WAHYU 18:21 - Alkitab Singog In Mongondow Masa In Tanaa

²¹ Onda intua, tobatú malaekat inta moropot, nobingkat kon tobatú batu inta ná koḷoben in giḻingan, bo pinogambatnea kon bonu in dagat bo poḷat noguman, “Pomiaan natua in kotá in Babel inta moḷoben tua, pogambat koropoton sahingga in diádon bui ontongon.

WAHYU 18:21 ပူးပေါင်းရင်းမြစ်များ

NEHEMIA 9:11

Sinbá oyúon in bayáan in umat-Mu, dagat binotak-Mu; Pinopoḷoḷan-Mu in mosia nongin gantog in dagat inta modaḷom, naonda bo batu inta noitaḷom kon dagat inta mokoondok.

AYUB 20:8

Sia in mobuḻi naonda bo oḻinow in togoindop, moinggamá naonda bo oontongon kon dodai in doḷom.

MAZMUR 37:36

Kon tungkuḷ in akuoi moitaḻib, sia in diá bidon onda, sinayakku in sia, táe diá nouḻíku.

IḶUAIAN 15:5

Mosia iḻiom in dagat inta modaḷom, bo naonda batu inta sinumaḷom dapot in anor.

YEHEZKIEL 26:21

Iko in baḻíon-Ku contoh inta mokokoningkim, bo tuata in imbuit in ouman kon inimu. Intau mita in motayakbí kon inimu, táe diábí mouḻí in iko. Akuoi ki Tuhan Inta Totok in moḷantud ain nosingog.”

DANIEL 11:19

Datu in butá in utuan tatua in mobuibí kon tondok dinding mita in butánea tontaní, táe sia in taḷowondon bo diá bidon in habar bui kon inia.

WAHYU 10:1

Bo akuoi in nokoontong kon tobatú malaekat ibanea inta moroton noponag nongkon soroga. Sia inoḻiungan in goḷom bo kinobandowan in aḻibobag. Pogotnea in naonda bo mata in singgai, sioḷnea in naonda bo oigi tuḷu.

WAHYU 12:8

Táe sinaḷow in naga tatua, dá sia takin in malaekatnea mita diádon inogoi nogutun kon soroga.

WAHYU 16:20

Komintan pulau nobuḻi bo komintan buḷud diádon koontongan.

WAHYU 18:10

Mosia in simindogbí mokopoyayú sin moondok in koantugan in roriga tatua. Mosia in moguman, “Ado, totokdon in mobodito in kotá moḷoben tanaa – kotá in Babel inta moropot! Tongá kon bonu in tojam pinopoaidan in hukuman kon inimu!”

WAHYU 18:22

Singog in kecapi inta kinuti in intau mita inta motaau mokuti bo dondong mita in intau inta modondong, bo singog in bansí bo singog in torompet, diá bidon kodongogan bui kon bonu in kotámu! Bo ahli mita mogogaid in diá bidon kodungkuḷan kon tua, sedang singog in giḻingan batu bo diá bidon in kodongogan kon tua.

WAHYU 20:11

Nopaḷut mako kon tua, akuoi in nokoontong kon tobatú tampat pomomarentaan inta nobudó bo inta noḷoben bo Sia in iḻimitú kon tua. Ḷangit bo butá noinggamá nongkon tayowon-Nea, sahingga in diádon bui koontongan.

WAHYU 5:2

Bo akuoi in nokoontong kon tobatú malaekat inta motorindog totok nomaḷú noropot totok nanaa: “Ki ine in motaau mobuká kon ḻitodan in buk tanaa bo mobuka kon meterainea mita?”