WAHYU 17:16 - Alkitab Singog In Mongondow Masa In Tanaa

¹⁶ Tungoi mopuḷú bo mahaḷuk inta inontongmu tua, moyaatbí in ginanea kon sundaḷ tatua. Daitonbí agowon monia in bayongan kapunyaannea, bo pilangan monia. Kaanonbí monia in tapúnea bo payongon monia in tuḷu.

WAHYU 17:16 ပူးပေါင်းရင်းမြစ်များ

AYUB 31:31

Intau mita inta nogaid kon inakó nonotaaubí, kon ki inekabí tarimaankubí kon baḷoiku.

MAZMUR 27:2

Aka akuoi tubuon in intau moraat inta moibog moḻimod kon inakó, yo mosiabí in moipintud bo moḷabú.

DANIEL 7:5

Mahaḷuk inta nogindua batangannea in naonda bo beruang. Sia in sinimindog kon sioḷnea tumi, bo notangaḷ kon tuḷan gutuk toḷu. Dinongogku in singog in noguman kon inia, “Yo, kaandon in ponoyá kinooibogmubí!”

IMAMAT 21:9

Aka ki adí bobay in imang mobaḻí sundaḷ, yo sia tua in mopoompámaidon kon i amánea bo musti turubon dapot in matoi.

WAHYU 12:3

Bo inontong domandon in tanda mokoherang ibanea kon ḷangit. Oyúon tobatú naga nopura inta totok moḷoben, pitu in uḷunea bo mopuḷú in tungoinea. Pomuḷoi in uḷu pinakéan in mahkota.

WAHYU 16:12

Onda intua malaekat inggonomnea in nopobutak doman bonu in palonea kon Ongkag Eprat inta moḷoben tatua. Dá ongkag tatua in noingkagdon sahingga datu mita nongkon timur mayádon mongintua.

WAHYU 17:10

ḻima nongkon sigad monia tua ain noḷabú, tobatú in nomarentapa, bo tobatú doman in diápa namangoi. Aka sia in mamangoi, yo momarentapa motoyong in sia.

WAHYU 18:19

Dá mosia in nopoinggú in ḷobud saḷaku tanda nobaḷu. Bo mosia in nongombaḷ poḷat nogamui, “Adodoia kaasí in kobobogat in bodito in kotá moḷoben tanaa! Kaoyúonannea ain nokopobaḻí kon bayongan intau inta kokapaḷ in dagat nobiag doman nooyúon! Táe tongá kon bonu i wakutu tojam sia in kinobuḻiandon in bayongan yagi-yagi!”

WAHYU 18:8

Popisí in soaḷ tatuata, dá kon bonu in tosinggai tua sia koantugan in bodito – takit, kuyang in gina, bo malarat in kaanon. Bo sia in pokakon in tuḷu. Sin mokawasabí in ki Tuhan Allah inta mohakim kon inia tua.”

WAHYU 19:18

Koḻigai mokaan kon tapú in datu mita, tapú in bayongan itoi in tontara bo tapú in bayongan intau inta minatoi noparang. Koḻigai mokaan kon tapú in intau mita inta tumotakoi kon kabaḷo, tapú in kabaḷonea mita bo tapú in bayongan intau, guyanga, mongoadí, ata andeka intau nobebas!”