WAHYU 11:15 - Alkitab Singog In Mongondow Masa In Tanaa

¹⁵ Bo malaekat impitunea in nogirup kon torompetnea, dá kinodongogandon in singog mita inta mongoḷangon totok nongkon soroga noguman, “Kawasa momarenta kon dunia naa, masai naa kinadaiandon i Tuhan naton, bo i Datu mopoposaḷamat inta pinodandi-Nea. Sia bidon in momarenta modapot in mononoi!”

WAHYU 11:15 ပူးပေါင်းရင်းမြစ်များ

MAZMUR 110:4

Takin ibot ki Tuhan ain nodandi, diábí gamáan-Nea bui, “Ikobí in imang modapot in mononoi, naonda bo ki Melkisedek.”

MAZMUR 146:10

Ki Tuhan tua in Datu modapot in mononoi. Ei Sion, ki Allahmu nongawasa kinoouput in dunia naa. Dayowdon in ki Tuhan!

MAZMUR 2:2

Datu mita in dunia simindog moyododai bo inta mongogawasa mita moyopakat moḷawang kon i Tuhan bo datu inta piniḻí-Nea.

MAZMUR 72:11

Bayongan in datu in dumokóbí kon tayowonnea, bayongan in bangusa mobaḻí atanea mita.

MAZMUR 82:8

Angoidon o Allah, sisigaidon in dunia, sin bayongan in bangusa Ikobí in kitogi.

MAZMUR 86:9

Bayongan in bangusa inta pinomia-Mu in mamangoibí, o Tuhan, sin mosumba kon ini-Mu bo mopoḷantud kon ini-Mu.

IḶUAIAN 15:18

Ikodon ki Tuhan, Datu, inta tantú momarenta.”

YESAYA 27:13

Kon dodai intua posingogonbí in torompet moḷoben sin mogoiní bui kon bayongan intau in Israel inta iḷumbú kon Asyur bo kon Mesir. Mosia in mamangoibí in Yerusalem sin mosumba kon i Tuhan kon buḷud-Nea inta motusi.

YESAYA 44:23

Porogiowdon moḷunganga, ei ḷangit, porogiowdon, ei bonu in butá! Porogiowdon takin ḷunganga in gina, ei buḷud mita! Natua doman in kayuon bo bayongan in pangkoi in kayu kon bonunea! Sin ki Tuhan in nopoontongdon in kamuliaan-Nea pinongin notobut kon Israel umat-Nea.

YESAYA 55:5

Moiko in mogoiníbí kon bangusa mita ango-angoi, bo mosia in ḷagidon mamangoi kon inimu, podoyon kon i-Nakó, ki Tuhan Allahmu, Allah mokudus in Israel, sin Akuoi in nopoḷantudon kon i monimu.”

YESAYA 9:7

Ki Tuhan ain nopoḷabú in hukuman kon dodatuan in Israel.

YEREMIA 16:19

Tuhan, Ikobí in inta noḷukad kon inakó bo nobogoi in ropot kon inakó; Iko in notuḷung kon inakó kon dodai in nororiga. Bangusa mita nongkon popod in butá in mamangoibí kon ini-Mu bo moguman, “Mogoguyang nami in tongábí oyúon in ilah uboḷ inta totokbí in diá in mangaḻenea.

YEHEZKIEL 47:5

Komintanpa doman in sia nogukur kon ḻima nogatut nometer, bo kon tua tubignea in noiḻiudon in ḻinow ḷoḷanan in sioḷ. Aka intau moibog in intau ḷumoḷan yo mustibí in sia ḷumanguy.

DANIEL 7:14

Sia in inogoian in kahoromatan bo kawasa saḷaku datu, dá bayongan in intau nongkon bayongan in bangusa, inanakan bo singog in nogundoi kon i-Nia. Kawasa-Nea in modapot in mononoi, pomarentaan-Nea in diábí poḷabúon.

DANIEL 7:18

Táe umat i Allah Inta Totok in moḷantud in motarimabí kon hak momarenta bo pomarentaannea in modapotbí in mononoi.”

DANIEL 7:22

Onda intua Sia inta mononoi tatua namangoi bo nobogoi in kaputusan inta nopobanar umat i Allah Inta Totok in moḷantud. Noiyaputdon in wakutunea mosia in motarima kon kawasa sin momarenta.

DANIEL 7:27

Kawasa bo koḷoḷoben in bayongan in dodatuan kon dunia in ogoi kon umat i Allah Inta Totok in moḷantud. Kawasa monia momarenta in diábí in imbuitnea bo bayongan in mongongawasa kon dunia naa in mobantungbí kon i monia takin toindudui.”

HOSEA 2:23

Pomiaan-Ku motompia in kobobiag in umat-Ku bo motantúdon in mosia in mogutun kon butá monia. Kon i monia inta sinangoi ‘Inta Diá Kinotabi’ poontong-Kubí kon mosia in kotabi-Ku, bo kon i monia inta sinangoi ‘Deeman Umat-Ku’ in tangoion-Kudon, ‘Moiko in Umat-Ku’. Mosia in motubagbí, ‘Ikobí in ki Allah nami.’ ”

OBAJA 1:21

Intau in Yerusalem inta nountung in monubu kon Edom poḷat mopotungkud. Dá Akuoi ki Tuhan in momarenta mobaḻí datu.”

MIKHA 4:7

Mosia in pinotungkudon bo noyayúdon nongkon ḻipúnea tontaní. Táe, nongkon intau mita inta kiagatnea tatua baḻíon-Kudon in buí inta mobagu. Mosia in mobaḻídon bangusa inta moḷoben bo moropot. Akuoi in momarentabí kon i monia kon Tombuḷud in Sion modapot in mononoi.”

ZAKHARIA 14:9

Dá ki Tuhan in momarenta saḷaku datu kon sinangkub in butá; pomuḷoi in intau in mosumbabí kon i-Nia saḷaku ki Allah bo monotaau kon i-Nia takin tangoi inta notongkai intua.

ZAKHARIA 2:11

Kon dodai intua mobayong in bangusa in mamangoi kon i Tuhan sin nobaḻí umat-Nea. Sia in mogutunbí kon yua-yuakmu, bo kotaauandon monimu kon ki Tuhan in nopotabádon kon inakó namangoi kon inimu.

MALEAKHI 1:11

Akuoi in ihoromat in bangusa mita kon sinangkub in dunia. Kon ondaka tubáan monia in kamania sin mohoromat kon tangoi-Ku bo moposumba in kuruban inta patus, sin bayongan in bangusa in mohoromatbí kon i-Nakó!

MATIUS 24:31

Bo Sia in mopotabá kon malaekat-Nea mita ḷumuai, bo mogirup kon bansí inta mopia totok in singognea sin mosia mosipun kon intau mita inta aindon piniḻí-Nea nongkon popod mita in dunia, bo nongkon popod in ḷangit tobotak modapot popod in ḷangit tobotak doman.”

MATIUS 6:13

Donaaidon pomayá mako in kami kobuḻian in pirisaya kon dodai in kami koantugan in totungkuḷ, táe pilataidon in kami nongkon kawasa i inta Moraat! [Sin Ikobí in Datu inta mokawasa bo momulia dapot in mononoi. Amin.]’

LUKAS 1:33

Bo sia in mobaḻí doman Datu kon yua-yuak in intau mita inta buí i Yakub modapot in kopaḷutan in dunia. Dodatuan-Nea in mononoi.”

LUKAS 15:10

Natua doman in malaekat mita i Allah, mopia in gina monia aka oyúon tobatú intau inta moraat in mogogaidon in mogaid kon dosa. Tuamai, popirisayabí!”

LUKAS 15:6

bo diaan mobui. Onda in moiyaputmai kon baḷoinea, sia in mogoiní kon yobayatnea mita bo topodiugmai poḷat moguman nanaa, ‘Igai bá moramepa in kita sin dombaku inta nobuḻi in nouḻíkudon bui!’

OUMAN IN RASUL MITA 4:26

Datu mita in dunia naa in mosadia mako moparang bo itoi mita in motobatú sin moḷawang kon i Tuhan bo Datu Mopoposaḷamat.’

IBRANI 1:8

Táe ki Allah in noguman kon i Adí-Nea nanaa: “Ḷoḻitúan pomomarentaan-Mu, umuranbí mononoi! Moadil totok in pomomarenta-Mu.

WAHYU 10:7

Táe aka malaekat impitunea in mogirupdon kon torompetnea, yo aidandon i Allah in tomayá inta binuni-Nea, ná inta ain pinotaau muna kon intau mita inta nogaid kon oaidan-Nea bo kon nabi mita.”

WAHYU 12:10

Bo akuoi in nokodongog kon singog noḷangon nongkon soroga inta noguman, “Tanaadon in wakutunea ki Allah moposaḷamat kon umat-Nea! Tanaadon in wakutunea ki Allah mopoontong in kawasa-Nea saḷaku Datu! Tanaa in Datu Mopoposaḷamat inta pinodandi tatua mopoontong domandon in kawasa-Nea! Sin ki inta moponapudmai doḷom bo singgai kon i utat naton ain pinoḷuai nongkon soroga.

WAHYU 15:4

Ki inebí in diá moondok kon ini-Mu, Tuhan? Ki inebí in doí mopotaau in kamuliaan-Mu? Tongábí Iko i motusi. Bayongan in bangusa mamangoibí mosumba kon ini-Mu sin aid-Mu mita inta moadil ain inontong in bayongan intau.”

WAHYU 16:17

Nopaḷut mako kon tua malaekat impitunea in nopobutak domandon in palonea kon baḷangon. Dá kinodongogandon in singog moropot nongkon tampat pomomarentaan kon baḷoi i Allah, inta noguman, “Ain nopaḷut!”

WAHYU 17:14

Mosia in noyopakat kon moparang kon i Adí in Domba tatua. Táe ki Adí in domba tatua takin dumodudui-Nea mita inta mosatia bo inta ain inoiní bo piniḻí-Nea tatua in monaḷow kon datu mita tatua, sin Siata in Tuang in bayongan tuang, bo Datu in bayongan datu.”

WAHYU 19:1

Nopaḷut mako kon tua, akuoi in nokodongog kon naonda bo giow in intau mobayong inta nongkon soroga, noguman, “Dayowdon in ki Allah! Ki Allah naton inta mopoposaḷamat; Sia in Allah inta Moḷoben bo Mokawasa!

WAHYU 19:6

Onda intua akuoi in nokodongog kon ná giow in intau mobayong inta noyosipun; kotombánea in naonda bo singog in bokoḷ kon dagat bo gotup inta moyo-moyodudui. Dinongogku mosia in noguman, “Dayowdon in ki Allah! Sin ki Tuhan, ki Allah naton Inta Mokawasa tua, nomarentadon in tanaa!

WAHYU 20:4

Bo akuoi in nokoontong kon ḷoḻitúan mita pomomarentaan tatua inogoian in kawasa monantú kon hukuman. Inontongku doman in dimukud in intau mita inta sinokoratá popisí in nopotaau in habar soaḷ ki Yesus, bo lantaran nopoyaput in koyow i Allah. Mosia tua in diábí nosumba kon mahaḷuk tatua andeka patongnea bo doí doman sinandaan kon pogot bo kon ḻima monia; dá mosia in nobiag bui bo nomarenta saḷaku datu moyotakin i Kristus toribu notaong in koonggotnea.

WAHYU 8:12

Onda intua malaekat inggopatnea nogirup domandon kon torompetnea. Dá noidatongdon in sepertiga in mata in singgai, sepertiga in buḷan bo sepertiga doman in tundi mita, sahingga noinggamádon sepertiga nongkon ropot in sindar monia. Ná doman tua, sepertiga nongkon bayag in diádon notarang bo ná doman tua in doḷom.

WAHYU 9:1

Bo malaekat iḻimanea in nogirup kon torompetnea, bo akuoi in nokoontong kon tobatú tundi noḷabú nongkon ḷangit. Tundi tatua inogoian kokunsi in irang popatoi.

WAHYU 9:13

Onda intua, malaekat inta inggonomnea in nogirup kon torompetnea. Dá dinongogkudon in singog iḷumuai nongkon siku mita in meja pogogukatan kon sosumba inta pinomia nongkon buḷawan, inta inukat kon tayowon i Allah.