WAHYU 19:18 - Alkitab Singog In Mongondow Masa In Tanaa

¹⁸ Koḻigai mokaan kon tapú in datu mita, tapú in bayongan itoi in tontara bo tapú in bayongan intau inta minatoi noparang. Koḻigai mokaan kon tapú in intau mita inta tumotakoi kon kabaḷo, tapú in kabaḷonea mita bo tapú in bayongan intau, guyanga, mongoadí, ata andeka intau nobebas!”

WAHYU 19:18 ပူးပေါင်းရင်းမြစ်များ

YEREMIA 16:4

Mosia in matoi kotugatan in yampoi in takit inta mokopatoi, bo mosia in matoi kon poparangan andeka matoi in gogoy. Diábí tobatúmai in intau in mongombaḷ andeka moḷobong kon i monia. Mayat monia in moirarit magí mako naonda bo pupuk kon butá, bo kaanon in ḷagapan bo mahaḷuk inta mokokaan kon tapú.

YEREMIA 19:7

Kon tampat tanaa pogogaion-Ku in bayongan tomayá in intau in Yohuda bo intau in Yerusalem. Mosia in pomayá-Kubí in taḷowon in musung mita monia bo ḻimodon kon poparangan. Mayat monia in pomayá-Kudon mako in kaanon in ḷagapan bo mahaḷuk mokokaan kon mahaḷuk ibanea.

YEREMIA 34:20

Ogoi-Kubí in moiko kon musung inta moibog moḻimod kon i monimu. Mayatmu in kaanonbí in ḷagapan bo mahaḷuk mokokaan kon mahaḷuk ibanea.

YEREMIA 7:33

Mayat mita monia in mobaḻídon kokaanon in ḷagapan bo mahaḷuk inta mokokaan kon tapú, takin diábí in motayakmai.

YEHEZKIEL 29:5

Onda intua iko bo bayongan in toyá tatua in pogambat-Ku kon rawang in bungaion. Awakmu in moirobudon kon butá bo moitongkob mako kon tua. Diábí tobatúmai in intau in moḷobong kon inimu. Awakmu in ogoi-Kubí kon ḷagapan mita bo mahaḷuk mita ibanea sin kaanon.

YEHEZKIEL 39:17

Ki Tuhan Inta Totok in moḷantud noguman kon inakó, “Ei intau ilo-ilow, oinídon in bayongan in ḷagapan bo mahaḷuk ibanea mako, sinbá mamangoi nongkon bayongan in tampat bo mokaan kon kuruban inta sinadia-Ku kon i monia. Akuoi in momiabí kon bobutungan moḷoben kon buḷud mita in Israel, kon tua mosia in mokaanbí kon ponoyá bo monginum kon dugú.

MATIUS 24:28

Kon onda oyúon mahaḷuk minatoi, kon tua doman in ḷagapan mokokaan kon mahaḷuk minatoi moyosipun.”

LUKAS 17:37

Dá murí mita i Yesus in noḻibó kon i-Nia, “Kon onda in kobaḻían intua komintan, Tuhan?” Ki Yesus in notubag, “Kon onda oyúon mahaḷuk minatoi, kon tua oyúon doman in ḷagapan mokokaan kon mahaḷuk minatoi in moyosipun.”

ULANGAN 28:26

Aka moiko matoi, mayat mita monimu in mobaḻídon kokaanon in ḷagapan mita bo mahaḷuk mita inta mokokaan kon tapú, bo diábí in moguntun kon mahaḷuk mita tatua.

WAHYU 11:18

Intau mita inta diá nonotaau kon i Tuhan, sinumorúdon sin aindon wakutunea Iko mopoḷuai in torú-Mu, bo aindon doman wakutunea Iko monantú kon intau mita minatoi. Naadon doman i wakutunea mobogoi kon boḻi in pinogaidan in intau mita inta nogaid kon oaidan i Allah, bo in nabi mita, bo kon bayongan in umat, tuata in mosia inta noibada kon ini-Mu, adí ande itoi. Naadon i wakutunea morimumud kon intau mita inta nomoguyaat kon dunia naa!”

WAHYU 13:16

Bayongan intau, moḷoben bo mointok, mobiag nooyúon bo nobiag nobogá, ata bo intau nobebas pinakisa in mahaḷuk tatua motarima kon tanda kon ḻima monia koḷanan andeka kon pogot monia.

WAHYU 17:16

Tungoi mopuḷú bo mahaḷuk inta inontongmu tua, moyaatbí in ginanea kon sundaḷ tatua. Daitonbí agowon monia in bayongan kapunyaannea, bo pilangan monia. Kaanonbí monia in tapúnea bo payongon monia in tuḷu.

WAHYU 19:5

Bo kinodongogandon in giow nongkon tampat pomomarentaan tatua noguman, “Dayowdon in ki Allah, ei bayongan in intau inta nogaid kon oaidan i Allah, bo bayongan intau – guyanga-mongoadí – inta nosumba kon i Allah!”

WAHYU 6:15

Bayongan datu kon dunia naa bo intau mita moḷoben, panglima mita in tontara, intau mita nooyúon, intau mita inta kokawasa, bo intau mita ibanea, pinomayá ata andeka intau inta nobebas, komintan norogadop kon bubú mita in butá bo kon sigad mita in batu in buḷud.

SAMUEL 1 17:44

Bo buipa doman in sia nonontot kon i Daud, kainia, “Angoidon in naa! Awakmu nion in pokaanonkudon kon ḷagapan bo mahaḷuk.”

SAMUEL 1 17:46

Singgai domandon naa posarakandon i Tuhan kon inakó in iko; taḷowonkubí in iko bo uḷumu in pongkóonkudon. Awakmu bo awak in tontara mita in intau Pilistin in pokaankudon kon ḷagapan bo mahaḷuk mita. Dá bayongan in intau kon dunia naa in monotaaudon kon kami bangusa Israel in oyúonbí in Allah inta sinumba nami,