WAHYU 18:14 - Alkitab Singog In Mongondow Masa In Tanaa

¹⁴ Podagang mita tatua in noguman kon bobay tatua, “Bayongan inta kinoibogmu in diádon, bo bayongan inta momewa bo inta mogaga in noinggamádon nongkon tayowonmu. Diá bidon mouḻímu bui intua!”

WAHYU 18:14 ပူးပေါင်းရင်းမြစ်များ

MAZMUR 106:14

Kon padang gurun mosia inaputan in ibog, bo nosoba kon i Allah.

MAZMUR 78:18

Mosia in sinumontuonbí nonungkuḷ kon i Allah, pinongin monuntut kon kaanon inta kinoibog monia.

PINOGIAPAN 11:34

Dá tampat tatua sinangoian “Pinoḷobongan sin Turá”. sin kon tua in pinoḷobongan kon intau mita inta turá.

PINOGIAPAN 11:4

Kon binayáan in intau Israel tatua oyúon doman in intau mita ango-angoi in dinumudui. Mosia tua in moibogdon totok mokaan kon ponoyá, bo intau Israel momangkoi domandon mogamui. Guman monia, “Aka kuma bo oyúon in ponoyá kon inaton!

MATIUS 11:8

Andeka moiko mayá mongonu? Degá moindoi kon intau inta nogiḷambung mogaga? Intau inta nogiḷambung mogaga tampatnea kon dodatuanbí.

LUKAS 12:20

Táe ki Allah in noguman kon inia, ‘Ei iko intau inta bodok! Doḷom doman naa iko in matoi, yo ki ine in pobogoianmu kon kapunyaan inta ain sinipunmu tanion?’

LUKAS 16:25

Táe ki Abraham in notubag, ‘Uḻe, toropdon adíku: iko aindon nokorasa kon bayongan inta mopira wakutu iko nobiagpa kon dunia, táe ki Lazarus naa in tongábí nokorasa kon bayongan inta diá mopia. Manangka intua tanaa mako sia in mokouḻí kon inta mopia kon naa. Yo iko in mokouḻí kon roriga.

KORINTUS 1 10:6

Tua komintan in nobaḻíbí contoh kon i naton, mopotorop kon bá donaai in kita mogaid kon inta diá mopia ná inaidan monia.

YAKOBUS 4:2

Moibog in moiko, táe diá mokouḻí, dá moibog in moiko moḻimod! Totok moḷoben in ibog monimu, táe diá kodapotan monimu onu inta sinayak monimu tua, dá mobobayowan bo moropatoi in moiko. Moiko in diábí mokouḻí kon onu bo onu, sin moiko in diá noigum kon i Allah.

WAHYU 18:13

Kuḻit in kayu manis, pododungú mita, bahan mita mobondu, taḷong mobondu bo kamania, anggur bo ḷana, topong bo gandum; sapi, domba, kabaḷo bo kereta, ata mita, nodapot kon nyawa in intau.

WAHYU 18:15

Mosia inta nopotaḷui in bahan mita tatua bo inta ain nobaḻí nooyúon lantaran nopotaḷui kon bonu in kotá tatua, sinimindogdon iyumayú totok, sin moondok kotugatan in roriga tatua. Mosia in mongombaḷ bo mobaḷu,