WAHYU 20:14 - Alkitab Singog In Mongondow Masa In Tanaa

¹⁴ Onda intua popatoi bo dunianea in pinogambat kon bonu in dagat in tuḷu. (Dagat in tuḷu tanaa in kopatoian inta induanea.)

WAHYU 20:14 ပူးပေါင်းရင်းမြစ်များ

HOSEA 13:14

Bangusa tanaa in diábí posaḷamat-Ku nongkon kawasa in dunia in intau minatoi. Ei popatoi, ponimboidon in yampoimu! Aidaidon in oaidanmu inta mokorimumud tua! Akuoi in diá bidon motabi bui kon bangusa tanaa.

KORINTUS 1 15:26

Saturu pangabisan inta potungkudon i Allah in popatoi.

KORINTUS 1 15:53

Awak naton inta mato-matoi naa in baḷuiandon in awak inta diá mato-matoi, bo awak inta nongkon dunia in musti baḷuian in awak inta nongkon soroga.

WAHYU 1:18

Akuoi naa in Sia inta nobiag tua! Akuoi ain minatoi, táe indoiaika, Akuoi in nobiagbí bo diá bidon mato-matoi. Popatoi bo dunia in intau minatoi kon bonu bidon in kawasa-Ku.

WAHYU 14:10

yo intau tatua monginum kon anggur i Allah, tuata in torú-Nea inta ain inaḻin-Nea kon bonu in tampat-Nea, bo diábí ginaatan topiḻikpamai! Intau mita tatua in toko sikisaan kon bonu in tuḷu bo balerang kon tayowon in malaekat mita motusi bo kon tayowon Adí in Domba tatua.

WAHYU 19:20

Mahaḷuk tatua in kinodomokan takin intau mita inta morongaku nabi táe deemanbí totuu nabi inta ain norogaid kon soaḷ mita inta mokoherang kon tayowon mahaḷuk tatua. (Takin aid mita monia inta mokoherang tatua, mosia nonguboḷ kon i monia inta ain notarima kon tanda in mahaḷuk tatua bo inta ain nosumba kon patongnea.) Bo mahaḷuk tatua takin intau mita inta deeman totuu nabi tumpaḷa pinogambat kon bonu in tuḷu moḷoben inta kodoko-dokot takin balerang.

WAHYU 2:11

Ki ine in mokodongog, yo tarukira in onu in pinoguman in Roho i Allah kon jamaat mita! Mosia inta mountung, beresi bidon diá mokorasa kon roriga in kopatoian induanea.”

WAHYU 20:10

Onda intua Ibilis inta nonguboḷ kon i monia tua, pinogambat kon yua-yuak in tuḷu bo balerang. Tua in tampat pinoḷumbúan kon mahaḷuk bo intau mita inta deeman totuu nabi, bo roriga monia tua in diábí mogoga-gogai doḷom bo singgai.

WAHYU 20:13

Bo dagat noposarakan domandon in intau mita inta kon bonunea. Popatoi bo dunianea in noposarakan doman in intau mita minatoi inta kon i monia. Bo intau minatoi mita tatua in komintan pinopoḷabúan in hukuman pinodudui kon oaid monia.

WAHYU 20:15

Intau mita inta tangoi monia diá pinais kon bonu in Buk Intau Nobiag, pogambat kon bonu in dagat tuḷu.

WAHYU 20:6

Kosanangdon totok in intau mita inta noitakin biniag bui dungkuḷ tua. Mosia tua in patusbí mobaḻí kapunyaan i Allah. Sin popatoi induanea in diá bidon mongawasa kon i monia. Mosia tua in mobaḻí imang mita i Allah bo i Kristus, bo mosia in momarenta moyotakin i Kristus toribu notaong in koonggotnea.

WAHYU 21:4

Paḻitandon i Allah in bayongan ḷuá kon mata monia. Diá bidon in popatoi. Diá bidon in mokoajar kon gina. Amui ande ombaḷ onu inta mokonakitpa kon gina in diá bidon. Soaḷ mita inta nokoyongandon ain noinggamá.”

WAHYU 21:8

Táe intau mita inta ondokon, mosia inta diá mosatia, intau moromú, moḷoḻimod, intau mokotor, intau mongonggaing, mososumba kon berhala bo komintan intau mouboḷ, toko pogambat kon bonu in dagat tuḷú bo balerang inta kodoko-dokot, tuata in popatoi inta induanea.”

WAHYU 6:8

Bo inontongku in tobatú kabaḷo inta nobilai. Ki inta sinumakoi tua tangoinea in ki Maut. Bo dumuduianmai kon inia in dodatuan popatoi. Tokoar in kawasa kon dunia naa in pinosarakan kon i monia, sinbá mosia in motaau moḻimod popototoi kon parang, malarat bo popototoi kon takit mita bo popototoi kon mahaḷuk mita inta mokokaan kon intau.