WAHYU 11:12 - Alkitab Singog In Mongondow Masa In Tanaa

¹² Onda intua nabi doyowa tatua in nokodongogdon kon singog moropot inta nogoiní nongkon soroga, “Koḻigai onikdon in naa!” Bo koonto-ontongdon doman in saturu monia, mosia namonikdon in soroga kooḻi-oḻiung in goḷom.

WAHYU 11:12 ပူးပေါင်းရင်းမြစ်များ

DATU MITA 2 2:1

Noiyaputdon in wakutunea ki Tuhan modia kon i Elia mamonik in soroga pongin uḷu in tompot. Kon dodai intua ki Elia bo ki Elisa in nobuatdon nongkon Gilgal,

DATU MITA 2 2:11

Kobaya-bayá, umuran in taya dua mongonguman. Bo daḻídon in kereta inta kodoko-dokot inta inugut in kabaḷo namangoi nopoyoguat kon inayadua bo diniadon namonik in uḷu in tompot minayá in soroga in ki Elia.

DATU MITA 2 2:5

Topaanan in nabi inta nogutun kon tua minayá nokipodungkuḷ kon i Elisa bo noḻibó “Kinotaauanmudon degá kon singgai in naa ki tuangmu in diaandon i Allah bo monaḷámaidon kon inimu?” “Oo, kinotaauanku,” tubag i Elisa, “Táe kibio-biómaidon, dikadon mongonguman kon tua in kita.”

DATU MITA 2 2:7

bo nabi ḻima nopuḷú in dinumudui kon i monia. Ki Elia bo ki Elisa in sinumogon kon bingkí in ongkag, bo nabi inta ḻima nopuḷú tatua in sinimindog diá noyayú kon tua.

MAZMUR 112:10

Intau moraat nokoontong kon tua bo sinumorú; mosia in noporokokot in bagang popisí in nondoí. Bo noyopú in mosia; kamang monia in noinggamá nodapot in mononoi.

MAZMUR 15:1

Mazmur i Daud. Tuhan, ki ine in motaau mogutun kon Ḷoḷaigan-Mu bo umutun kon tombuḷud-Mu inta motusi.

MAZMUR 24:3

Ki ine in motaau motakod kon Tombuḷud i Tuhan, bo tumuot kon bonu in Baḷoi-Nea?

MAZMUR 86:17

Ogoiaidon in akuoi in tomponuot in kopopia-Mu, o Tuhan, sinbá intau inta mondoí kon inakó angoian in oyá, aka mosia in mokoontong kon ini-Mu motuḷung bo moḻipoi kon inakó.

IḶUAIAN 14:25

Binaḻínea roda mita in kereta tatua diá noburow, dá mororigadon totok monia in mayá. Guman intau in Mesir, “Koḻigai kita moḷagui monaḷámai kon intau Israel, sin ki Tuhandon in moparang monayow kon i naton.”

YESAYA 14:13

Iko in moniat moponik kon ḷangit bo momia kon tampat pomomarentaanmu kon ḻimonik in tundi inta totok in moonik! Kainimukamai iko in motaaubí ḻimitú mobaḻí datu kon tudu in buḷud kon dotá in utuan, tampat pinoyosipunan in dewa mita.

YESAYA 40:31

Táe intau inta mopongata kon i Tuhan, in mokouḻí kon ropot mobagu. Mosia in naonda bo ḷagapan boniá inta ḷumayug moonik mopongata in koḻikipnea. Mosia in moribatuk bo diábí moḷopí, mosia in mayá bo diábí moḷungkoyó.

YESAYA 60:8

Onu degá in inta noiḷayug naonda bo goḷom naonda bo paḷoma inta iḷumayug nobui?

MALEAKHI 3:18

Umat-Ku in mokoontongbí doman kon yoposi in ukur in intau mopia bo intau moraat, kon sigad in intau inta mogundoi kon i-Nakó bo inta diá.”

LUKAS 16:23

Kon dunia in intau minatoi sia mororiga totok. Bo wakutu in sia iḷumangag nongkon tampatnea tatua, inontongnea in ki Abraham, bo ki Lazarus in iḻimitú doman mako kon diugneamai.

OUMAN IN RASUL MITA 1:9

Naonda in nosingog mako kon tua in Sia, Sia in biningkatdon namonik in soroga koonto-ontongpa mako monia tua. Bo kinooḻingoiandon in goḷom in Sia dá diádon inontong monia.

TESALONIKA 1 4:17

Mopaḷut mako kon tua kita inta nobiagpa naa, bingkatondon moyotakin monia mamonik in ḷangit moyodungkuḷ i Tuhan. Bain kon tuata bo mogutundon in kita takin i Tuhan.

WAHYU 12:5

Bo bobay tatua in nopononggadídon in tobatú adí ḷoḷaki inta momarenta kon bayongan intau kon dunia naa takin tungkud uatoi, táe adí tatua baḷú bo inagow nongkon i inánea bo dinia kon i Allah kon tayowon pomomarentaan-Nea.

WAHYU 3:21

Mosia inta mountung, ogoi-Ku ḻimitú takin-Ku kon tampat pomomarentaan-Ku, notongkai doman ná Akuoi inta ain nountung bo tanaa mako in iḻimitú noyotakin i Amá-Ku kon tampat pomomarentaan-Nea.

WAHYU 4:1

Nopaḷut mako intua nanaa in bui inontongku. Inontongku in tobatú ḷoḻingkop nobukat kon soroga. Bo dinongogkudon bui in singog inta noguman kon inakó koina inta naonda bo singog in torompet. Singog tatua in noguman, “Poponikdon mangoi kon naa, bá popoontong-Kudon kon inimu onu in mobaḻí kon singgai moiduduimai.”