WAHYU 18:22 - Alkitab Singog In Mongondow Masa In Tanaa

²² Singog in kecapi inta kinuti in intau mita inta motaau mokuti bo dondong mita in intau inta modondong, bo singog in bansí bo singog in torompet, diá bidon kodongogan bui kon bonu in kotámu! Bo ahli mita mogogaid in diá bidon kodungkuḷan kon tua, sedang singog in giḻingan batu bo diá bidon in kodongogan kon tua.

WAHYU 18:22 ပူးပေါင်းရင်းမြစ်များ

AYUB 3:7

Biódon mako in doḷom tua in mopungitdon totok diá in popiaan, diá in ḷunganga in gina.

MOHOHUTUBA 12:4

Rame kon doḷaag diá mosilang in kodongoganmu. Singog in musik bo pogiḻingan gogió bo diádon kodongogan. Diádon in iko mokosiug moḷoḷot. Tontuoḷ in ḷagapan mokopobangon domandon kon inimu.

YESAYA 23:12

Guman i Tuhan, “Ei kotá in Sidon! Iko in diá bidon mobarasanang bui. Intaumu mita in dinorotan. Umpaka in mosia noḷagui minayá in Siprus, diábí in mosia moaman.” (

YEREMIA 16:9

Indongogai in onu in inta potaau-Ku, Tuhan Inta Totok in mokawasa, Allah in Israel in noguman kon inimu. Singog ḷunganga in gina bo pia in kamang takin rame in bobutungan ponikaan in pogogaion-Ku komintan. Tua in indoianbí mako in intau mita inta nobiag kon tungkuḷ in iko nobiag.

YEREMIA 25:10

Singog mita monia inta mongoḷunganga bo rame in ponikaan in pogogaion-Kubí. Mosia in diá bidon mokouḻí kon ḷana ponontogáan monia, bo gandum monia in modaitbí.

YEREMIA 33:11

Táe kon tampat mita tatua in kodongoganbí bui in singog ḷunganga bo pia in gina takin dowawá in ponikaan. Kodongoganbí doman in dondong in intau mita inta nodia kon kuruban sukur kon Baḷoi-Ku. Mosia in mogumanbí, ‘Posukurdon kon i Tuhan Inta Totok in mokawasa, sin mopia in Sia bo tabi-Nea in mononoi.’ Butá tanaa in baḻíon-Kubí mobiag motompia ná dungkuḷ. Akuoi, ki Tuhan, ain noguman.”

YEREMIA 7:34

Butá tanaa in mobaḻídon rawang inta noḷogat. Tosingogon pia in gina bo tosingogon in rame ponikaan in pogogaion-Kudon kon kotá mita in Yohuda bo kon daḷan mita in Yerusalem.

YEHEZKIEL 26:13

Pogogaion-Kubí in bayongan dondongmu bo singog in kecapimu.

MATIUS 9:23

Naonda in ki Yesus noiyaput kon baḷoi in itoi in baḷoi pososambayangan tatua bo nokoontong kon intau mita inta nogirup kon bansí bo intau mobarong inta motombá mako,