WAHYU 16:15 - Alkitab Singog In Mongondow Masa In Tanaa

¹⁵ “Indongogaidon! Akuoi in mamangoi ná mononakow! Mosanangdon totok in intau inta umuran mobasadia bo inta umuran monarukiramai kon pakeangnea, simbá diá mopilang in sia in maya-mayá mako, bo koontongan intau moantó in dodiaannea!”

WAHYU 16:15 ပူးပေါင်းရင်းမြစ်များ

IḶUAIAN 32:25

Kinotaauandon i Musa kon pinomayádon mako i Harun natua in bangusa Israel naonda bo kabaḷo inta nokobuḻi nongkon ḷantung, dapot in mosia rebegonmai in musung mita monia.

YESAYA 47:3

Intau in mokoontongbí kon inimu momilang, singkuḻeon bo pokopooyáanmai Akuoi in totuubí kon motuḻí kon oaidmu, bo diábí in tobatúmai in taḻiban-Ku.”

YEHEZKIEL 16:37

Tuamai, bayongan inta nokoimontandon kinotabimu sipunon-Ku, pinomayá inta kinoibogmu andeka inta kinodoímu. Simindogbí in mosia ḻimibu kon inimu bo moḷongkut kon bayongan in pakeangmu, dá ontongondon monia komintan in awakmu inta nopilang.

HOSEA 2:3

Aka sia umuran sumundaḷ, yo ḷongkutan-Kubí in ḷambungnea sinbá mopilang in sia naonda bo kon singgai in sia pinononggadí. Baḻíon-Ku in sia naonda bo butá inta noingkag, dá matoi in rogang in sia.

HABAKUK 2:15

Kinutukdon in iko! Iko in moningkuḻe bo nokopooyámai kon topodiugmumai mita; binaḻímu in mosia moipape magí-mako naonda bo intau noḷoḷangu.

MATIUS 25:13

Bo pangabisannea ki Yesus in noguman, “Manangka intua umuran kiḷuka-ḷukadmai, sin diábí kotaauan monimu in singgai bo wakutunea.”

MATIUS 26:41

Umuran poḷukad bo posambayang sinbá moiko in diá mokorasa kon sobaan, sin kinotaauan-Ku bidon in moiko, moiko in moibogbí mogaid kon inta kinoibog i Allah, táe moiko in tongábí intau moyangkó.”

MARKUS 14:38

Sia in noguman doman kon i monia, “Umuran poḷukad bo posambayang sinbá diá kosobaan in moiko. Totuubí kon rohomu i moibogbí mogaid kon inta mobanar, táe diá mokosanggup in moiko sin tabiat in tapú naa moyangkó.”

LUKAS 21:36

Tuamai in umuran kiḷuka-ḷukadmai bo posambayang sinbá umuran moropot in moiko bo mokobaḻí simindog kon tayowon Adí Intau.”

OUMAN IN RASUL MITA 20:31

Tuamai umuran kiḷuka-ḷukadmai bo toropdon saḷaḷu kon akuoi in toḷu notaong, doḷom bo singgai in diábí dodai onda in nogogai nononggina kon i monimu komintan takin koomba-ombaḷ doman.

KORINTUS 2 5:3

Baḷoi tatua in awak naton inta nobagu.

TESALONIKA 1 5:4

Táe aka moiko yo deemanbí intau inta nobiag kon sindip, sahingga in singgai tatua diábí mokotaḻikokog kon i monimu naonda bo koangoi in mononakow.

TESALONIKA 1 5:6

Tuamai kita in donaai tongá umuran mosiug mako ná intau mita ibanea, táe umuran koratakon in raian bo tantú kiḷuka-ḷukadmai.

PETRUS 1 4:7

Kopaḷutan in yagi-yagi motoyongdon. Tuamai ḷukadaidon kopira in awak monimu bo umuran mokopoonow kon raian sinbá moiko in motaau mosambayang.

PETRUS 2 3:10

Táe Singgai koangoian i Tuhan in diábí butungonmai, sin naondabí bo koangoi in mononakow. Kon singgai tatua ḷangit moyoyang takin gotup inta totok in mokoondok, bo onukadon in kon ḷangit modaitbí mopokak, natua doman in butá bo bayongan in tombonunea modait doman moinggamá.

WAHYU 22:7

“Tarukiradon in naa!” Guman i Yesus, “Akuoi in ḷagi bidon mamangoi. Koḷungangadon totok in intau inta umuran dinumudui kon singog mita inta pinotaau kon bonu in buk tanaa!”

WAHYU 3:11

Akuoi in ḷagibí mamangoi! Ḷukadai kopira in onu inta oyúondon kon i monimu, sinbá diá tobatúmai in intau in mokoagow kon tombuinag kinountungan monimu.

WAHYU 3:18

Tuamai naa in tonggina-Ku kon i monimu, potaḷui kon buḷawan kon i-Nakó, buḷawan taakan sinbá mobaḻídon mooyúon in moiko. Bo potaḷui doman kon ḷambung mobudó kon i-Nakó, sinbá mogiḷambungdon in moiko bo awak monimu inta nopilang bo mokooyá in kooḻingoiandon. Bo potaḷui domandon kon undam poḻepo kon mata sinbá mokoontongdon in moiko.