WAHYU 14:16 - Alkitab Singog In Mongondow Masa In Tanaa

¹⁶ Bo Sia inta iḻimitú kon tudu in goḷom tatua nopongaḷoi domandon in sabit-Nea kon dunia naa, bo sinoinutneadon bungai in dunia naa.

WAHYU 14:16 ပူးပေါင်းရင်းမြစ်များ

MATIUS 16:27

Diádon moonggot bo ki Adí Intau takin malaekat-Nea mita in mamangoi takin kawasa i Amá-Nea. Kon dodai intuata Sia motuḻidon kon pomuḷoi in intau podudui in oaidnea.

WAHYU 14:14

Noiduduimai kon tua, akuoi nokoontong kon tobatú goḷom mobudó. Kon tudu in goḷom tatua oyúon in tobatú intau iḻimitú naonda bo intau. Sia in nogi bandow in mahkota buḷawan bo kokada-kadai in sabit inta moḷanit.

WAHYU 14:15

Onda intua, tobatú malaekat ibanea iḷumuai nongkon Baḷoi i Allah. Bo malaekat tatua in nomaḷú kon i-Nia inta iḻimitú kon tudu in goḷom tatua, kai-nia: “Pongaḷoikadon in sabit-Mu nion bo yangkitdon tanaa mako, sin wakutuneadon mokoyut in naa, noguyangdon in dunia naa, motaaudon ratabon!”

WAHYU 14:17

Noiduduimai kon tua akuoi in nokoontong doman bui kon tobatú malaekat ibanea inta iḷumuai nongkon Baḷoi i Allah kon soroga. Sia in nokadai doman kon sabit inta moḷanit.

WAHYU 14:19

Dá malaekat tatua nopongaḷoi domandon in sabitnea kon dunia naa bo nonyabit kon bungai mita in anggur tatua bodongka pinogambatnea kon bonu in giḻingan moḷoben, tuata in giḻingan torú i Allah.