WAHYU 14:5 - Alkitab Singog In Mongondow Masa In Tanaa

⁵ Mosia in diábí dodai onda in monguboḷ; bo diábí doman in mokotor kon i monia.

WAHYU 14:5 ပူးပေါင်းရင်းမြစ်များ

MAZMUR 32:2

Pia in kamang in intau inta aidnea moraat diádon irekengmai i Tuhan, bo inta doí mongakaḷ.

MAZMUR 34:13

Moibog degá in moiko moumur in kobiagan bo motarima kon inta mopia?

MAZMUR 55:11

Singgai doḷom moḻibuan in mosia, mogaid kon inta moraat bo mopomuká in inta mokotombauk.

AMSAL 8:8

Tosingogonku mita in mongotuḻidbí mita, diábí tobatúmai in moibaya-bayá mako andeka noitaḷá.

DONDONG MOḶANTUD 4:7

Totuubí moḷunat in iko, batoḷ in dodobku, diábí in bogit kon inimu.

YESAYA 53:9

Sia in iḷobong noyotakin in intau moraat; pinoḷobongan kon inia in kon yua-yuak in intau nooyúon, umpaka diá kon dodai in onda in sia in nogaid kon inta moraat, bo diá kon dodai in onda in nonguboḷ.”

DANIEL 6:4

Bo noniata magí oaidan i Daniel in mopia-pia nongkon pogogaid in gubernur mita bo pongawas mita ibanea. Tuamai in ibogon i datu sia duíon mobaḻí pongawasa kon sinangkub in dodatuan.

HOSEA 10:2

Intau mita inta ginanea motombogá tatua, tanaa in musti mobaba kon bungai in dosanea. Ki Allah in morimumudbí kon mezbah monia, bo mogumpag kon tugu mita in berhala monia.

ZEPANYA 3:13

Intau in Israel inta kiagatnea, diá bidon mogaid bui kon inta moraat kon i inekabí; mosia in diá bidon monguboḷ bui bo diá bidon bui mongakaḷ. Mosia in mobiag bidon motomoman bo motompia, bo diá bidon angoian in ondok kon i inekadon.”

MALEAKHI 2:6

Mosia in motundú kon inta totuu, bo deemanbí inta noitaḷá. Mosia in mobiagbí modagin kon i-Nakó, bo takin gina motuḻid dumudui kon ibog-Ku. Mosia in motuḷung doman kon mobayong in intau sinbá diádon mogaid kon inta moraat.

MATIUS 12:34

Ei moiko buí inta moromú, naondabí in moiko motaau mosingog kon soaḷ mita inta mopia aka moiko tontaní in mogaid doman kon inta diá mopia? Sin onu siningog in bibig tuabí doman inta iḷumuai nongkon bonu in gina!

LUKAS 23:4

Dá ki Pilatus in nogumandon kon imang mita itoi bo intau mita inta kon tua, “Intau tanaa in diábí kinouḻíanku kon taḷá tobatúmai inta motaau baḻíonku dodoyonan pohukuman kon i-Nia.”

YOHANES 1:47

Inontong i Yesus in ki Natanael namangoi, dá ki Yesus in noguman nanaa soaḷ ki Natanael tua, “Indoiai, tua in intau in Israel motuḻid, diábí in uboḷ kon ginanea!”

EPESUS 5:27

Mangaḻenea kon tua, ki Kristus in noposadia in jamaat kinotompia kon tayowon i Allah, takin diá in gaatnea andeka inta motaau hojatan in intau ibanea.

KOLOSE 1:22

Táe tanaa, pinodoyon kon kinopatoian i Adí-Nea, sinompiadon bui i Allah in hubungan monimu takin-Nea. Natua in pinogogaid-Nea sinbá moiko in motaau diaan tumayow kon i Allah takin kaadaan mokudus, modarit bo diá in aid moraat.

IBRANI 9:14

Dá aka dugú bo ḷobud mokodarit kon onu inta nokotor kon intau mita tatua, yo bambíkabí dugú i Kristus! Pinongin Roho inta diá mato-matoi, ki Kristus ain noposumba in awak-Nea tontaní kon i Allah saḷaku kuruban inta nosompurna. Tuabí in nondarit kon gina naton nongkon upacara mita inta diá in baragunanea, sinbá kita umuran mosumba kon i Allah inta nobiag.

PETRUS 1 1:19

táe dugúbí inta totok in momahaḷ, tuata in dugú i Kristus inta pinodugú naonda bo dugú in ki adí in domba inta diá nobogit ande diá pinaḻi-paḻían. Sia pinokuruban kon i Allah.

PETRUS 1 2:22

Sia in diábí dodai onda in nogaid kon dosa, bo diábí doman tobatúmai intau nokodongog kon i-Nia nonguboḷ.

PETRUS 1 3:10

Kon bonu in Buk Motusi ain pinais nanaa, “Intau inta moibog moumur in kobiagan bo moibog doman mokorasa kon kobiagan mopia, yo mustibí ḷukadannea in bibig sinbá diá mongonguman kon inta mongoraat bo diá doman mongonguman kon inta diá totuu.

YUDAS 1:24

Ki Allah, inta mokosanggup moḷukad sinbá moiko diá moḷabú, bo inta mokosanggup modia kon i monimu mayá in tampat pomomarentaannea inta momulia takin gina mosanang bo modarit.