ULANGAN 9:3 - Alkitab Singog In Mongondow Masa In Tanaa

³ Táe tanaa, ontongonbí monimu tontaní naonda in ki Tuhan Allahmu mayá kon muna monimu naonda bo tuḷú inta mokopokak. Sia in monaḷowbí kon i monia kon tayowonmu, dá kountunan bo koyopúanbí monimu in mosia motoyong ná inta pinodandi i Tuhan.

ULANGAN 9:3 ပူးပေါင်းရင်းမြစ်များ

IḶUAIAN 23:23

Malaekat-Ku in umuna kon i monimu mayá in butá in bangusa Amori, Het, Peris, Kanaan, Hewi bo Yebus, bo mosia in yompaton-Ku.

YESAYA 27:4

Diá bidon in porasaan-Ku tumorú. Aka kuma bo oyúon in bonok andeka bo bonganga, yo putúan-Kubí intua, bo momokak kon tua komintan.

YESAYA 30:27

Kawasa bo kamuliaan i Tuhan koontongan nongkon moyayú. Tuḷú bo poyok moponiata kon torú-Nea. Sia in moyosingog takin i monia, bo tosingogon-Nea mita momokak naonda bo tuḷú.

YESAYA 30:30

Ki Tuhan mopodongogbí in singog-Nea inta momulia, bo pomuḷoi in intau in mokorasabí kon kawasa-Nea inta motoyang. Torú-Nea in mokopoangoibí kon tuḷú inta mokopokak, uyan morogot, uyan batu bo deḷang.

YESAYA 30:33

Nongkon koḻipodpabímai ain sinadia in tampat potubáan kon i datu in Asyur. Tampat tatua modaḷom bo mooḷad, binonuan in kayu pondungú inta noyoguntuḷdon. Ki Tuhan in mopoyongkitdon intua pongin mopoirup in poginaan-Nea ná ongkag in balerang.

YESAYA 33:14

Intau mita binaradosa kon Sion mourot popisí in moondok. Guman monia, “Bontow in tosingogon i Allah in naonda bo tuḷú inta nodokot modapot in mononoi. Degá oyúon in mokotahang kon bonu in tuḷú inta moyopú tatua?”

MIKHA 2:13

Bukáan-Kubí in daḷan bo modia kon i monimu ḷumuai nongkon pinoḷumbúan. Moiko in mondangatbí kon bonawang mita bo mayá takin diá in ḷambo-ḷamboinea. Akuoi, ki Tuhan tontaní, in Datumu, bo Akuoi in modia kon i monimu ḷumuai.”

MATIUS 15:10

Bo ki Yesus nogoiní kon intau moantó tatua bo noguman kon i monia, “Indongogai bo tagú kon bonu in gina!

MARKUS 7:14

Bo ki Yesus nogoiní kon intau mobayong tatua bo noguman bui kon i monia, “Indongogai sinbá komangaḻean monimu!

SURAT I PAULUS KON JAMAAT RUM 8:31

Onu in motaau naton singogon kon soaḷ mita tatua? Aka ki Allah bo noyotakin naton yo ki ine in mokoḷawang kon i naton?

EPESUS 5:17

Dika mokopobodok, táe tayakdon kopira mongo onu in kinoibog i Tuhan.

ULANGAN 1:30

Ki Tuhan Allah in modiabí kon i monimu bo moposaḷamat kon i monimu ná inta ain inontong monimu tontaní kon Mesir

ULANGAN 20:1

“Aka moiko mayá moparang moḷawang kon musungmu mita, dika moondok in mokoontong kon kereta in parang bo kabaḷo monia inta mobayong takin tontara monia inta noiḻiu in kobayongnea nongkon i monimu. Ki Tuhan Allahmu inta nopoḷuai kon i monimu nongkon Mesir, in motuḷungbí doman kon i monimu.

ULANGAN 20:4

Ki Tuhan Allahmu in dumuduibí sin motuḷung kon i monimu, bo Sia in mopountungbí kon inimu.’

ULANGAN 4:24

sin ki Tuhan Allahmu naonda bo tuḷú inta mokopokak. Sia in doíbí potongkaion in onukadon.

ULANGAN 7:16

Batúan in bangusa inta pinosarakan i Tuhan Allahmu kon bonu in kawasa mu musti yopúon monimu; dika mopoontong in tabi kon i monia. Dika mosumba kon ilah mita monia, sin aid mita natua mokopoangoi kon bodito kon inimu.

ULANGAN 7:22

Bangusa mita tatua in poguntunon-Neabí piḻim-piḻikon nongkon tayowonmu. Diábí motaau in baḷúon monimu yopúon kodaiton, sinbá mahaḷuk mita inta moraat diá modugang mobarong bo mobaḻí gogondok kon inimu.

ULANGAN 9:6

Pokoyakin kon ki Tuhan Allahmu in diábí noposarakan in butá mopia tatua kon inimu popisí in moiko patus motarima kon tua. Deemanbí natua! Moiko nion in bangusabí inta motogat in gina.

TESALONIKA 2 1:8

bo takin tuḷú inta kodoko-dokot. Sia in mamangoi mohukum kon intau mita inta diá mopirisaya kon i Allah bo inta doí mokidongog kon Habar Mopia i Yesus Kristus ki Tuhan naton.

IBRANI 12:29

Sin ki Allah naton in naonda bo tuḷu inta mokopokak.

YOSUA 11:12

Bayongan in kotá mita tatua inagow i Yosua, bo datunea mita in dinomok bo iḻimod pinodudui kon parenta i Musa, mogogundoi i Tuhan tua.

YOSUA 11:8

Bo Israel in pinopountung i Tuhan nongkon i monia. Intau in Israel nonubu bo nondudur kon i monia nodapot in Misrepot-Maim bo Sidon kon dotá in utuan, bo nodapot in Ḷopá in Mizpa kon dotá in pomukaan. Pinoparangan diápa doman mooyong nodapot in diádon tobatúmai in musung in kinotaḻiban – nodaitdon minatoi.

YOSUA 14:12

Tuamai, tanaa ogoidon in butá kon buḷud inta pinodandi i Tuhan kon inakó kon tungkuḷ in akuoi bo intau mita inta noyotakinku nobui mangoi kodia-dia in habar. Kon tungkuḷ intua iko tontaní in nokodongog, kon tua oyúon in bangusa in mongoḷoben bo moitoi inta sinangoi monia bangusa in Enak. Mosia nogutun kon bonu in kotá mita moḷoben inta dininding. Degá tuḷunganpabí i Tuhan in akuoi, dá akuoi in mokountundon kon i monia, ná inta pinoguman i Tuhan.”

YOSUA 3:14

Dodai intua in sempodon pobatunan kon bungai in boyó, bo ná biasamai tubig in Ongkag in Yordan noiḻebetdon. Naonda in intau Israel nonaḷámai kon pinononḷoḷaigan monia sin ḷumoḷandon kon Ongkag in Yordan, imang mita minayá inumuna kodia-dia in Poti Dodandian. Bo naonda in imang mita tatua mopotobogdon in sioḷ monia kon tubig in ongkag,

HAKIM MITA 4:14

Bo ki Debora noguman kon i Barak, “Monik, bayádon! Ki Tuhanbí in modia kon inimu. Singgai in naa pountung i Tuhan in moiko kon i Sisera.” Dá nosiḻigdon in ki Barak nongkon Buḷud in Tabor noyotakin in intaunea mopuḷú noribu,