WAHYU 14:15 - Alkitab Singog In Mongondow Masa In Tanaa

¹⁵ Onda intua, tobatú malaekat ibanea iḷumuai nongkon Baḷoi i Allah. Bo malaekat tatua in nomaḷú kon i-Nia inta iḻimitú kon tudu in goḷom tatua, kai-nia: “Pongaḷoikadon in sabit-Mu nion bo yangkitdon tanaa mako, sin wakutuneadon mokoyut in naa, noguyangdon in dunia naa, motaaudon ratabon!”

WAHYU 14:15 ပူးပေါင်းရင်းမြစ်များ

KINOBAḺIAN 15:6

Ki Abram in nopirisaya kon i Tuhan, dá tuamai sia in sinarima i Tuhan nobaḻí intau inta mokosanang kon gina-Nea.

YESAYA 62:1

Podoyon kon Yerusalem Akuoi in mosingog, podoyon kon Sion Akuoi in diábí tongá kibio-biómai, modapot in sia posaḷamaton bo kountungannea in monindar naonda bo poḷombow kon tungkuḷ in doḷom.

YEREMIA 51:33

Diádon moonggot taḷowon in mosia bo ritakan in musung naonda bo gandum kon tampat poḷoḻidokan. Akuoi, ki Tuhan Inta Totok in mokawasa, Allah in Israel, ain nosingog.”

YOËL 3:13

Mosia in totuubí moraat; ratabdon in mosia naonda bo gandum inta ain noḷutú kon gobá. Runtaiaidon in mosia naonda bo anggur kon bonu in pomomugutan kon anggur inta nopuḻing modapot in moiḻimpó.

MATIUS 13:30

Pomayá mako in kobiagannea modapot in wakutu porataban. Sin kon wakutu in porataban pogumankudon kon intau mita inta mororatab: Tokosipundon muna in padang mita tatua bo bogot kon pangkoinea mita, sin tubáan. Onda intua sipundon in gandum mita, tatua kon ontagku.’ ”

MATIUS 13:39

Yo saturu inta noporarit in bibit in padang tatua, siata in Ibilis. Bo aka wakutu moratab, yo tua in Singgai Pangabisannea, bo inta mororatab mita tua in malaekat.

MATIUS 23:32

Dá duduiandon doman in oaid in mogoguyang monimu!

MARKUS 4:29

Bo aka bungai in gandum tatua moḷutúdon dá pangkoiandon yangkiton in intau tatua sin wakutuneadon monoḻisí kon bungainea.”

TESALONIKA 1 2:16

Modapot in mosia moramuji totok in moḷamboi kon inami mopoyaput in Habar Mopia kon intau mita inta deeman Yahudi, Habar Mopia inta mokosaḷamat kon i monia. Intau mita in Yahudi tatua, umuran mogaid kon inta diá mopia kinobobúbí monia. Pangabisannea hukumon i Allah in mosia!

WAHYU 11:19

Dá nobukatdon in Baḷoi Allah kon soroga, bo kinoontongandon in Poti Dodandian kon bonunea. Bo nongilatdon moyo-moyodudui bo gonugur in gotup inta modowawá mako, takin doman ḻinug bo uyan eis inta totok morogot.

WAHYU 13:12

Kon tayowon in mahaḷuk inta muna tatua, sia nopomaké in kawasa nea inta moḷoben inta nouḻínea doman nongkon mahaḷuk tatua. Bayongan in butá naa bo bayongan inta nogutun kon tudunea, pinakisanea mosumba kon mahaḷuk inta muna tatua, inta kekebnea mobogat ain nopia.

WAHYU 14:14

Noiduduimai kon tua, akuoi nokoontong kon tobatú goḷom mobudó. Kon tudu in goḷom tatua oyúon in tobatú intau iḻimitú naonda bo intau. Sia in nogi bandow in mahkota buḷawan bo kokada-kadai in sabit inta moḷanit.

WAHYU 14:16

Bo Sia inta iḻimitú kon tudu in goḷom tatua nopongaḷoi domandon in sabit-Nea kon dunia naa, bo sinoinutneadon bungai in dunia naa.

WAHYU 14:17

Noiduduimai kon tua akuoi in nokoontong doman bui kon tobatú malaekat ibanea inta iḷumuai nongkon Baḷoi i Allah kon soroga. Sia in nokadai doman kon sabit inta moḷanit.

WAHYU 14:18

Nopaḷut mako kon tua, tobatú malaekat ibanea, inta nongawasa kon tuḷu, namangoi nongkon meja pototuduan kon sosumba. Sia nomaḷú noropot kon malaekat inta nokadai kon sabit moḷanit tatua, “Pongaḷoidon in sabit-Mu nion bo sabitdon in bungai mita in anggur inta kon dunia sin nogurangdon mita in bungainea!”

WAHYU 15:6

Bo malaekat taya pitu takin roriga pitu tatua iḷumuai nongkon Baḷoi i Allah. Mosia in nogiḷambung in ḷambung nobudó inta moaḷus totok bo mopouḻi-uḻinag. Bo dodob monia pinakéan in sabuk inta pinomia nongkon buḷawan.

WAHYU 16:17

Nopaḷut mako kon tua malaekat impitunea in nopobutak domandon in palonea kon baḷangon. Dá kinodongogandon in singog moropot nongkon tampat pomomarentaan kon baḷoi i Allah, inta noguman, “Ain nopaḷut!”

WAHYU 6:10

Mosia in nomaḷú noropot in noguman, “O Tuhan inta totok in Mokawasa, inta mokudus bo inta mobanar! Naondapa degá in koonggotnea bo adilon-Mu in intau mita kon dunia naa, bo hukumon-Mu in mosia inta noḻimod kon inami?”