WAHYU 21:14 - Alkitab Singog In Mongondow Masa In Tanaa

¹⁴ Dinding in kotá tatua in pinosindog kon tudu in batu mopuḷú bodoyowá. Bo batu mita tatua in sinoko paisan tangoi in rasul mopuḷú bodoyowá. Mosia tua in rasul mita i Adí in Domba tatua.

WAHYU 21:14 ပူးပေါင်းရင်းမြစ်များ

YESAYA 54:11

Ki Tuhan in noguman, “Ei Yerusalem, kotá inta ukur diá mopia, iko in diádon kodaya bo diádon in moḷoḻipoi. Orotanmu mita in poukatonku bui, mopomaké in batu mita inta koboḻi.

MATIUS 16:18

Bo Akuoi in moguman doman kon inimu, iko in ki Petrus, kon tudu in batu karang tanaa posindogon-Ku in jamaat-Ku; bo diábí in mokotaḷow umpakabí popatoi!

OUMAN IN RASUL MITA 1:26

Onda intua mosia nopogonik in undi, bo ki Matias in kinopiḻían. Dá sia in binaḻí rasul pinodugang kon rasul inta mopuḷú bo mita tua.

GALATIA 2:9

Bo naonda in nokoontong kon totabi inta inogoi i Allah kon i nakó, dá ki Yakobus, ki Petrus, bo ki Yohanes inta nobaḻídon itoi kon jamaat, nopirisayadon kon ki Allahbí in nobogoi oaidan tanaa kon inakó. Sahingga in nodati in mosia kon i naminda i Barnabas saḷaku tanda yoyobayatan. Bo nosatuju bidon in kami kon kami in mayá mopohabar in Habar Mopia kon yua-yuak in intau mita inta deeman Yahudi, bo mosia in mayá kon sigad in intau mita in Yahudi.

EPESUS 2:20

inta pinosindog kon tudu in pondasi inta inaidan in rasul mita bo nabi, bo ki Kristus Yesus in nobaḻí batu inta totok moponting.

EPESUS 3:5

Koḻipod, onu inta noibuni tatua diá kon dodai in onda in pinotaau kon intau, táe tanaa, ain pinoniata in Roho i Allah kon rasul mita bo kon nabi-Nea mita.

EPESUS 4:11

Sia doman tua inta nobogoi in rasul, nabi bo intau mita inta mopoyaput in Habar Mopia, gombala bo guru mita.

IBRANI 11:10

Ki Abraham in mogoḷat mako kon kotá inta sinomayá i Allah posindogon kon pondasi inta moroton.

YUDAS 1:17

Táe Utatku mita inta kinotabiku, toropdon in onu inta koḻipod pinoguman in rasul mita i Yesus Kristus, Tuhan naton.

WAHYU 18:20

Ei soroga, koḷungangadon kon kinorimumudan in kotá tatua! Ei umat i Allah, rasul mita, bo bayongan in nabi koḷungangadon in gina! Sin ki Allah ain nohukum kon inia saḷaku tontuḻí in aidnea kon i monimu!

WAHYU 21:13

Toto-toḷu in ngara tumayow kon tobatú noarah; toḷu kon dotá in pomukaan, toḷu kon dotá in toḷatan, toḷu kon dotá in utuan, bo toḷu doman kon dotá in toyopan.