WAHYU 17:18 - Alkitab Singog In Mongondow Masa In Tanaa

¹⁸ Bobay inta inontongmu tatua in kotábí moḷoben, inta nomarenta kon datu mita kon dunia naa.”

WAHYU 17:18 ပူးပေါင်းရင်းမြစ်များ

DANIEL 7:23

Naa in insilang inta nouḻíku, “Mahaḷuk inta inggopatnea tatua in dodatuan inta inggopatnea inta simindog kon butá bo noyoposi in dodatuan mita ibanea. Dodatuan tatua in morimumud bo mokaan kon bayongan in dunia naa bo moyuntai kon kiagatnea.

LUKAS 2:1

Kon wakutu intua ki Kaisar Agustus nomarenta nokipais in tangoi in bayongan intau kon dodatuan in Rum.

WAHYU 11:8

Bo mayat monia moitongkob mako kon daḷan moḷoben kon kotá moḷoben, kon kotá inta pinopopakúan kon i Tuhan monia. Tangoi in kotá tatua aka secara rohani yo Sodom andeka Mesir.

WAHYU 12:4

Iputnea pinomorotnea, sahingga sepertiga in tundi nongototak kon butá. Naga tatua in simindog mako kon tayowon in bobay inta koyogot mononggadí tatua; sin monomayá moḻiom kon adí tatua aka pononggadídon i inánea.

WAHYU 16:19

Kotá inta moḷoben tatua nobotak nosilai toḷu nosilai, bo norimumudon doman kotá mita in bayongan negara kon dunia inta diá nonotaau kon i Allah. Bo kinotoropandon i Allah in Babel, kotá inta moḷoben tua. Bo pinoinumdon i Allah in anggur nongkon palo anggur i Allah – tuata anggur torú-Nea inta moḷoben totok.

WAHYU 18:2

Nanaa in pinobaḷúnea: “Ain noḷabú! Babel kotá moḷoben tua ain noḷabú! Tanaa sia in nobaḻídon tampat in dimbuḷó bo dimukud mita moraat. Bo kon bonunea in nobiagdon norupa-rupamai in ḷagapan inta nonajis bo inta kinodoí in intau.