WAHYU 11:5 - Alkitab Singog In Mongondow Masa In Tanaa

⁵ Aka oyúon in intau monungkuḷ mogaid kon inta diá mopia kon i monia, dá ḷumuaidon in tuḷu nongkon bibig monia bo tua in momokak kon saturu mita tatua. Dá natua in daḷan kopopatoi in intau mita inta mogaid kon inta diá mopia kon i monia.

WAHYU 11:5 ပူးပေါင်းရင်းမြစ်များ

MAZMUR 18:8

Bo nodandú in dunia bo noḷundan, apad mita in buḷud nodandú bo mogugur popisí in torú i Allah.

YESAYA 11:4

Intau bogá ihakimnea kinoadil, intau inta diá kodaya dinuḷuannea takin gina motuḻid; intau kotaḷá ihukum podudui in parentanea, intau moraat iyompatnea.

YEREMIA 1:10

Singgai in naa Akuoi in mobogoi kon inimu in kawasa kon bangusa mita bo dodatuan mita – kawasa mogumpag bo morumbun, bo mopoḷabú bo moyopú, sin moposindog bui bo momuḷa.”

YEREMIA 5:14

Bo ki Tuhan inta Totok in mokawasa in noguman kon inakó, “Yeremia, popisí in intau mita tatua nosingog natua, dá mosia in kotugatanbí in bodito inta podudui in singog monia in diábí mobaḻí. Akuoi in mopototuubí kon tosingogon-Ku naonda bo tuḷú kon bonu in bibigmu. Bangusa tanaa in naondadon bo kayu pondungú, bo tuḷú tatua in momokak kon i monia modapot in mopayong.”

YEHEZKIEL 43:3

Oontongon tatua in notongkai in inta inontongku kon dodai in ki Allah namangoi sin morimumud kon Yerusalem, bo ná inta inontongku kon Ongkag in Kebar. Bo inumumpag in akuoi bo nosundud.

HOSEA 6:5

Tuamai in Akuoi nopotabá in nabi-Ku mita sin mopotaau kon inimu onu inta ain sinantú-Ku kon moiko in mustibí hukumon bo yopúon. Inta koibog-Ku kon i monimu in nobayag bo nosilang bidon:

ZAKHARIA 1:6

Pinongin in nabi mogogundoi-Ku mita tatua, pinotaau-Ku in parenta mita bo tompoingat-Ku mita kon mogoguyangmu. Táe diá pinandungmai monia dá mosia in musti mobaba kon bungainea. Bo nomanasaḷ in mosia bo ináku monia kon Akuoi, ki Tuhan Inta Totok in mokawasa, nohukumdon kon i monia pinodoyon kon taḷá monia, bo noitombutung kon onu inta ain sinantú-Ku.”

ZAKHARIA 2:8

Ki ine in monubu kon i monimu, in monububí kon batoḷ in dodob-Ku.” Dá Ki Tuhan Inta Totok in mokawasa in nopotabá kon inakó mopotaau in koyow tanaa kon bangusa mita inta ain nogagow kon umat-Nea,

WAHYU 13:13

Mahaḷuk inta induanea tatua in nogaid kon tanda inta totok in mokoherang kon intau. Kon tayowon in bayongan intau binaḻínea in tuḷu noḷabú nongkon ḷangit.

WAHYU 9:17

Bo inontongku doman kon bonu in oontongon tatua in kabaḷo mita takin intau mita inta sinumakoi. Intau mita inta sinumakoi kon kabaḷo tatua in nogiḷambung in ḷambung uatoi inta ná kopura in tuḷu in batangannea, nobidu ná batu nilam bo nodarag ná balerang. Uḷu in kabaḷo mita tatua in naonda bo uḷu in singa, bo nongkon bibignea ḷumuai in tuḷu, poyok bo balerang.