WAHYU 17:9 - Alkitab Singog In Mongondow Masa In Tanaa

⁹ Kon soaḷ mita nanaa paraḷu oyúon in hikmat bo pongortian. Uḷu pitu tatua, mangaḻenea in buḷud pitu; buḷud mita inta iḻitúan in bobay tatua. Bo uḷu pitu tatua mangaḻenea in datu pitu:

WAHYU 17:9 ပူးပေါင်းရင်းမြစ်များ

DANIEL 12:4

Bo guman in malaekat tatua bui kon inakó, “Daniel, taḷobaidon in buk tatua in tanaa, bo kompitaidon in meterai sinbá umuran moitaḷob mako modapot kon singgai tumi. Mobayong in intau in monungkuḷ monaridi kon onu inta koyogot mobaḻí. Táe diábí in mangaḻe in inta iḷongasi monia.”

HOSEA 14:9

Intau in Israel in moḷumbúbí kon patong mita berhalanea; mosia in ḷukadan-Kubí bo tubagan-Ku in sambayangnea. Naonda bo pangkoi in kayu inta umuran mobarong in daunnea, Oḻiungan-Kubí in mosia. Akuoibí in pangkoi in bayongan barakat monia. Akuoi, ki Tuhan, ain nosingog.”

MATIUS 13:11

Ki Yesus notubag, “Moiko aindon inogoian in totabi monotaau kon rahasia kon naonda in ki Allah momarenta, táe mosia tua in diábí.

MATIUS 24:15

“Moiko in mokoontongbí kon ‘aid moraat inta mokorimumud’, ná inta pinoguman i Nabi Daniel, simindog kon tampat motusi. (Paraḷu indoian in intau mita inta mobaca: tarukira totok in mangaḻenea!)

WAHYU 13:1

Onda intua akuoi in nokoontong kon tobatú mahaḷuk inta iḷumuai nongkon bonu in dagat, mopuḷú in tungoinea bo pitu in uḷunea. Pomuḷoi in tungoi oyúon in mahkota, bo pomuḷoi in uḷu pinaisan tangoi mita inta pohojat kon i Allah.

WAHYU 13:18

Kon soaḷ nanaa paraḷubí totok in hikmat. Intau inta mobijaksana motaaubí mogiap kon mangaḻe angka in mahaḷuk tatua, sin angka tatua in tangoibí in intau. Naa in angka tatua 666.

WAHYU 17:18

Bobay inta inontongmu tatua in kotábí moḷoben, inta nomarenta kon datu mita kon dunia naa.”

WAHYU 17:3

Bo akuoi in kinawasaan in Roho i Allah bo dinia in malaekat tatua kon padang gurun. Kon tua akuoi in nokoontong kon tobatú bobay inta iḻimitú kon tudu in tobatú mahaḷuk inta nopars in batangannea. Mahaḷuk tatua nopuḻing in pais inta pohojat kon i Allah. Pitu in uḷu in mahaḷuk tatua bo mopuḷú in tungoinea.

WAHYU 17:7

Dá malaekat tatua in noḻibó kon inakó nanaa, “Nongonu sin iko in moherangbí? Yo pogumankudon kon inimu onu inta noibuni kon bobay tatua bo onu inta noibuni kon mahaḷuk inta sinakoiannea tatua, mahaḷuk inta pitu in uḷu bo mopuḷú in tungoi.