WAHYU 16:13 - Alkitab Singog In Mongondow Masa In Tanaa

¹³ Bo akuoi nokoontong kon dimukud moraat toḷu, inta naonda bo batangan in tumpaḷak. Tumpaḷak mita tatua iḻumuai nongkon bibig in naga, nongkon bibig in mahaḷuk bo nongkon bibig in intau inta mongaku nabi, táe deemanbí totuu nabi.

WAHYU 16:13 ပူးပေါင်းရင်းမြစ်များ

MAZMUR 105:30

Tumpaḷak maya-mayá mako kon butá monia, nodapot in sinumuot kon komaḻig i datu.

MAZMUR 78:45

Pinosikisa-Nea in mosia in ḷangow mobayong, bo nopomayá mako in butá monia pinoguyaat in tumpaḷak.

MATIUS 7:15

“Mokopoingatdon kon nabi mita inta diá totuu. Nabi inta mamangoi kon inimu naonda bo intau inta mongopia, táe sabanarnea mosia tua intau bí moromú.

WAHYU 16:14

Mosia tua in dimukud mita moraat inta nogaid kon soaḷ mita inta mokoherang. Dimukud taya toḷu tatua in minayá kon bayongan datu kon dunia naa bo nosipun kon i monia sin moparang kon singgai inta moḷoben, Singgai i Allah Inta totok in Mokawasa.

WAHYU 18:2

Nanaa in pinobaḷúnea: “Ain noḷabú! Babel kotá moḷoben tua ain noḷabú! Tanaa sia in nobaḻídon tampat in dimbuḷó bo dimukud mita moraat. Bo kon bonunea in nobiagdon norupa-rupamai in ḷagapan inta nonajis bo inta kinodoí in intau.

WAHYU 19:20

Mahaḷuk tatua in kinodomokan takin intau mita inta morongaku nabi táe deemanbí totuu nabi inta ain norogaid kon soaḷ mita inta mokoherang kon tayowon mahaḷuk tatua. (Takin aid mita monia inta mokoherang tatua, mosia nonguboḷ kon i monia inta ain notarima kon tanda in mahaḷuk tatua bo inta ain nosumba kon patongnea.) Bo mahaḷuk tatua takin intau mita inta deeman totuu nabi tumpaḷa pinogambat kon bonu in tuḷu moḷoben inta kodoko-dokot takin balerang.

WAHYU 20:10

Onda intua Ibilis inta nonguboḷ kon i monia tua, pinogambat kon yua-yuak in tuḷu bo balerang. Tua in tampat pinoḷumbúan kon mahaḷuk bo intau mita inta deeman totuu nabi, bo roriga monia tua in diábí mogoga-gogai doḷom bo singgai.