ULANGAN 8:8 - Alkitab Singog In Mongondow Masa In Tanaa

⁸ Butá tatua nobogoi in noyagi-yagimai in gandum, anggur, bungai in ara, bungai in delima, pangkoi in zaitun bo biluk.

ULANGAN 8:8 ပူးပေါင်းရင်းမြစ်များ

KINOBAḺIAN 49:11

Ki adí in keledainea sinogotnea kon pangkoi, pangkoi in anggur inta totok in mopia. Sia in nomatá kon pakeangnea takin momaké in anggur, anggur ná kopura in dugú.

SAMUEL 2 4:6

Bobay moḷoḷukad kon baḷoi sinomposiug kon wakutu in yogot mondaritmai kon gandum, bo noḷoḷot. Tuamai in ki Rekhab bo ki Baana nokoḷongasi sinumuot.

DATU MITA IMITÁNEA 5:11

Bo ki Salomo in nobogoidon in kokaanon kon intau mita inta kon komaḻig i Hiram tua. Muḷoi in taong ogoi i Salomo kon i Hiram in 322.500 nokilo in gandum bo 4.400 noliter in ḷana zaitun taakan.

DATU MITA 2 18:32

moidapot in moiko pampingonku kon butá tobatú inta notongkai in butámu tontaní. Kon tua in oyúon in gobá in anggur inta mopomungai in anggur kon inimu, bo gobá in gandum inta mobogoi in topong sin kaanonmu. Kon butá tatua in mobayong in pangkoi in zaitun, ḷana in zaitun bo biluk. Aka moiko in dumudui kon onu inta pinogumanku tanaa kon inimu, yo mobiagbí in moiko, diábí matoi. Dika indongogan in ki Hizkia! Tongábí in sia monguboḷ kon i monimu takin moguman kon ki Tuhan in moposaḷamatbí kon i monimu.

MAZMUR 147:14

Sia in noḷukad kon butámu sinbá umuran moaman, bo mopokaan in gandum inta totok in mopia kon inimu modapot in mobotug.

MAZMUR 81:16

Intau inta mondoí kon i-Nakó in potungkudon-Kubí, mosia in hukumonbí modapot in mononoi.

YESAYA 7:23

Kon tungkuḷ intua gobá mita in anggur inta kon batúannea pinomuḷaan kon pangkoi in anggur toribu bo inta boḻinea in toribu in doit saḷaka, in kobiagan in bo bonganga.

YEREMIA 2:7

Mayá in butá inta mopia inatod-Ku in mosia sin mokaan kon bungai mita in pinomuḷa bo bayongan in inta mopia kon tua. Táe kon tua butá-Ku in pinonajisdon monia bo kapunyaan-Ku in binaḻí monia mokorongó.

YEREMIA 5:17

Mosia in mokopodaitbí kon bungai in boyó bo kaanonmu poḷat moḻimod kon i adímu mita. Biag sapi bo dombamu in ratáanbi monia, bo gobá mita in anggur takin pangkoi mita in aramu in tokoyompatonbí monia. Kotá mita inta dininding inta pongata monimu in rimumudonbí monia.

YEHEZKIEL 27:17

Yohuda bo Israel in noponoḻiu in pakakat daganganmu in gandum, biluk, ḷana in zaitun bo toyokayu mita.

HOSEA 2:8

Ki inámu diábí kon dodai in onda in akuonnea kon Akuoibí in nobogoi kon inia in gandum, anggur, ḷana zaitun, bo bayongan in buḷawan, saḷaka inta pinakénea nosumba kon Baal tatua.

MIKHA 4:4

Pomuḷoi in intau in mobiag bidon moaman bo motomoman kon yuak in gobá in anggur bo gobá in aranea; diá bidon in mopogogondokmai kon inia, tuata in dandi i Tuhan Inta Totok in mokawasa.

HABAKUK 3:17

Umpaka pangkoi in ara diá in bungainea bo pangkoi in anggur diá in anggurnea, umpaka bungai in zaitun diá in notuoi bo bungai in gandum kon gobá mokokudai kon gina, umpakabí domba mita minatoidon komintan bo kobang in bobiagon diá in bonunea,

PINOGIAPAN 13:23

Bo nodapotdon in mosia kon ḷopá in Eskol. Kon tua in pinomongkóan monia kon anggur totanga inta mobogat totok, nodapot in musti tombuḻigan intau doyowa. Mosia in nodia doman kon tongonumai in bungai in delima bo bungai in ara.

YOHANES 6:13

Bo sinipun monia. Nosipun magí mopuḷú bo doyowa nokompé ki agat in kaanon inta tongá nongkon roti ḻima nobatú bo pinokaan kon intau mobayong tatua.

YOHANES 6:9

“Kon naa oyúon in adí ḷoḷaki inta nodia kon roti ḻima nobatú bo toyá doyowa nobungá. Táe diábí pongonu aka kon intau moantó tanion?”

ULANGAN 32:13

Binaḻí-Nea in mosia nongawasa kon buḷud mita; mosia in nokaan kon bungai in boyó kon gobá mita monia bo nonginum kon biluk in kayuon kon buḷud batu. Mosia nokouḻí kon ḷana nongkon pangkoi in zaitun inta nobiag kon butá inta nopuḻing in batu.

ULANGAN 32:14

Sapi bo bembé domba monia mobogoi in susu inta mobarong; bobiagon monia totok in mongopia, gandum bo tubig in anggur monia in totok mopia.

ULANGAN 6:3

Tuamai indongogaidon utat mita, pokosatiadon in mogaid kon tua, sinbá mopia in kobiagan monimu bo mobaḻí bangusa inta moḷoben kon butá inta nooyúon bo inta mopia, ná inta pinodandi i Tuhan Allah in mogoguyang naton.

ULANGAN 8:7

Ki Tuhan Allahmu nodia kon i monimu pinobayá in butá inta mopia; butá inta mobayong in ongkag bo bokakánea, bo danow inta mointampurang monag kon ḷopá bo kon buḷud mita.

ULANGAN 8:9

Kon tua moiko in diábí koaputan in gogoy ande kodaitan. Batu karangnea oyúon in uatoi, bo buḷudnea mita motaau pongaḻian monimu kon bitú.