WAHYU 16:17 - Alkitab Singog In Mongondow Masa In Tanaa

¹⁷ Nopaḷut mako kon tua malaekat impitunea in nopobutak domandon in palonea kon baḷangon. Dá kinodongogandon in singog moropot nongkon tampat pomomarentaan kon baḷoi i Allah, inta noguman, “Ain nopaḷut!”

WAHYU 16:17 ပူးပေါင်းရင်းမြစ်များ

YOHANES 19:30

Ki Yesus in nonginsip kon anggur boil tatua bo noguman, “Ain nopaḷut!” Bo kinumuyungdon in Sia bo poḷat minatoi.

EPESUS 2:2

Wakutu intua moiko in dinumudui kon kabiasaan mita in dunia naa; tua in mangaḻenea moiko in dinumudui kon mongongawasa kon baḷangon, tuata in roho inta masai naa nongawasa kon gina in intau mita inta diá motoindudui kon i Allah.

EPESUS 6:12

Sin kita in moparang deemanbí moyogintayow in intau, táe moyogintayowbí in ropot in bayongan dimukud moraat inta nongawasa kon singgai moraat mita tanaa. Kita in monayow kon ropot in roho mita moraat inta nongawasa kon ḷangit.

WAHYU 11:15

Bo malaekat impitunea in nogirup kon torompetnea, dá kinodongogandon in singog mita inta mongoḷangon totok nongkon soroga noguman, “Kawasa momarenta kon dunia naa, masai naa kinadaiandon i Tuhan naton, bo i Datu mopoposaḷamat inta pinodandi-Nea. Sia bidon in momarenta modapot in mononoi!”

WAHYU 11:19

Dá nobukatdon in Baḷoi Allah kon soroga, bo kinoontongandon in Poti Dodandian kon bonunea. Bo nongilatdon moyo-moyodudui bo gonugur in gotup inta modowawá mako, takin doman ḻinug bo uyan eis inta totok morogot.

WAHYU 14:15

Onda intua, tobatú malaekat ibanea iḷumuai nongkon Baḷoi i Allah. Bo malaekat tatua in nomaḷú kon i-Nia inta iḻimitú kon tudu in goḷom tatua, kai-nia: “Pongaḷoikadon in sabit-Mu nion bo yangkitdon tanaa mako, sin wakutuneadon mokoyut in naa, noguyangdon in dunia naa, motaaudon ratabon!”

WAHYU 14:17

Noiduduimai kon tua akuoi in nokoontong doman bui kon tobatú malaekat ibanea inta iḷumuai nongkon Baḷoi i Allah kon soroga. Sia in nokadai doman kon sabit inta moḷanit.

WAHYU 16:1

Bo akuoi in nokodongog kon singog moḷoben nongkon bonu in Baḷoi Allah noguman kon malaekat pitu tatua, “bayádon bo pobutakdon bonu in palo in torú i Allah inta pitu tanion kon tudu in butá!”

WAHYU 21:6

Bo Sia in noguman, “Komintandon nobaḻí! Akuoi naa in ki Alpa bo ki Omega, ki Inta muna-munamai bo ki Inta tumi-tumimai, Akuoibí naa in ki Tuhan nongkon pinomangkoian nodapot in pangabisan. Intau inta moyogang in poinumon-Ku, bo tongábí ogoi pomorosen nongkon bokaká inta mobogoi in kobiagan.