḻi-uḻinag naonda bo porunggu sinimindog kon diug in bonawang. Nokadai mako in sia kon tontogot pogogukur nongkon linen bo kayu pogogukur.

ZAKHARIA 2:1

Kon oontongon noiduduimai akuoi in nokoontong kon ḷoḷaki tobatú inta nokadai kon meter pogogukur.

ZAKHARIA 2:2

“Mayá in onda?” iḻibóku. “Mayá mogukur kon Yerusalem,” tubagnea, “ibogonku bá kotaauan mongo tongonu in kobanat bo kooḷad in kotá tatua.”

WAHYU 21:12

Dindingnea in moḷoben bo moḷantud, ngaranea in mopuḷú bodoyowá, bo iḷukadan in malaekat mopuḷú doman bodoyowá. Kon ngara mita tatua pinaisan in tangoi mita in mopuḷú bodoyowá suku in Israel.

WAHYU 21:16

Kotá tatua notonggopat, ḷanggó bo ḷobennea in notongkai. Malaekat tatua nogukur kon kotá tatua takin tungkud pogogukurnea tatua. Inukur monik dá doyowa noribu bo opat nogatut nokilometer; Koḷoben bo koḷantudnea in notongkai in koḷanggónea.

WAHYU 21:21

Ngara mopuḷú bodoyowá tatua in mutiarabí inta mopuḷú bodoyowá doman. Pomuḷoi in ngara pinomia nongkon mutiara tobatú doman. Daḷan kon kotá tatua in pinomia nongkon buḷawan taakan, nosilang naonda bo kaca inta mopouḻi-uḻinag.

WAHYU 21:25

Tumongo singgai ngara mita tatua diábí ḻingko-ḻingkopan, sin diá bidon doḷom kon tua.