WAHYU 16:4 - Alkitab Singog In Mongondow Masa In Tanaa

⁴ Noiduduimai kon tua, malaekat intoḷunea nopobutak domandon bonu in palonea kon ongkag mita bo kon bayongan in bokaká dá nobaḻídon dugú in bayongan tubig tatua.

WAHYU 16:4 ပူးပေါင်းရင်းမြစ်များ

MAZMUR 78:44

Ongkag mita monia binaḻí-Nea dugú, dá diá motaau in mosia monginum kon tubignea.

IḶUAIAN 8:5

Ki Tuhan noguman kon i Musa, “Potabádon in ki Harun motonggó kon tungkudnea kon tombutungmai in ongkag mita, got mita bo tabang mita sinbá tumpaḷak mita tatua moitukatdon mita bo mopuḻingdon butá in Mesir.”

YESAYA 50:2

Nongonu sin nongkon umat-Ku diábí tobatúmai in intau in notubag, kon tungkuḷ in Akuoi namangoi nogoiní kon i monia? Degá mosia in tongá kibio-biómai sin kai monia kamai Akuoi in diá mokopoḷuat bo moposaḷamat kon i monia? Totuubí, podudui in parenta-Ku dagat nobaḻí noingkag, ongkag mita binaḻí-Ku padang gurun, nodapot in toyá mita minatoi bo nobódon in ḷandig.

YEHEZKIEL 35:8

Buḷud mita in bumbunan-Kubí in mayatmu mita, tombuḷud bo ḷopá in puḻingan-Kubí in intau mita inta minatoi kon parang.

HOSEA 13:15

Umpakabí Israel motomoman naonda bo bonok inta noḷumbá, táe Akuoi in mopoangoibí in tompot in pomukaan inta mopatú nongkon padang gurun. Tompot tatua in mogingkag kon bayongan in bokaká bo ḻimbuong mita, dá moinggamádon in bayongan inta koboḻi.

WAHYU 11:6

Oyúon in kawasa monia mogoḻingoi kon ḷangit sinbá diápa monguyan kon dodai in mosia mopotaau in Habar nongkon i Allah. Mosia inogoian doman in kawasa mongawasa kon bayongan bokaká sinbá mosia in motaau momaḷui kon tubig mobaḻí dugú; bo oyúon doman in kawasa monia mosambok kon butá naa takin mopoḷabú in bayongan inta mokororiga, toonukabí in koibog monia.

WAHYU 14:7

Malaekat tatua in nomaḷú noropot totok, nanaa: “Koondokdon kon i Allah, bo pomuliadon in Sia! Sin naadon in wakutu i Allah mohakim kon dunia. Sumbadon in Sia inta ain nomia kon ḷangit, butá dagat bo bayongan in bokaká!”

WAHYU 16:5

Bo dinongogku in malaekat inta nongawasa kon tubig, noguman nanaa, “Hukuman inta pinoḷabú-Mu tua in moadil, oo Allah Inta Totok in Motusi, Allah inta oyúon bo inta aindon oyúon!