WAHYU 13:15 - Alkitab Singog In Mongondow Masa In Tanaa

¹⁵ Mahaḷuk tatua inogoian doman in kawasa mobogoi in nyawa kon patong tatua, sahingga in motaaudon mosingog in patong tatua bo moḻimod kon bayongan in intau inta doí mosumba kon inia.

WAHYU 13:15 ပူးပေါင်းရင်းမြစ်များ

KINOBAḺIAN 2:7

Onda intua ki Tuhan Allah in nogamá kon butá bodongka pinomia-Nea in tobatú intau, bodongka pinopoirupan in tompot inta mobogoi in kobiagan, pinopoirup kon bonu in ngiungnea; dá nobiagdon intau tatua.

MAZMUR 115:5

Mosia in kobibig, táe diábí mokosingog, komata táe diá mokoontong.

YEREMIA 10:14

Nokoontong kon tua komintan nosadardon in intau, kon sia tua in bodok bo diá kopomomangaḻe. Intau mita mononontaḷ kon buḷawan nooyádon, sin patong berhala inta pinomianea tua in uboḷbí bo diá konyawa.

YEREMIA 10:5

Patong mita berhala tatua in naonda bo intau yambá kon gobá in melong. Mosia in diábí mokosingog, diá mokoḷampang, bo musti buaton. Dika moondok kon i monia, sin mosia in diábí mokoaid kon inta moraat kon inimu; mogaid kon inta mopiapa yo diábí doman in mosia mokoaid.”

YEREMIA 51:17

Nokoontongmai kon tua komintan nosadardon in intau kon sia in bodok bo diá in pomomangaḻe. Mononontaḷ mita kon buḷawan kinobuḻian in pogot, sin patong berhala inta pinomianea tua in diá totuu bo diá in nyawa.

DANIEL 7:20

Ibogonku in kotaauanku doman in soaḷ tungoi mopuḷú kon uḷunea bo soaḷ tungoi nointok inta nomuká noiduduimai bodongka norabut kon tungoi toḷu inta nobiag muna tua. Tungoi nointok tatua in komata bo bibignea in mongonguman kon ambungangaḷ takin iḷumoḷatú. Sia in mokokoningkim totok noiḻiu kon tungoi mita ibanea tatua.

DANIEL 7:25

Sia in mosingogbí monayow kon i Allah Inta Totok in moḷantud bo mondorot kon umat i Allah. Sia in moḷongasibí momaḷui kon hukum mita bo singgai mita moḷoben in agama in umat i Allah, bo mosia in kawasaanneabí kon bonu in toḷu bo tobotak in taong.

YAKOBUS 2:26

Dá, ná awak inta diá in roho, awak tatua in minatoibí, natua doman in pirisaya inta diá takinan in oaid, tua in pirisayabí inta minatoi.

WAHYU 13:1

Onda intua akuoi in nokoontong kon tobatú mahaḷuk inta iḷumuai nongkon bonu in dagat, mopuḷú in tungoinea bo pitu in uḷunea. Pomuḷoi in tungoi oyúon in mahkota, bo pomuḷoi in uḷu pinaisan tangoi mita inta pohojat kon i Allah.

WAHYU 13:12

Kon tayowon in mahaḷuk inta muna tatua, sia nopomaké in kawasa nea inta moḷoben inta nouḻínea doman nongkon mahaḷuk tatua. Bayongan in butá naa bo bayongan inta nogutun kon tudunea, pinakisanea mosumba kon mahaḷuk inta muna tatua, inta kekebnea mobogat ain nopia.

WAHYU 13:14

Bo bayongan in intau inta nobiag kon dunia naa akaḷannea in aidnea inta pinomianea kon tayowon in mahaḷuk inta muna tatua. Mosia in pinoki aidannea in patong mahaḷuk inta ain kinekeban in pitow, táe umuranpa nobiag.

WAHYU 14:11

Poyok in tuḷu inta mopororiga kon i monia tua in umuran bidon moidamonik. Singgai doḷom diá goga-gogaian poposikisaan kon i monia inta nosumba kon mahaḷuk tatua bo patongnea bo inta ain sinon tandaan in tangoi mahaḷuk tatua.”

WAHYU 14:9

Malaekat intoḷunea dinumudui doman kon malaekat taya dua tatua bo sindaḷan doman nopobaḷú noropot, nanaa, “Intau inta mosumba kon mahaḷuk tatua takin patongnea, bo oyúon tanda in mahaḷuk tatua kon pogot ande kon ḻimanea,

WAHYU 16:2

Malaekat inta muna in minayá bo nopobutak bonu in palonea tatua kon tudu in butá. Dá nomukádon in bituḷ mita inta mokoondok bo mokobahaya kon intau mita inta oyúon in tanda in mahaḷuk mita tatua bo kon intau mita inta nosumba kon patongnea.

WAHYU 16:5

Bo dinongogku in malaekat inta nongawasa kon tubig, noguman nanaa, “Hukuman inta pinoḷabú-Mu tua in moadil, oo Allah Inta Totok in Motusi, Allah inta oyúon bo inta aindon oyúon!

WAHYU 17:14

Mosia in noyopakat kon moparang kon i Adí in Domba tatua. Táe ki Adí in domba tatua takin dumodudui-Nea mita inta mosatia bo inta ain inoiní bo piniḻí-Nea tatua in monaḷow kon datu mita tatua, sin Siata in Tuang in bayongan tuang, bo Datu in bayongan datu.”

WAHYU 17:17

Sin gina monia sinimbayagandon i Allah sinbá mogaid kon inta kinoibog-Nea. Sinobatúdon i Allah in mosia sinbá moyopakatdon moposarakan in kawasa monia kon mahaḷuk tatua, sinbá mahaḷuk tatua in momarenta modapot in mobaḻí onu inta pinoguman i Allah.

WAHYU 17:6

Bo inontongku in bobay tatua noḷoḷangu in dugú in umat mita i Allah bo dugú in intau mita inta nobaḻí sakusi mita i Yesus. Naonda inontongku in bobay mita tatua, noherangdon totok in akuoi.

WAHYU 18:20

Ei soroga, koḷungangadon kon kinorimumudan in kotá tatua! Ei umat i Allah, rasul mita, bo bayongan in nabi koḷungangadon in gina! Sin ki Allah ain nohukum kon inia saḷaku tontuḻí in aidnea kon i monimu!

WAHYU 18:24

Babel ihukum sin kon bonu in kotá tatua kinokadapatandon dugú in nabi mita, dugú in umat i Allah, singogon mako kopoḷokon dugú in bayongan intau inta ain iḻimod kon dunia naa.

WAHYU 19:20

Mahaḷuk tatua in kinodomokan takin intau mita inta morongaku nabi táe deemanbí totuu nabi inta ain norogaid kon soaḷ mita inta mokoherang kon tayowon mahaḷuk tatua. (Takin aid mita monia inta mokoherang tatua, mosia nonguboḷ kon i monia inta ain notarima kon tanda in mahaḷuk tatua bo inta ain nosumba kon patongnea.) Bo mahaḷuk tatua takin intau mita inta deeman totuu nabi tumpaḷa pinogambat kon bonu in tuḷu moḷoben inta kodoko-dokot takin balerang.

WAHYU 20:4

Bo akuoi in nokoontong kon ḷoḻitúan mita pomomarentaan tatua inogoian in kawasa monantú kon hukuman. Inontongku doman in dimukud in intau mita inta sinokoratá popisí in nopotaau in habar soaḷ ki Yesus, bo lantaran nopoyaput in koyow i Allah. Mosia tua in diábí nosumba kon mahaḷuk tatua andeka patongnea bo doí doman sinandaan kon pogot bo kon ḻima monia; dá mosia in nobiag bui bo nomarenta saḷaku datu moyotakin i Kristus toribu notaong in koonggotnea.