WAHYU 14:6 - Alkitab Singog In Mongondow Masa In Tanaa

⁶ Noiduduimai kon tua akuoi in nokoontong kon tobatú malaekat ibanea inta iḷumayug noḷantud kon ḷangit. Malaekat tatua in nodia kon Habar Mopia inta mononoi sin poyaputon kon intau kon dunia naa bo kon bayongan bangusa, suku bahasa bo negara.

WAHYU 14:6 ပူးပေါင်းရင်းမြစ်များ

KINOBAḺIAN 1:6

Onda intua ki Allah in noguman, “Kobaḻídon tobatú botok kon sigad in tubig sinbá mosilai doyowa in tubig bo oyúon in moidimpot kon tampat inta noitontaní tua.” Bo soaḷ tatua nobaḻí domandon. Natuata in pinomomaḻí i Allah kon botok inta nopoyotondí in tubig inta kon ḻimonag in botok tatua nongkon tubig inta kon ḻimoniknea.

SAMUEL 2 23:5

Natua doman in buíku binarakatan i Allah, dodandian-Nea kon inakó, diá mobaḷui, dandi-Nea tatua in mononoi bo motompod, notoinut kon bayongan in yagi-yagi. Ki Allah in moḷukad kon kountunganku bo mobogoi kon bayongan inta kinoibogku.

MAZMUR 119:142

Kooadil-Mu in umuran mononoi, hukum-Mu in umuranbí mobanar.

MAZMUR 139:24

Indoiaika mongo oyúon in moraat kon bonu in awakku, bo diádon in akuoi kon daḷan inta mononoi.

MAZMUR 145:13

Pomarentaan-Mu in umuranbí mononoi, kawasa-Mu in mononoi modapot in adí bo ompu. Ki Tuhan in mosatiabí kon bayongan in dandi-Nea, Sia in nopuḻingbí in tabi kon bayongan in aid-Nea.

YESAYA 40:8

Bonok in moingkag bo bungang in moḷaḷow, táe tosingogon i Allah naton in mononoibí.”

YESAYA 45:17

Táe Israel in pinosaḷamat i Tuhan; kasaḷamatannea in motantúbí. Moiko in diábí pokopooyáanmai bo singkuḻeon modapot in mononoi.’ ”

YESAYA 51:6

Ḷangagaidon in ḷangit bo indoiai in butá; ḷangit in moinggamábí naonda bo poyok bo butá in mokoyonganbí naonda bo ḷambung noketek, bayongan in intau kon bonunea in matoi naonda bo yongit. Táe kasaḷamatan inta ogoi-Ku in umuranbí mononoi, bo kountungan-Ku in diábí in imbuitnea.

YESAYA 51:8

Mosia in moyopúbí bo mobuḻi naonda bo pakeang kinaan in anoi bo kaeng bubuḷ in domba kinaan in sisik. Táe kasaḷamatan inta inogoi-Ku in mononoibí, kountungan-Ku in umuranbí oyúon modapot in adí bo ompu.”

YESAYA 6:2

Koḻibu-Neamai sinimindog in mahaḷuk mita inta noyongkit naonda bo tuḷú, kon batúannea onom in koḻikipnea. Koḻikip doyowa nongoḷob kon pogot, doyowa doman in nongoḷob kon awaknea, bo koḻikip inta doyowa in pinaké iḷumayug.

YEHEZKIEL 1:14

Mahaḷuk mita tatua tontaní in mayá magí-mako ná koḻikat in kilat.

DANIEL 4:1

Naadon in palakat i Datu Nebukadnezar inta pinoki dianea kon intau mita nongkon bayongan in bangusa, inanakan bo singog kon sinangkub in dunia: “Salam kobiagan motompia!

DANIEL 9:21

Koyogot in akuoi nosambayang, ki Gabriel inta ain inontongku inta kon ontongonku inta muna, iḷumayug mangoi kon inakó. Tungkuḷ intua wakutudon in intau moposumba in kuruban muḷoi in ḷoḷabungnea.

MATIUS 10:27

Onu inta pinoguman-Ku kon i monimu kon dodai in doḷom musti buion monimu poguman dodai in singgai mobayagdon, bo onu inta pinogombong kon bongoḷanmu, yo popotaaudon kon bayongan in intau!

MARKUS 16:15

Guman i Yesus kon i monia, “Bayádon in bayongan dunia naa bo potaaudon in Habar Mopia nongkon i Allah kon bayongan intau.

SURAT I PAULUS KON JAMAAT RUM 16:25

Dinayo-dayowdon in ki Allah! Sia in mongawasa moginrigon kon pirisaya monimu podudui in Habar Mopia nongkon i Allah inta pinotaauku soaḷ ki Yesus Kristus. Habar inta pinotaauku tua in notongkai in onu inta pinoontong i Allah kon inakó; tuata in soaḷ tomayá i Allah inta noonggotdon totok in kinotaauan intau.

KOLOSE 1:23

Manangka intua, moiko in musti umuran mosatia in mopirisaya bo umuran doman kumadai mokoporopot kon onu inta ain pinirisaya monimu. Dika modapot in ukatan monimu harapan inta ain inogoi kon i monimu wakutu in moiko notarimadon kon Habar Mopia nongkon i Allah. Habar Mopia tatua ain pinotaau kon bayongan intau kon dunia naa. Bo popisíbí in tuata, akuoi ki Paulus in nobaḻí mogogaid kon oaidan i Allah.

TESALONIKA 2 2:16

Poigumon mako ki Yesus Kristus Tuhan naton bo ki Allah ki Amá naton in umuran mopoonow bo moginrigon kon gina monimu, sinbá motaau in moiko mogaid bo mopohabar kon onu inta mopia. Motabibí in ki Allah kon i naton, bo lantaran Sia in mopia dá pinomia-Nea in kita umuran mosabar bo moharap mako kon inta mopia.

IBRANI 13:20

Ki Allah in nomiagdon bui kon i Yesus Kristus Tuhan naton nongkon kinopatoian-Nea. Popisíbí in popatoi-Nea tatua, dá masai naa Sia in nobaḻídon Gombala Momulia kon i naton inta domba-Nea mita. Kinopatoian-Nea tatua in noposah bidon kon dodandian mononoi inta inaidan i Allah takin inaton.

PETRUS 1 1:25

táe pirman i Tuhan in mononoibí.” Pirman tatua in Habar Mopia inta ain pinotaau kon inimu.

WAHYU 10:11

Onda intua akuoi in pinarentaan, “Sinbá buipa mopoyaput magí-mako in habar i Allah soaḷ bangusa mita, negara mita, bahasa mita bo datu mita.”

WAHYU 10:7

Táe aka malaekat impitunea in mogirupdon kon torompetnea, yo aidandon i Allah in tomayá inta binuni-Nea, ná inta ain pinotaau muna kon intau mita inta nogaid kon oaidan-Nea bo kon nabi mita.”

WAHYU 13:7

Sia inogoianpa doman in wakutu moḷawang kon umat i Allah takin monaḷow kon i monia. Bo inogoian doman in kasampatan mongawasa kon bayongan suku, umat, bahasa bo bangusa.

WAHYU 3:10

Lantaran moiko ain dinumudui kon parenta-Ku kon bá umuran mosabar mogoḷat mako kon i-Nakó. Dá umuran-Ku doman ḷukadan mako in moiko nongkon kasusahan inta moiantug kon dunia naa. Soaḷ tatua in mobaḻíbí sin monungkuḷ kon bayongan in intau kon dunia naa.

WAHYU 5:9

Mosia nopodondong in tobatú dondong mobagu, nanaa: “Iko in patus mogamá kon buk tatua bo moḷosi kon meterainea mita. Sin Iko ain iḻimod, bo dugú-Mu tatua, in pinoguboḻi-Mu kon intau nongkon bayongan suku, bahasa, negara bo bangusa sin ogoi kon i Allah.

WAHYU 8:13

Bo akuoi in nokoontong bo nokodongog kon ḷagapan boniá tobatú inta iḷumayug noḷantud nomaḷú nanaa: “Mobodito! Mobodito! Moboditodon in bayongan intau kon dunia naa aka mokodongogdon kon malaekat taya toḷu ibanea in mogirup kon torompetnea!”