WAHYU 14:9 - Alkitab Singog In Mongondow Masa In Tanaa

⁹ Malaekat intoḷunea dinumudui doman kon malaekat taya dua tatua bo sindaḷan doman nopobaḷú noropot, nanaa, “Intau inta mosumba kon mahaḷuk tatua takin patongnea, bo oyúon tanda in mahaḷuk tatua kon pogot ande kon ḻimanea,

WAHYU 14:9 ပူးပေါင်းရင်းမြစ်များ

YEREMIA 44:4

Akuoi in tantúbí mopotabá mangoi in mogogundoi-Ku mita nabi mita, inta nogimaḷow kon i monia nogaid kon inta moraat inta kinodoí-Ku tua.

WAHYU 14:11

Poyok in tuḷu inta mopororiga kon i monia tua in umuran bidon moidamonik. Singgai doḷom diá goga-gogaian poposikisaan kon i monia inta nosumba kon mahaḷuk tatua bo patongnea bo inta ain sinon tandaan in tangoi mahaḷuk tatua.”

WAHYU 16:2

Malaekat inta muna in minayá bo nopobutak bonu in palonea tatua kon tudu in butá. Dá nomukádon in bituḷ mita inta mokoondok bo mokobahaya kon intau mita inta oyúon in tanda in mahaḷuk mita tatua bo kon intau mita inta nosumba kon patongnea.

WAHYU 7:3

Malaekat tatua in noguman: “Donaaipa momoguyaat kon butá andeka kon dagat, ande pangkoi mita in kayu aka diápa kinompitan nami in meterai in pogot mita in intau inta ain nogaid kon oaidan mita i Allah naton.”