WAHYU 17:15 - Alkitab Singog In Mongondow Masa In Tanaa

¹⁵ Malaekat tatua in noguman doman, “Tubig inta inontongmu tatua, tampat inta iḻitúan in sundaḷ tatua, tuata in bangusa mita, rayat mita, negara mita bo bahasa mita.

WAHYU 17:15 ပူးပေါင်းရင်းမြစ်များ

MAZMUR 18:4

Akuoi in nokuani kon i Tuhan inta patus dayowon, Sia in noposaḷamat kon inakó nongkon musungku mita.

MAZMUR 65:7

Pinongin ropot-Mu pinosindog-Mu in buḷud mita, sin mopoontong in kawasa-Mu inta motorindog.

YEREMIA 47:2

Ki Tuhan in noguman, “Indoiai, tubig in moiḻig nongkon utuan bo moiḻebet naonda bo ongkag inta koyogot in modunuk nondangat kon butá bo tombonunea, kotá mita takin intau inta nogutun kon bonunea. Intau in momaḷúbí mokituḷung bo bayongan in rayat mogayow.

YEREMIA 51:13

Butá tatua in nooyúon totok bo nobarong in ongkagnea, táe wakutu in kobiagannea in nodaitdon; imbuit in kobiagannea noidapotdon.

YEREMIA 51:42

Tubig kon dagat moiḻebet modapot in Babel; bokoḷnea mita mondoḷudut moyompat kon butá tatua.

YEREMIA 51:55

Akuoi in koyogotdon morimumud kon Babel bo mopogogai in singog mita in rame monia. Musung in mamangoi naonda bo bokoḷ inta modoḷudut, bo tontaranea in monubu takin kokow mita in parang.

YEHEZKIEL 31:4

Nobiag in sia sin tubignea in tugat. Ongkag kon bonu in butá mobogoi in kaanon kon inia, momutak kon bayongan in uakatnea, bo momuntad kon pangkoinea mita ibanea.

WAHYU 10:11

Onda intua akuoi in pinarentaan, “Sinbá buipa mopoyaput magí-mako in habar i Allah soaḷ bangusa mita, negara mita, bahasa mita bo datu mita.”

WAHYU 11:9

Intau mita nongkon bayongan negara, suku, bahasa bo bangusa in mokoontong kon mayat monia kon bonu in toḷu nosinggai kapin, bo diábí ogoi in intau mita tatua ḷobongon in mayat monia tua.

WAHYU 17:1

Onda intua tobatú malaekat nongkon malaekat pitu inta nokadai kon palo pitu tatua in namangoi kon inakó bo noguman, “Igai, bá popoontongku kon inimu in hukuman kon sundaḷ moḷoben, tuata in kotá moḷoben inta pinosindog kon bingkí in ongkag mita.

WAHYU 5:9

Mosia nopodondong in tobatú dondong mobagu, nanaa: “Iko in patus mogamá kon buk tatua bo moḷosi kon meterainea mita. Sin Iko ain iḻimod, bo dugú-Mu tatua, in pinoguboḻi-Mu kon intau nongkon bayongan suku, bahasa, negara bo bangusa sin ogoi kon i Allah.