WAHYU 13:6 - Alkitab Singog In Mongondow Masa In Tanaa

⁶ Bo sia in mulaidon nohojat kon i Allah, bo kon tangoi i Allah, bo kon tampat doman pinogutunan i Allah, takin bayongan inta nogutun kon soroga.

WAHYU 13:6 ပူးပေါင်းရင်းမြစ်များ

AYUB 3:1

Bo nomangkoidon in ki Ayub nosingog bo nongutuk kon singgai pinononggadían kon inia, kainia,

MAZMUR 73:9

Mosia in mohojat kon i Allah kon soroga, bo mongambungangaḷ kon intau mita kon dunia,

DANIEL 11:36

Datu in butá in utuan in mogaidbí kinoibog in ginanea. Takin ḷumoḷatú sia in moguman kon sia in moḷobe-ḷoben nongkon dewa taondakabí, nodapotbí in moḷobe-ḷoben nongkon i Allah Inta Totok in Moḷantud. Sia in motaaubí in mogaid kon tua modapot in torú i Allah modait. Sin onu inta ain sinantú i Allah mustibí aidan muna.

DANIEL 7:25

Sia in mosingogbí monayow kon i Allah Inta Totok in moḷantud bo mondorot kon umat i Allah. Sia in moḷongasibí momaḷui kon hukum mita bo singgai mita moḷoben in agama in umat i Allah, bo mosia in kawasaanneabí kon bonu in toḷu bo tobotak in taong.

DANIEL 7:8

Koyogotpa in akuoi nonaridimai kon tungoinea mita, bo daḻídon in tungoi tobatú ibanea nobiag kon sigadnea. Tungoi tatua nointok, táe nokosisí bo norabut kon toḷu in tungoi inta muna nobiag tatua. Tungoi nointok tatua in oyúon matanea naonda bo mata in intau bo bibig inta nongonguman takin ambungangaḷ bo noḷoḷatú.

MATIUS 12:34

Ei moiko buí inta moromú, naondabí in moiko motaau mosingog kon soaḷ mita inta mopia aka moiko tontaní in mogaid doman kon inta diá mopia? Sin onu siningog in bibig tuabí doman inta iḷumuai nongkon bonu in gina!

MATIUS 15:19

Sin nongkon bonu in gina momuká in bayongan raian inta moraat, poḷoḻimod, pononuaḻing, pogogaid kon inta moromú pononakow, ibot inta diá totuu bo rebeg.

YOHANES 1:14

Pirman ain nobaḻí intau, Sia in nogutun kon sigad naton, bo kita ain nokoontong kon kamuliaan-Nea. Kamuliaan inta sinarima-Nea saḷaku Adí tuḷong i Amá. Pinongin i-Nia tua kita mokoontong kon i Allah bo tabi-Nea kon i naton.

SURAT I PAULUS KON JAMAAT RUM 3:13

Sigogow monia in naonda bo poḷoḷobonganan inta noibukat mako. Dilá monia in pinaké monia mosingog kon uboḷ, bo kuḻit in bibig monia in totok mobisa, naonda bo bisa in uḷag.

KOLOSE 1:19

Ibogbí i Allah tontaní in mopooyúon kon bayongan in yagi-yagi kon i-Nia, bo bayongan tua oyúon domandon kon i Adí-Nea.

KOLOSE 2:9

Sin bayongan in onu inta oyúon kon i Allah in tuadon komintan kon i Kristus, inta kon bonu in kaadaan-Nea saḷaku intau.

IBRANI 9:2

Kon ḷoḷaigan tatua in inaidan domandon in tobatú yuang inta sinangoian “Yuang Motusi.” Kon tua oyúon in tampat pototuduan kon togá, bo oyúon doman meja bo roti inta pinosumba kon i Allah.

IBRANI 9:24

Sin ki Kristus in diábí sinumuot kon Yuang Motusi inta pinomia in intau, inta nobaḻí lambang in yuang Motusi inta totokea. Ki Kristusbí tontaní in sinumuot kon soroga; tanaa Sia in minayá kon tayowon i Allah sin lantaran kopontingan naton.

WAHYU 11:12

Onda intua nabi doyowa tatua in nokodongogdon kon singog moropot inta nogoiní nongkon soroga, “Koḻigai onikdon in naa!” Bo koonto-ontongdon doman in saturu monia, mosia namonikdon in soroga kooḻi-oḻiung in goḷom.

WAHYU 12:12

Tuamai, koḷungangadon in gina iko soroga bo bayongan inta nogutun kon bonunea! Táe moboditodon in moiko butá bo dagat, sin Ibilis ain noponag kon i monimu takin sinumorú totok sin kinotaauanneadon kon motoyongdon totok in wakutunea.”

WAHYU 15:5

Onda intua inontongku in Baḷoi Tuhan kon soroga nobukat, bo ḷoḷaigan i Tuhan in kon bonunea.

WAHYU 18:20

Ei soroga, koḷungangadon kon kinorimumudan in kotá tatua! Ei umat i Allah, rasul mita, bo bayongan in nabi koḷungangadon in gina! Sin ki Allah ain nohukum kon inia saḷaku tontuḻí in aidnea kon i monimu!

WAHYU 21:3

Bo akuoi in nokodongog kon baḷú moropot nongkon tampat pomomarentaan tatua, noguman: “Indoiai! Tanaa mako tampat pogogutunan i Allah kon yua-yuakdon in intau! Sia in mobiagdon takin i monia, bo mosia in mobaḻídon umat-Nea. Bo ki Allah in mogutundon kon sigad monia bo mobaḻídon ki Allah monia.

WAHYU 4:1

Nopaḷut mako intua nanaa in bui inontongku. Inontongku in tobatú ḷoḻingkop nobukat kon soroga. Bo dinongogkudon bui in singog inta noguman kon inakó koina inta naonda bo singog in torompet. Singog tatua in noguman, “Poponikdon mangoi kon naa, bá popoontong-Kudon kon inimu onu in mobaḻí kon singgai moiduduimai.”

WAHYU 4:4

Noiḻibu kon tampat pomomarentaan tatua, oyúon doman doyowa nopuḷú bo opat in tampat pomomarentaan ibanea. Kon tampat mita tatua doyowa doman nopuḷú bo opat in itoi iḻimitú. Mosia in nogiḷambung nobudó bo nomaké in mahkota buḷawan.

WAHYU 5:13

Bo akuoi in nokodongog kon bayongan in mahaḷuk kon ḷangit, kon butá, kon ḻimonag in butá; kon bonu in dagat--singog mopoḷok mako bayongandon mahaḷuk kon dunia naa, nodondong nanaa, “Sia inta iḻimitú kon tampat pomomarentaan tatua bo ki Adí in Domba tatua, mosia tuata inta popoyaputan in bayongan dodayow, horomat, poḷantudon bo mokawasa modapot in mononoi!”

WAHYU 7:15

Manangka intua mosia in sinimindog kon tayowon pomomarentaan i Allah, bo moibada kon i-Nia doḷom bo singgai kon bonu in Baḷoi Allah. Bo Sia inta iḻimitú kon tudu in tampat pomomarentaan tatua in mamangoi kon yua-yuak monia bo mogoḻiung kon i monia.

WAHYU 7:9

Nopaḷut mako kon tua akuoi in nokoontongpa bui kon intau inta modamaḷ totok, diádon tobatúmai in intau in mokoiyap kon kobayongnea tua. Mosia tua in intau mita inta nongkon bayongan bangusa, suku, negara bo bahasa. Mosia in sinimindog kon tayowon in tampat pomomarentaan tatua bo kon tayowon i Adí in Domba. Mosia komintan nogiḷambung in jubah nobudó bo kokada-kadai doman tanga in kayu palem.