WAHYU 17:14 - Alkitab Singog In Mongondow Masa In Tanaa

¹⁴ Mosia in noyopakat kon moparang kon i Adí in Domba tatua. Táe ki Adí in domba tatua takin dumodudui-Nea mita inta mosatia bo inta ain inoiní bo piniḻí-Nea tatua in monaḷow kon datu mita tatua, sin Siata in Tuang in bayongan tuang, bo Datu in bayongan datu.”

WAHYU 17:14 ပူးပေါင်းရင်းမြစ်များ

MAZMUR 110:5

Ki Tuhan in kon dotá in koḷananmu, aka Sia bo tumorú yo datu mita in taḷowon-Neabí.

YEREMIA 1:15

Akuoi in mopotabá kon bayongan in bangusa kon dotá in utuan mamangoi mongawasa kon Yerusalem. Dinding mita in kotá tanaa takin ḷoḻingkop in bonawangnea bo bayongan in kotá kon Yohuda in agowonbí monia.

YEREMIA 50:44

Naonda bo singa inta noitukat nongkon kayuon noromon kon diug in Ongkag in Yordan bo namangoi in rawang popokaanan in domba, natuata in Akuoi, ki Tuhan, in mamangoi bo mopobaḻí kon intau in Babel daḻí moḷagui nongkon kotá monia. Bo Akuoi in momiḻí kon itoi tobatú sin momarenta kon bangusa tatua. Ki ine in motaau popotongkaian kon i-Nakó? Ki ine in mokobaḻí mopelekara takin-Ku? Oyúon degá in itoi in mokoḷawang kon i-Nakó?

DANIEL 2:44

Kon sempo in pomarentaan in datu mita tatua, ki Allah kon soroga in moposindog in dodatuan tobatú inta umuran moisindog modapot in mononoi bo inta diábí kotaḷowan in bangusa taondaka. Dodatuan tatua in morimumud bo mopoyobauk in bayongan dodatuan ibanea tatua.

DANIEL 2:47

Ki Datu in noguman, “Totuu, Daniel, ki Allahmu tua in moḷobe-ḷobenbí kon bayongan in allah. Sia in nongawasa kon bayongan in datu, bo nopotaau in bayongan inta noibuni. Kinotaauanku intua sin iko in nokomampudon noginsilang kon mangaḻe in inta noibuni tanaa.”

DANIEL 7:21

Kon dodai in sinaridikumai, tungoi tatua in moparang monayow kon umat i Allah bo nonaḷow kon i monia.

ZAKHARIA 2:8

Ki ine in monubu kon i monimu, in monububí kon batoḷ in dodob-Ku.” Dá Ki Tuhan Inta Totok in mokawasa in nopotabá kon inakó mopotaau in koyow tanaa kon bangusa mita inta ain nogagow kon umat-Nea,

MATIUS 22:14

Bo pangabisannea ki Yesus in noguman, “Nobarong in inoiní, táe noyakag in piniḻí.”

MATIUS 25:40

Datu tatua in motubag kon i monia, ‘Bá poguman-Kudon kon i monimu: onu inta aindon inaidan monimu kon i utat-Ku mita inta totok in bogá tanaa, yo tua in notongkaibí in pinogaid monimu kon i-Nakó!’

MATIUS 28:18

Dá ki Yesus in dinimiug kon i monia bo noguman, “Akuoi in inogoiandon in bayongan kawasa kon soroga bo kon dunia.

YOHANES 15:16

Deemanbí moiko in nomiḻí kon i-Nakó. Akuoibí in nomiḻí kon i monimu, bo nopotabá kon i monimu mayá sinbá modiamai kon bungai mobayong, bungai mita inta diá moyopú. Dá ogoibí i Amá in onukabí inigum monimu inta pinodoyon kon tangoi-Ku.

SURAT I PAULUS KON JAMAAT RUM 1:6

Imakusud in singog bayongan in intau tua in moikobí doman. Moiko in inoiní domandon sin mobaḻí umat i Yesus Kristus.

SURAT I PAULUS KON JAMAAT RUM 8:30

Natuadon in pinogogoiní i Allah kon i monia inta aindon sinantú-Nea muna. Mosia inta inoiní-Nea tua, inogoi-Nea mopopiaan bui takin-Nea. Mosia inta sinarima-Nea mopopiaan bui takin i Allah, nogamá kon silai kon bonu in kobiagan i Allah tontaní.

SURAT I PAULUS KON JAMAAT RUM 8:37

Táe! Kon bayongan tua mokouḻí in kita kon kauntungan inta mosompurna nongkon i-Nia inta motabi kon i naton!

KORINTUS 1 15:24

Onda intua mokiamatdon. Kon wakutu intua potungkudon i Kristus in bayongan inta nomarenta, bayongan kawasa, bo bayongan in ropot; bodongka Sia in moposarakan in kawasa-Nea saḷaku Datu, kon i Allah, ki Amá naton.

ULANGAN 10:17

Ki Tuhan Allahmu noiḻimonik kon bayongan in ilah bo noiḻiu kon bayongan in kawasa. Sia in Allah inta moḷoben bo mokawasa inta musti duduian. Sia in doíbí tongá momiḻí bo doí doman Sia uboḻian.

TIMOTIUS 1 6:15

Ki Allahbí tontaní in nonantú kon singgai koangoian-Nea. Sin tongábí Sia in mongongawasa kon dunia naa. Moḷantud totok in Sia, Sia Datu in bayongan datu, bo Tuhan in bayongan Tuang.

TIMOTIUS 2 2:4

Tobatú prajurit inta koyogot in moparang diá bidon morai kon kopontingannea tontaní, sin moibog in sia moposanang in gina i tuangnea.

PETRUS 1 2:9

Táe moiko nion in bangusa inta kinopiḻían, imang mita inta mobantung kon datu, bangusa inta mokudus, umat inta kapunyaan i Allah. Ain piniḻí bo inoiní i Allah in moiko iḷumuai nongkon sindip bo mayá tumuot kon bayag-Nea inta momulia, takin makusud bá moiko in mopotaa-taau mako in habar in bayongan inta pinomia i Allah inta diá in poḻiuan tua.

WAHYU 1:5

bo nongkon i Yesus Kristus, sakusi inta mosatia. Sia tua inta muna-munamai totok biniag bui nongkon kinopatoian bo Sia doman in nongawasa kon bayongan datu kon dunia naa. Ki Yesus in motabi kon i naton, tuamai Sia in noibog minatoi sin momilat kon i naton nongkon kawasa in dosa mita naton,

WAHYU 11:7

Naonda in mosia mopaḷutdon mopotaau in habar monia, dá mahaḷuk inta iḷumuai nongkon irang in popatoi moḷawang kon i monia, poḷat monaḷow bodongka moḻimod kon i monia.

WAHYU 16:14

Mosia tua in dimukud mita moraat inta nogaid kon soaḷ mita inta mokoherang. Dimukud taya toḷu tatua in minayá kon bayongan datu kon dunia naa bo nosipun kon i monia sin moparang kon singgai inta moḷoben, Singgai i Allah Inta totok in Mokawasa.

WAHYU 2:10

Dikabí moondok kon yoyiga inta diádon moonggot in musti korasaan monimu. Pokotorop, oyúon in tongonumai intau kon sigad monimu in potuoton Ibilis kon bonu in ponjara sin mosoba kon i monimu. Moiko in mokorasa kon yoyiga kon bonu in mopuḷú nosinggai. Táe kotoinduduibí tantú in moiko kon i-Nakó modapot in matoi, dá moiko ogoian-Ku in kobiagan mononoi saḷaku tombuinag sin nountungdon.

WAHYU 2:13

Kinotaauan-Kubí in pinogutunan monimu. Moiko in nogutun kon tampat inta pinomarentaan in Ibilis, táe moiko in motoinduduibí kon i-Nakó. Sedang bo wakutu in ki Antipas, sakusi-Ku inta motoindudui tua iḻimod kon tayowonmu kon tampat poyoyosipunan in Ibilis, yo moiko in umuranbí doman nongaku saḷaku intau mita inta mopirisaya kon i-Nakó.

WAHYU 3:21

Mosia inta mountung, ogoi-Ku ḻimitú takin-Ku kon tampat pomomarentaan-Ku, notongkai doman ná Akuoi inta ain nountung bo tanaa mako in iḻimitú noyotakin i Amá-Ku kon tampat pomomarentaan-Nea.