WAHYU 19:12 - Alkitab Singog In Mongondow Masa In Tanaa

¹² Matanea in naonda bo dokot in tuḷú, bo kon uḷunea pinakéan in mahkota mobayong. Kon awaknea pinaisan in tangoi, bo tongábí sia in nonotaau kon tangoi tatua.

WAHYU 19:12 ပူးပေါင်းရင်းမြစ်များ

KINOBAḺIAN 32:29

Ki Yakub in noguman, “Pogumandon tangoi Tuang.” Táe intau tatua notubag, “Diábí paraḷu iko moḻibó mongo ki ine in tangoiku!” Bo binarakatanneadon in ki Yakub.

MAZMUR 8:5

yo onubí degá in intau tua, nodapot in sinorop-Mu in sia, ki ine in sia, dá iḷukadan-Mu?

IḶUAIAN 23:21

Indoiai bo duduiai in sia. Dika ḷumoḷatú kon inia sin totabá-Ku in sia, bo diábí in sia mongampung kon aidmu inta moitaḷá.

AMSAL 30:4

Intaubí táonda in nokoimontandon in noponik noponag kon soroga? Nokoimontandon degá in sia norangkom mako kon tompot, bo mopobakut in ḷambungnea kon tubig, andeka nonantú kon sigad mita in dunia? Ki ine in sia, bo ki ine in ki adínea? Notantúbí kon kinotaauanmu!”

DONDONG MOḶANTUD 3:11

Ḷuaidon, ei mongodeaga mita in Sion, indoiaidon in ki Datu Salomo takin topí in datu inta pinoḷutud i inánea, kon singgai pinonikaannea, kon singgai sia noḷunganga.

YESAYA 62:3

Iko in mobaḻí naonda bo mahkota mogaga kon ḻima i Tuhan, mahkota in dodatuan kon ḻima i Allahmu.

YESAYA 9:6

Sia in momarenta saḷaku datu buí i Daud, kawasaannea totok in moḷoben. Butánea in umuran modame bo mobiag mooyúon; pomarentaannea in pinodoyon kon hukum bo koadilan tanaa mako modapot in mononoi. Ki Tuhan Inta Totok in Mokawasa notantúbí kon mogaid kon tua.

DANIEL 10:6

Awaknea in mopouḻi-uḻinag naonda bo permata, pogotnea in ná kobayag in sindar in kilat, bo matanea in mopodoko-dokot naonda bo tuḷú. Kokaḷ bo sioḷnea in mopouḻi-uḻinag naonda bo bitú inta iradatan, bo singognea in kodongogan naonda bo singog in intau mobarong.

ZAKHARIA 9:16

Aka singgai tatua moiangoi, ki Tuhan in moposaḷamatbí kon umat-Nea, naonda bo gombala moposaḷamat in dombanea nongkon anib. Mosia in monindarbí kon butá i Tuhan, naonda bo permata mahkota inta mopouḻi-uḻinag.

MATIUS 11:27

Bo ki Yesus in noguman, “Bayongan yagi-yagi inogoi i Amá kon i-Nakó, bo diá doman tobatúmai in nonotaau kon Adí koḻikudbí in ki Amá, bo diá doman tobatúmai intau in nonotaau kon i Amá kuḻikudbí in Adí bo intau inta kinoibog in Adí popoontongan.

MATIUS 21:5

“Pogumandon kon bobay in Sion, Indoiai, Datumu namangoi kon inimu. Moompá in dodia-Nea bo sinumakoi kon keledai tobatú, tobatú keledai inta moguodpa.”

MATIUS 28:18

Dá ki Yesus in dinimiug kon i monia bo noguman, “Akuoi in inogoiandon in bayongan kawasa kon soroga bo kon dunia.

LUKAS 10:22

Yagi-yagi komintandon pinosarakan i Amá kon i-Nakó. Bo diábí in tobatúmai intau nonotaau kon Adí, koḻikudbí in ki Amá. Bo diábí doman intau in nonotaau kon i Amá koḻikudbí in Adí; bo intau mita inta kinoibog in Adí popotaauan kon ki ine in ki Amá.”

YOHANES 17:11

Akuoi in mamangoidon kon inimu in tanaa. Diá bidon in Akuoi mogutun kon dunia naa, táe mosia in umuranpabí kon dunia naa. Amá inta motusi! Ḷukadaipa in mosia takin kawasa in tangoi-Mu. Tangoi inta ain inogoi-Mu kon i-Nakó – sinbá mosia in motobatúdon ná kitada.

YOHANES 17:12

Wakutu in Akuoi koyota-yotakinpa monia, Akuoi ain noḷukad kon i monia takin kawasa in tangoi i Amá, tangoi inta inogoi i Amá kon i-Nakó. Iḷukadan-Kudon in mosia bo diábí in tobatúmai nobaḻí kon sigad monia tua, koḻikudbí in sia inta ain sinantú kon mobuḻi; sinbá mobaḻídon onu inta ain pinais kon Buk Motusi.

EPESUS 1:21

Ḷoḻitúan pomarentaan i Kristus tua in moḷantu-ḷantudbí nongkon ḷoḻitúan pomomarentaan in bayongan pomarenta, bayongan pongawasa, bayongan itoi bo bayongan tuang bo bayongan intau inta inogoian in ḷoḻitúan moḷantud; mosia inta nobiag masa in tanaa ande mosia inta nobiag moiduduimai.

IBRANI 2:9

Táe inontongdon naton in ki Yesus in nongawasa! Sia in binaḻídon topí noḻin ompá notoyong nongkon malaekat mita, sinbá podoyon kon kopopia in gina i Allah Sia in motaau matoi kon kopontingan in bayongan intau. Inontong naton in tanaa, kon Sia ain inogoian in ḷoḻitúan inta momulia bo inta ihoromat sin Sia in notarimadon kon roriga dapot in minatoi.

WAHYU 1:14

Buok-Nea in nobudó naonda bo bubuḷ in domba, ná kobudó doman in kapot. Mata-Nea in moyongki-yongkit naonda bo tuḷu;

WAHYU 12:3

Bo inontong domandon in tanda mokoherang ibanea kon ḷangit. Oyúon tobatú naga nopura inta totok moḷoben, pitu in uḷunea bo mopuḷú in tungoinea. Pomuḷoi in uḷu pinakéan in mahkota.

WAHYU 13:1

Onda intua akuoi in nokoontong kon tobatú mahaḷuk inta iḷumuai nongkon bonu in dagat, mopuḷú in tungoinea bo pitu in uḷunea. Pomuḷoi in tungoi oyúon in mahkota, bo pomuḷoi in uḷu pinaisan tangoi mita inta pohojat kon i Allah.

WAHYU 19:16

Jubah bo paa-Nea in pinaisan tangoi nanaa, “Datu in bayongan datu, bo Tuang in bayongan tuang.”

WAHYU 3:12

Intau inta nountung, baḻíon-Ku saḷaku oigi kon bonu in Baḷoi Motusi i Allah-Ku, bo sia in umuran bidon mogutun kon tampat tatua. Tangoi i Allah-Ku, bo tangoi in kotá i Allah-Ku, tuata in Yerusalem mobagu inta moponag nongkon soroga, nongkon i Allah-Ku – tua in paison-Ku kon intau tatua. Ná doman tua, tangoi-Ku inta mobagu in paison-Ku doman kon intau tatua.

WAHYU 6:2

Dá akuoi in nokoontong kon tobatú kabaḷo nobudó. Intau inta sinumakoi kon kabaḷo tatua in nokadai kon piot, bo sia inogoian doman in tobatú mahkota. Sia minayá in muna saḷaku inta nountung inta minayá notayak kon bá mountung.

HAKIM MITA 13:18

Malaekat tatua noḻibó, “Nongonu sin moibogbí in iko monotaau kon tangoiku? Tangoiku tua in mokoherangbí.”