WAHYU 18:1 - Alkitab Singog In Mongondow Masa In Tanaa

¹ Onda intua akuoi in nokoontong kon tobatú malaekat ibanea noponag nongkon soroga. Kon malaekat tatua oyúon in kawasa inta moḷoben, bo kamuliaan nokobayag kon dunia naa.

WAHYU 18:1 ပူးပေါင်းရင်းမြစ်များ

YEHEZKIEL 43:2

bo kon tuata inontongku in nongkon dotá in pomukaan sindar mopouḻi-uḻinag inta nobaḻí tomponuot kon kinoangoian i Allah in Israel. Singog i Allah in kodongogan naonda bo singog in tubig kon dagat, bo dunia in moporia-riang popisí in sindar kinoangoian i Allah.

LUKAS 17:24

Sin naonda bo kilat inta nonimbayag nongkon popod in ḷangit toḷosi bo mopobayá doman popod in ḷangit tobotak natuata in singgai koangoian in Adí Intau.

TESALONIKA 2 2:8

bain tua bo koontongandon in intau moraat tatua. Sahingga in aka ki Tuhan Yesus mamangoi yo ḻimodon-Nea in intau moraat tatua takin tompot inta pogirup-Nea, bo yoyangon-Nea wakutu in Sia mamangoi takin kamuliaan-Nea.

WAHYU 10:1

Bo akuoi in nokoontong kon tobatú malaekat ibanea inta moroton noponag nongkon soroga. Sia inoḻiungan in goḷom bo kinobandowan in aḻibobag. Pogotnea in naonda bo mata in singgai, sioḷnea in naonda bo oigi tuḷu.

WAHYU 17:1

Onda intua tobatú malaekat nongkon malaekat pitu inta nokadai kon palo pitu tatua in namangoi kon inakó bo noguman, “Igai, bá popoontongku kon inimu in hukuman kon sundaḷ moḷoben, tuata in kotá moḷoben inta pinosindog kon bingkí in ongkag mita.

WAHYU 17:7

Dá malaekat tatua in noḻibó kon inakó nanaa, “Nongonu sin iko in moherangbí? Yo pogumankudon kon inimu onu inta noibuni kon bobay tatua bo onu inta noibuni kon mahaḷuk inta sinakoiannea tatua, mahaḷuk inta pitu in uḷu bo mopuḷú in tungoi.

WAHYU 21:23

Kotá tatua diá bidon paraḷu simbayagan mata in singgai ande buḷan, sin kamuliaan i Allah aindon nokosimbayag kon tua, bo ki Adí in Domba in nobaḻí togánea.